Abhishek Sharma IPL: 2024 ఐపీఎల్లో సన్రైజర్స్ యంగ్ బ్యాటర్ అభిషేక్ శర్మ అదరగొడుతున్నాడు. బుధవారం లఖ్నవూతో జరిగిన మ్యాచ్లో 28 బంతుల్లోనే 267.86 స్ట్రైక్ రేట్తో 75 పరుగులు చేసి జట్టు విజయంలో కీలక పాత్ర పోషించాడు. దీంతో అభిషేక్పై ప్రశంసలు వెల్లువెత్తాయి. ఈ నేపథ్యంలో అభిషేక్ తన బ్యాటింగ్ స్కిల్స్తో మాజీ క్రికెటర్ యువరాజ్ సింగ్ను గుర్తుచేస్తున్నాడని తాజాగా కామెంటేటర్ ఆకాశ్ చోప్రా అభిప్రాయపడ్డాడు.
'అభిషేక్ శర్మ బ్యాటింగ్తో ఆకట్టుకుంటున్నాడు. ట్రావిస్ హెడ్తో పోలిస్తే అభిషేక్ హిట్టింగ్ స్ట్రైల్ కాస్త డీసెంట్గా ఉంది. అతడి డౌన్స్వింగ్ బాగుంది. క్రీజులో ఆడుతున్నప్పుడు తన స్ట్రైల్ యువరాజ్ బ్యాటింగ్ను గుర్తుచేస్తుంది. టీమ్ఇండియా పిలుపు అతడికి ఎంతో దూరం లేదు. అతడిని త్వరలోనే టీమ్ఇండియాలో చూస్తాం' అని ఆకాశ్ అన్నాడు.
అభిషేక్ ఒపికపట్టు: టీమ్ఇండియా మాజీ ప్లేయర్ యవరాజ్ సింగ్, అభిషేక్ శర్మ రీసెంట్ ఇన్నింగ్స్పై స్పందించాడు. నిలకడగా ఆడుతూ, ఒపిక పట్టాలంటూ ట్వీట్ చేశాడు. 'వెల్ ప్లే అభిషేక్. నువ్వు ఇలాగే నిలకడగా ఆడుతు, ఓపికగా ఉండు. నీకూ ఓ టైమ్ వస్తుంది' అని యువీ అన్నాడు. ఇక అభిషేక్ అద్భుతంగా రాణిస్తున్న అతడు ఇప్పుడే వరల్డ్కప్కు సిద్ధంగా లేడని యువీ ఇటీవల అన్నాడు. 'బీసీసీఐ అభిషేక్కు ముందు కొన్ని అంతర్జాతీయ మ్యాచ్లు ఆడే ఛాన్స్ ఇవ్వాలి. అప్పుడే అతడు ఐసీసీ ఈవెంట్లలో అడగలడు. అభిషేక్ నుంచి మరికొన్ని భారీ ఇన్నింగ్స్ రావాలి' అని యువరాజ్ ఇదివరకు ఓ సందర్భంలో అన్నాడు.
వరల్డ్కప్ తర్వాత పక్కా! పొట్టి ప్రపంచకప్ తర్వాత అభిషేక్ పక్కా టీమ్ఇండియాలో ఎంట్రీ ఇస్తాడని న్యూజిలాండ్ మాజీ కోచ్ మైక్ హసన్ అన్నాడు.'అభిషేక్ పవర్ప్లేలో స్పిన్నర్లు, పేసర్లను సమర్థంగా ఎదుర్కొంటున్నాడు. తన హిట్టింగ్తో అభిషేక్ నాణ్యమైన ప్లేయర్గా ఎదుగుతున్నాడు. టీ20 వరల్డ్కప్ తర్వాత పక్కా భారత జట్టులోకి వస్తాడు' అని మైక్ అన్నాడు.
ఇక ప్రస్తుత ఐపీఎల్లో అభిషేక్ రెచ్చిపోతున్నాడు. ప్రత్యర్థి ఎవరైనా బ్యాట్తోనే సమాధానం చెబుతున్నాడు. ఇప్పటివరకు 12 మ్యాచ్లు ఆడిన అభిషేక్ ఏకంగా 205.64 స్ట్రైక్ రేట్తో 401 పరుగులు చేశాడు. ఇందులో 30 ఫోర్లు, 35 సిక్స్లు ఉన్నాయి.
ట్రావిస్, అభిషేక్ మెరుపులు - ఒక్క వికెట్ కోల్పోకుండా సన్రైజర్స్ విక్టరీ - SRH VS LSG IPL 2024
58 బంతుల్లోనే 166 ఉఫ్‌ - సన్రైజర్స్ ఖాతాలో రికార్డులే రికార్డులు - IPL 2024 LSG VS SRH
