మయంక్ అవి బంతులా? బుల్లెట్లా?- లఖ్​నవూకు స్పీడ్‌ గన్‌ దొరికేసింది! - Mayank Yadav IPL 2024

Mayank Yadav IPL 2024: ఐపీఎల్‌లో ఇప్పుడు ఎక్కువ మంది చర్చించుకుంటున్న ప్లేయర్‌ మయాంక్‌ యాదవ్‌. ఈ యంగ్‌ ఫాస్ట్‌ బౌలర్‌ ఆడిన రెండు మ్యాచ్‌ల్లో క్రియేట్‌ చేసిన ఇంపాక్ట్‌ అంతా ఇంతా కాదు. మయాంక్‌ గురించి నెటిజన్లు ఏమంటున్నారంటే?

Mayank Yadav IPL 2024: ప్రతి ఐపీఎల్ సీజన్‌లో కొందరు కొత్త యంగ్ టాలెంటెడ్ క్రికెటర్‌లు వెలుగులోకి వస్తుంటారు. గతంలో బుమ్రా, హార్దిక్, జైశ్వాల్, గిల్, సిరాజ్ ఇలా చెప్పుకుంటూ పోతే పెద్ద లిస్టే ఉంది. ఇక 2023లో రింకూ సింగ్ వెలుగులోకి రాగా, తాజా సీజన్​లో లఖ్​నవూ పేస్ బౌలర్ మయంక్ యాదవ్ అందరి దృష్టిని ఆకర్షిస్తున్నాడు.

లఖ్​నవూ గత రెండు మ్యాచ్​ల్లో బంతితో అదరగొట్టి 'ప్లేయర్ ఆఫ్ ది మ్యాచ్'​గానూ నిలిచాడు మయంక్. ఈ క్రమంలో ఐపీఎల్​ కెరీర్​లో తొలి రెండు మ్యాచ్​ల్లో 3+ వికెట్లు దక్కించుకున్న ఆరో బౌలర్​గా మయంక్ రికార్డు కొట్టాడు. అతడి కంటే ముందుగా లసిత్ మలింగ, అమిత్ మిశ్రా, మయంక్ మార్కండే, కూపర్, జోఫ్రా ఆర్చర్ ఈ ఘనత సాధించారు.

లఖ్​నవూకు స్టార్‌ దొరికినట్లే!
ప్రస్తుత సీజన్​లో లఖ్​నవూ సూపర్ జెయింట్స్ జట్టుకు మయాంక్ యాదవ్ కీలక ప్లేయర్​గా మారాడు. ముఖ్యంగా స్టార్ బౌలర్లు మార్క్ వుడ్, డేవిడ్ విల్లీ సేవలు టీమ్‌కి దూరమయ్యాయి. సీజన్ ప్రారంభానికి ముందు, 2024 ఐపీఎల్​లో పేసర్ మయంక్ కీలక పాత్ర పోషిస్తాడని LSG హెడ్ కోచ్, జస్టిన్ లాంగర్ చెప్పాడు. ఇక తాజాదా పంజాబ్, బెంగళూరు మ్యాచ్​ల్లో మయాంక్‌ స్పీడ్‌ చూసిన నెటిజన్లు మార్క్‌ వుడ్‌ అవసరం లేదని, లఖ్​నవూకు స్టార్‌ దొరికాడని కామెంట్లు చేస్తున్నారు.

బౌలింగ్‌ సంచలనం
లఖ్​నవూ గత రెండు మ్యాచ్​ల్లో మయంక్ ఆటే హైలైట్. ముఖ్యంగా పంజాబ్​తో మ్యాచ్​లో మయంక్ బౌలింగ్​లో అదుర్స్ అనిపించాడు. ఆ మ్యాచ్​లో 199 పరుగుల లక్ష్యంతో బరిలోకి దిగిన పంజాబ్ 10 ఓవర్లకు 98-0 పటిష్ఠ స్థితిలో నిలిచి గెలుపు దిశగా సాగింది. అలాంటి దశలో కెప్టెన్ మయాంక్ యాదవ్‌ చేతికి బంతినిచ్చాడు. అంతే అతడు పరగులు నియంత్రించడమే కాకుండా, క్రమంగా వికెట్లు తీయడమే పడగొట్టి లఖ్​నవూకు విజయం అందించాడు. ఈ మ్యాచ్​లో నాలుగు ఓవర్లు బౌలింగ్ చేసిన మయంక్ 27 పరుగులు ఇచ్చి 3 వికెట్లు తీశాడు. ఇక తాజాగా బెంగళూరుతో మ్యాచ్​లో విజయంలోనూ మయంక్​దే కీలక పాత్ర. ఆర్సీబీ టాపార్డర్ రజత్ పాటిదార్, గ్లెన్ మ్యాక్స్​వెల్, కామెరూన్ గ్రీన్​ను పెవిలియన్ చేర్చి ప్రత్యర్థి జట్టను దెబ్బకొట్టాడు. అందులో ఓ అద్భుత బంతికి గ్రీన్ క్లీన్ బౌల్డయ్యాడు. ఈ మ్యాచ్​లోనూ 3 వికెట్లతో రాణించిన మయంక్​కు ప్లేయర్ ఆఫ్ ది టోర్నీ అవార్డు దక్కింది.

ఫాస్టెస్ట్ బాల్ 2024
ప్రస్తుత టోర్నీలో అత్యంత వేగవంతమైన బాల్ వేసింది మయాంకే. పంజాబ్ మ్యాచ్​లో తను వేసిన 155.8 kmph స్పీడ్​ రికార్డ్​ను తానే ఆర్సీబీ మ్యాచ్​లో బద్దలుకొట్టాడు. తాజా మ్యాచ్​లో మయంక్ 165.7 kmphతో బౌలింగ్ చేశాడు. అయితే మయాంక్ యాదవ్, భారతదేశానికి తొలి అల్ట్రా- స్పీడ్‌స్టర్ కాదు. ప్రస్తుతం వరుణ్ ఆరోన్‌, ఉమ్రాన్ మాలిక్‌ వంటి వాళ్లు ఉన్నారు. అయితే ఇలాంటి వాళ్లకి గాయాలే ప్రధాన సమస్య. మయాంక్‌ వయస్సు, ఫిట్​నెస్ చూస్తే ఎక్కువ కాలం బౌలింగ్‌ చేయగలడు.