Virat Son Akay Kohli: టీమ్ఇండియా స్టార్ బ్యాటర్ విరాట్ కోహ్లీ టీ20 వరల్డ్కప్ అనంతరం బ్రేక్ తీసుకున్నాడు. ఈ క్రమంలో విరాట్ రెండు వారాల కిందటే లండన్ పయనమయ్యాడు. ప్రస్తుతం లండన్లో విరాట్ ఫ్యామిలీతో సమయం గడుపుతూ ఎంజాయ్ చేస్తున్నాడు. అయితే క్రికెట్కు బ్రేక్ తీసుకున్న ప్రతిసారీ విరాట్ పూర్తిగా ఫ్యామిలీ మ్యాన్గా మారిపోతాడు.
తాజాగా ఈ ట్రిప్లోనూ భార్య అనుష్కతో కలిసి లండన్ స్ట్రీట్స్లో చక్కర్లు కొడుతున్నాడు. అయితే ఈసారి తన కుమారుడు అకాయ్ కోహ్లీ స్పెషల్ అట్రాక్షన్గా నిలిచాడు. విరాట్- అనుష్క తమ కొడుకు అకాయ్ కోహ్లీతో బయటకు వెళ్లారు. ఆ చిన్నారిని విరాట్ ఎత్తుకొని ఉన్న వీడియో ఒకటి సోషల్ మీడియాలో వైరల్గా మారింది. అయితే ఈ వీడియో ఎవరో వెనకవైపు నుంచి తీశారు. అందుకే వీడియోలో అకాయ్ మొహం సరిగ్గా కనిపించడం లేదు. దీంతో 'జూనియర్ విరాట్ ఫేస్ ఎప్పుడు రివీల్ చేస్తారు', 'తరువాత తరం విరాట్' అంటూ కోహ్లీ ఫ్యాన్స్ కామెంట్లు పెడుతున్నారు. కాగా, 2017లో పెళ్లి చేసుకున్న విరాట్- అనుష్క దంపతులకు 2021లో వామిక అనే ఆడపిల్ల పుట్టింది. ఇక ఇదే ఏడాది ఫిబ్రవరిలో అనుష్క పండంటి బాబు (అకాయ్)కు జన్మనిచ్చింది.
Virat Kohli with Akaay in London. ❤️pic.twitter.com/bbqZetrExZ
— Mufaddal Vohra (@mufaddal_vohra) July 18, 2024
Virat T20 International Career: కాగా, టీ20 వరల్డ్కప్ తర్వాత విరాట్ పొట్టి ఫార్మాట్ క్రికెట్కు గుడ్బై చెప్పేశాడు. 2010లో టీ20 ఫార్మాట్లో అరంగేట్రం చేసిన కోహ్లీ దాదాపు 14ఏళ్లపాటు టీమ్ఇండియాకు ప్రాతినిధ్యం వహించాడు. కెరీర్లో 125 మ్యాచ్లు ఆడిన విరాట్ 48.7 సగటున,137.04 స్ట్రైక్ రేట్తో 4188 పరుగులు చేశాడు. అందులో 38 హాఫ్ సెంచరీలు, 1 సెంచరీ ఉన్నాయి. కాగా, అంతర్జాతీయ టీ20 ఫార్మాట్కు క్రికెట్కు వీడ్కోలు పలికిన విరాట్, ఎప్పటిలాగే ఐపీఎల్లో మాత్రం కొనసాగనున్నాడు.
Virat Kohli Srilanka Tour: టీమ్ఇండియా జులైలో శ్రీలంక పర్యటనకు వెళ్లనుంది. ఈ పర్యటనలో ఆతిథ్య జట్టుతో భారత్ 3టీ20, 3 వన్డే మ్యాచ్లు ఆడాల్సి ఉంది. అయితే ఈ టూర్ కోసం విరాట్ తిరిగి టీమ్ఇండియాతో కలవనున్నాడు. వన్డే సీరీస్లో విరాట్ ఆడనున్నాడు.
'పాక్కు వస్తే భారత్ను మర్చిపోయేలా- విరాట్ కోసం మేమంతా వెయిటింగ్'
'కెప్టెన్ అయ్యాక విరాట్ మారిపోయాడు - అతడు మాత్రం అలాంటివాడు కాదు' - Virat Kohli Captaincy
