Team India Coach: టీమ్ఇండియా హెడ్కోచ్ రేస్ రోజురోజుకీ ఆసక్తికరంగా మారుతోంది. జట్టు హెడ్ కోచ్గా మాజీ ప్లేయర్ గౌతమ్ గంభీర్ ఎంపిక లాంఛనమే అని ప్రచారం సాగుతుండగా అనూహ్యంగా కొత్త పేరు తెరపైకి వచ్చింది. మాజీ క్రికెటర్ డబ్ల్యూవీ రామన్ కూడా కోచ్ రేస్లో ఉన్నట్లు తెలుస్తోంది. గంభీర్తోపాటు రామన్ కూడా బీసీసీఐ ఇంటర్వ్యూకి వెళ్లాడంట. ఇంటర్వ్యూలో గంభీర్, రామన్ ఇద్దరు కూడా తమ ప్రదర్శనలతో బీసీసీఐ అధికారులను ఆకట్టుకున్నారట.
ఇక టీమ్ఇండియా క్రికెట్ అభివృద్ధి కోసం రామన్ ఓ రోడ్మ్యాప్ సిద్ధం చేసి బీసీసీఐకి సమర్పించాడని టాక్. అయితే గంభీర్కు ఐపీఎల్లో ఆయా జట్లకు మెంటార్గా పనిచేసిన అనుభవం ఉంది. గతంలో లఖ్నవూ సూపర్ జెయింట్స్ జట్టును వరుసగా రెండుసార్లు ప్లేఆఫ్స్ చేర్చగా, తాజాగా 2024 ఐపీఎల్లో కోల్కతా నైట్రైడర్స్ను ఛాంపియన్గా నిలిపాడు. అటు రామన్ కూడా అనుభవజ్ఞుడే. అతడు అండర్-19, భారత మహిళా జట్టు కోచ్గా పనిచేశాడు. దీంతోపాటు దేశవాళీ క్రికెట్లో ఆయా జట్లకు నిర్దేశం చేశాడు. ఇక ఐపీఎల్లోనూ పంజాబ్, కోల్కతా ఫ్రాంచైజీలకు బ్యాటింగ్ కోచ్గా పనిచేశాడు. దీంతో ఇద్దరిలో ఎవరిని ఎంపిక చేయాలోనని బీసీసీఐ కన్ఫ్యూజన్లో ఉన్నట్లు సమాచారం.
అయితే ఇద్దర్నీ కోచ్లుగా ఎంపిక చేస్తే ఎలా ఉంటుందోనని కూడా బీసీసీఐ ఆలోచిస్తుందట. గంభీర్ను టీమ్ఇండియా హెడ్ కోచ్గా చేసి, రామన్ను టెస్టు కోచ్ లేదా బ్యాటింగ్ కోచ్గా నియమించాలని భావిస్తున్నట్లు తెలుస్తోంది. కాగా, దీనిపై త్వరలోనే ఓ క్లారిటీ రానుంది. కాగా, ప్రస్తుత కోచ్ రాహుల్ ద్రవిడ్ పదవీ కాలం ఈ నెల ఆఖర్లో ముగియనుంది. జులై 1 నుంచి కొత్త కోచ్ బాధ్యతలు స్వీకరించాల్సి ఉంటుంది. దీంతో బీసీసీఐ ఈ నెల చివరి వారంలోగా కొత్త కోచ్ను ప్రకటించనుంది. ఇక కొత్తగా బాధ్యతలు స్వీకరించే కోచ్ 2027 దాకా కొనసాగుతారు. ఈ పదవీకాలంలో ఐసీసీ ప్రతిష్ఠాత్మకమైన 2025 ఛాంపియన్స్ ట్రోఫీ, 2026 టీ20 ప్రపంచకప్, 2027 వన్డే వరల్డ్కప్ టోర్నీలు ఉంటాయి.
టీమ్ఇండియా హెడ్ కోచ్ రేసులో కొత్త పేరు - ఇంటర్వ్యూ కూడా చేశారట! - TeamIndia New Head Coach
హెడ్ కోచ్గా గంభీర్ ఫిక్స్? ఆ కండీషన్కు ఓకే చెప్తేనే! - Team India New Coach
