'సూర్య నువ్వు అందుకుంది క్యాచ్ కాదు, ఐసీసీ ట్రోఫీ' - T20 World Cup 2024

Suryakumar Yadav Catch: టీమ్ఇండియా స్టార్ బ్యాటర్ సూర్యకుమార్‌ యాదవ్ జట్టు ఫైనల్ మ్యాచ్​లో కళ్లుచెదిరే క్యాచ్ అందుకున్నాడు. ఒక్క క్యాచ్​తో జట్టు విజయంలో కీలకమయ్యాడు.

Suryakumar Yadav Catch: వెస్టిండీస్ బర్బడోస్ మైదానంలో టీమ్ఇండియా శనివారం చిరస్మరణీయ విజయాన్ని అందుకుంది. పొట్టి ప్రపంచకప్​లో సౌతాఫ్రికాతో జరిగిన మ్యాచ్​లో కీలక పోరులో భారత్ 7 పరుగుల తేడాతో విజయం సాధించింది. దీంతో టీ20 వరల్డ్​కప్​ హిస్టరీలో టీమ్ఇండియా రెండోసారి విజేతగా నిలిచింది. అయితే ఈ మ్యాచ్​లో స్టార్ బ్యాటర్ సూర్యకుమార్‌ యాదవ్ అందుకున్న క్యాచ్​ ఆటకే హైలైట్​గా నిలిచింది.

ఛేజింగ్​లో సౌతాఫ్రికా దూసుకుపోయింది. ఈ క్రమంలో సఫారీ విజయానికి చివరి 6 బంతుల్లో 16 పరుగులు కావాలి. క్రీజులో డేంజరస్ డేవిడ్ మిల్లర్ ఉన్నాడు. అప్పుడు కెప్టెన్ రోహిత్ శర్మ, ఆల్​రౌండర్ హార్దిక్ పాండ్యకు బంతినిచ్చాడు. ఆ ఓవర్లో తొలి బంతినే మిల్లర్ భారీ షాట్ ఆడాడు. బంతి అమాంతం గాల్లోకి లేచి సిక్సర్​వైపు దూసుకుపోయింది. లాంగాన్​ ఫీల్డింగ్​లో ఉన్న సూర్య వేగంగా పరిగెత్తుకుంటూ వచ్చి అసాధారణ రీతిలో బౌండరీ లైన్​ వద్ద బంతిని అందుకున్నాడు. ఈ క్రమంలో సూర్య కంట్రోల్ తప్పాడు. బంతిని గాల్లోకి విసిరి, బౌండరీ గీత దాటాడు. వెంటనే మళ్లీ బంతిని అందుకొని క్యాచ్​ను పూర్తి చేశాడు. అంతే టీమ్ఇండియా ప్లేయర్లు, అభిమానులు ఒక్కసారిగా సంబరాల్లో మునిగిపోయారు. ఒకవేళ సూర్య ఆ క్యాచ్ పట్టకపోయి ఉంటే మ్యాచ్ ఫలితం వేరేలా ఉండేది.

What A Catch By Suryakumar Yadav 🔥🔥
Game changing catch 🥹❤️
Congratulations India 🇮🇳#INDvSA #T20WorldCup pic.twitter.com/2GGj4tgj7N

— Elvish Army (Fan Account) (@elvisharmy) June 29, 2024

అందుకుంది క్యాచ్ కాదు కప్పు!
సూపర్​మ్యాన్​లా క్యాచ్​ అందుకున్న సూర్యపై ప్రశంసలు వెల్లువెత్తాయి. 2011 వన్డే వరల్డ్​కప్​లో మహేంద్ర సింగ్ ధోనీ విన్నింగ్ షాట్ సిక్సర్​గా ఇది కూడా చరిత్రలో నిలిచిపోతుందంటూ మెచ్చుకున్నారు. ఇక సోషల్ మీడియాలోనూ సూర్యపై నెటిజన్లు పొగడ్తల వర్షం కురిపిస్తున్నారు. 'సూర్య క్యాచ్ కాదు, ఏకంగా ఐసీసీ ట్రోఫీనే అందుకున్నాడు' అంటూ మీమ్స్​ చేసేస్తున్నారు.

In 1999, Harschelle Gibbs not just dropped catch of Steve Waugh; he dropped the World Cup too!

Exactly opposite, Suryakumar Yadav won #TeamIndia #T20IWorldCup here by catching! ❤️#INDvSA pic.twitter.com/DmC0xSvEVm

— Kiran Khedeka₹ (@Kiran_Khedekar) June 29, 2024

బ్యాట్​తోనూ అదుర్స్
ఈ ప్రపంచకప్ టోర్నీ సూర్య బ్యాట్​తోనూ రాణించాడు. ఆడిన 8 మ్యాచ్​ల్లో 199 పరుగులు చేశాడు. ముఖ్యంగా సెమీఫైనల్​లో జట్టు 2వికెట్లు కోల్పోయిన దశలో రోహిత్​తో మంచి భాగస్వామ్యం నిర్మించాడు. ఈ మ్యాచ్​లో సూర్య 47 పరుగులు బాదాడు. ఇక టోర్నీ మొత్తంలో రెండుసార్లు 50+ స్కోర్లు చేశాడు.