Rohit Sharma IPL 2024: 2024 ఐపీఎల్ సంబరం మరో వారం రోజుల్లో ప్రారంభం కానుంది. అయితే స్టార్ ప్లేయర్ రోహిత్ శర్మ దాదాపు 11ఏళ్ల తర్వాత కెప్టెన్గా కాకుండా కేవలం ఒక బ్యాటర్గా బరిలోకి దిగనున్నాడు. దీంతో అందరి దృష్టి ఇప్పుడు రోహిత్ శర్మపైనే ఉండనుంది. మరి రోహిత్ ఈసారి ఎలా ఆడుతాడనేది ఆసక్తిగా మారింది.
ఇదివరకు రోహిత్ కెప్టెన్గా జట్టును నడిపిస్తూ, బ్యాటింగ్ భారాన్ని కూడా మోయాల్సి వచ్చింది. కానీ, గత రెండు సీజన్లుగా రోహిత్ బ్యాటింగ్లో చెప్పుకోదగ్గ ప్రదర్శన చేయలేదు. 2022లో 14 మ్యాచ్ల్లో 268 పరుగులు, 2023లో 332 పరుగులు మాత్రమే చేశాడు. అందులో 2022ఐపీఎల్లో రోహిత్ ఒక్క హాఫ్ సెంచరీ నమోదు చేయకపోవడం గమనార్హం.
అటు జట్టు కూడా 2021, 2022లో ప్లే ఆఫ్స్ చేరడంలో విఫలమైంది. గతేడాది ప్లేఆఫ్స్కు వచ్చినా క్వాలిఫయర్- 2లో గుజరాత్ చేతిలో ఓడింది. దీంతో ముంబయి యాజమాన్యం జట్టు భవిష్యత్ను దృష్టిలో ఉంచుకొని రోహిత్ను కెప్టెన్సీ నుంచి తప్పించి ఆ బాధ్యతలు హార్దిక్ పాండ్యకు అప్పగించింది. ఇక రోహిత్కు ప్రస్తుతం కెప్టెన్సీ బాధ్యతలు లేకపోవడం, పైగా సూపర్ ఫామ్లో ఉండడం వల్ల ఈసారి ఐపీఎల్లో హిట్మ్యాన్ మెరుపులు చూడవచ్చని ఫ్యాన్స్ అంటున్నారు.
