IPL 2024 Lucknow Super Giants vs Rajasthan Royals : ఐపీఎల్ 2024లో భాగంగా తాజాగా జరిగిన మరో ఉత్కంఠ పోరులో లఖ్నవూపై రాజస్థాన్ రాయల్స్ విజయం సాధించింది. 7 వికెట్ల తేడాతో విజయం సాధించింది. 197 పరుగుల లక్ష్యంతో బరిలోకి దిగిన రాజస్థాన్ 19 ఓవర్లలోనే 3 వికెట్లు కోల్పోయి లక్ష్యాన్ని ఛేదించింది. సంజు శాంసన్(71 నాటౌట్) టాప్ స్కోరర్గా నిలిచాడు. యశస్వి జైశ్వాల్(18 బంతుల్లో 3 ఫోర్లు, 1 సిక్స్ సాయంతో 24), జాస్ బట్లర్(18 బంతుల్లో 4 ఫోర్లు 1 సిక్స్ సాయంతో 34) మంచిగా రాణించారు. రియాన్ పరాగ్(11 బంతుల్లో 14) పరుగులు చేశాడు. చివర్లో వచ్చిన ధృవ్ జురెల్(52 నాటౌట్) స్కోరు బోర్డును ముందుకు తీసుకెళ్లాడు. యశ్ ఠాకూర్, మార్కస్ స్టొయినిస్, అమిత్ మిశ్రా తలో వికెట్ దక్కించుకున్నారు.
అంతకుముందు మొదట బ్యాటింగ్ చేసిన లఖ్నవూ సూపర్ జెయింట్స్ నిర్ణీత 20 ఓవర్లలో 5 వికెట్లు కోల్పోయి 196 పరుగులు చేసింది. వాస్తవానికి ఈ జట్టుకు మొదట అద్భుత ఆరంభం లభించింది. కానీ ఫినిషింగ్ మాత్రం సరిగ్గా చేయలేదు. దీంతో ఈజీగా 200 దాటుతుందని అనుకున్న స్కోరు 196కే ఆగిపోయింది.
ఓపెనర్ క్వింటన్ డికాక్ కేవలం 8 పరుగులు మాత్రమే చేసి ఔటయ్యాడు. ఆ తర్వాత గత మ్యాచ్ సెంచరీ వీరుడు స్టోయినీస్ డకౌట్గా వెనుదిరిగాడు. దీంతో కేవలం 11 పరుగులకే రెండు వికెట్లు కోల్పోయిన కష్టాల్లోకి వెళ్లింది లఖ్నవూ. అనంతరం కేఎల్ రాహుల్ కెప్టెన్ ఇన్నింగ్ ఆడి స్కోరును ముందుకు తీసుకెళ్లాడు. 48 బంతుల్లోనే 8 ఫోర్లు, 2 సిక్స్ల సాయంతో 76 పరుగులు చేశాడు. అతడికి రాహుల్ హుడా (31 బంతుల్లో 7 ఫోర్ల సాయంతో 50 పరుగులు) మంచి సహకారం అందించాడు. దీంతో 12 ఓవర్లలోనే లఖ్నవూ 126 స్కోరు దాటింది.
అయితే క్రీజులో కుదురుకున్న హుడా, రాహుల్ తర్వాత ఔట్ అయిపోయారు. దీంతో స్కోరు నెమ్మదించింది. చివర్లో రాజస్థాన్ బౌలర్లు చురుగ్గా బంతులు సంధించారు. పూరన్(11), ఆయుష్ బదోని(18 నాటౌట్), కృనాల్ పాండ్య(15 నాటౌట్) పరుగులు చేశారు. దీంతో 196 పరుగుల దగ్గర లఖ్నవూ ఇన్నింగ్స్ ముగించింది. రాయల్స్ బౌలర్లలో సందీప్ శర్మ 2, బౌల్ట్ , అవేశ్ ఖాన్, అశ్విన్ తలో వికెట్ తీశారు.
కెఎల్ రాహుల్ అరుదైన రికార్డ్ - ఐపీఎల్లో ఓపెనర్గా కేఎల్ రాహుల్ 4000 వేల పరుగులు పూర్తిచేశాడు. అత్యధిక పరుగులు సాధించిన ఓపెనర్ల జాబితాలో రాహుల్ నాలుగో స్థానంలోకి ఎక్కాడు. ఈ జాబితాలో శిఖర్ ధావన్(202 ఇన్నింగ్స్లో 6362 పరుగులు) అగ్రస్థానంలో ఉన్నాడు. ఆ తర్వాత డేవిడ్ వార్నర్ 5909 పరుగులు, గేల్ 4480 పరుగులతో ఉన్నారు.
పోరాడి ఓడిన ముంబయి - దిల్లీ ఖాతాలో ఐదో విజయం - IPL 2024 DC VS MI
జేక్ ఫ్రేజర్ ఊచకోత - 310కిపైగా స్ట్రైక్‌రేట్‌తో ముంబయిపై విరుచుకుపడుతూ! - IPL 2024 DV VS MI
