Cricketers Debuted With Dhoni But Faded Away : టీమ్‌ ఇండియాలో చోటు దక్కించుకోవడం అంత సులువు కాదు. డొమెస్టిక్‌ క్రికెట్‌లో అద్భుతంగా రాణించి, తమలోని ప్రతిభను చాటుకుంటే తప్ప భారత జాతీయ జట్టు తలుపులు తెరుచుకోవు. అయితే టీమ్‌ ఇండియాకి ఎంపికైన అందరి కెరీర్‌లు ఒకేలా ఉండవు. కొందరు భారీ అంచనాలతో మొదలైనా, మధ్యలోనే కెరీర్ ముగిసిపోతుంది. ఇంకొందరు సుదీర్ఘకాలం కొనసాగుతారు. ఇందుకు చాలా కారణాలు ఉండవచ్చు.
భారత లెజెండరీ క్రికెటర్లలో ధోని ఒకడు. సక్సెస్‌ఫుల్‌ భారత కెప్టెన్‌గా, బెస్ట్‌ ఫినిషర్‌గా గుర్తింపు పొందాడు. సుదీర్ఘకాలం జట్టులో కొనసాగాడు. అయితే 2004లో ధోని అరంగేట్రంతో కొందరు ఆటగాళ్లు, ముఖ్యంగా పార్థివ్ పటేల్, ఇర్ఫాన్ పఠాన్ కెరీర్ ప్రమాదంలో పడింది. అద్భుతంగా క్రికెట్ జర్నీ మొదలుపెట్టిన వారి కెరీర్ అనూహ్యమైన మలుపు తిరిగింది.
పార్థివ్ పటేల్ vs ఎంఎస్‌ ధోని
17 ఏళ్ల వయస్సులోనే పార్థివ్ పటేల్ వికెట్ కీపర్ కమ్ బ్యాట్స్‌మెన్‌గా టెస్టుల్లో అరంగేట్రం చేశాడు. 2002లో ఇంగ్లాండ్‌పై మొదటి టెస్ట్‌ ఆడాడు. ధోని కాలంలో, పార్థివ్ ప్రధానంగా వన్డేలు, టీ20 క్రికెట్ ప్రారంభ సంవత్సరాల్లో జట్టులో ఉన్నాడు.
మొదట్లో పార్థివ్ భారీ అంచనాలతోనే అడుగుపెట్టాడు. అయితే ఆ తర్వాతి కాలంలో పార్థివ్ కెరీర్ చాలా ఎత్తుపల్లాలు ఎదుర్కొంది. జట్టుకు చాలా కాలం దూరంగా ఉన్నాడు. 2018లో ధోని టెస్టుల నుంచి రిటైర్ అయిన తర్వాత అతను తిరిగి టెస్టు జట్టులోకి వచ్చాడు. ఈ పునరాగమనం అతని దృఢ సంకల్పాన్ని నిదర్శనం. కానీ అప్పటికే చాలా సంవత్సరాలు కోల్పోయాడు.
ధోని వికెట్ కీపర్, బ్యాట్స్‌మెన్‌గా సక్సెస్‌ అయినప్పుడు, పార్థివ్ కనుమరుగవడం మొదలైంది. ధోని అనంతరం కెప్టెన్‌గా మారడం వల్ల కీపర్ అయిన పార్థివ్‌కి జట్టులో చోటు దక్కడం మరింత కష్టమైంది.
ఇర్ఫాన్ పఠాన్ కెరీర్
2004 ఆస్ట్రేలియా పర్యటనలో ఫాస్ట్ బౌలింగ్ ఆల్-రౌండర్‌గా తెరపైకి ఇర్ఫాన్ పఠాన్ వచ్చాడు. భారత్‌కు దొరికిన అద్భుతమైన ప్లేయర్‌గా ప్రశంసలు అందుకున్నాడు. బంతిని స్వింగ్ చేయడం, బ్యాట్‌తో విలువైన పరుగులు చేయగలగడం వల్ల ఇతడిపై భారీ అంచనాలే నెలకొన్నాయి. అయితే గాయాలు అతడి కెరీర్‌ని ప్రశ్నార్థకంగా మార్చేశాయి. నిలకడ, అలాగే ఫిట్‌నెస్ సమస్యల వల్ల జట్టులో తన స్థానాన్ని సుస్థిరం చేసుకోలేకపోయాడు.
ICC ఛైర్మన్లుగా చేసిన ఇండియన్స్- లిస్ట్లో మాజీ CM శరద్ పవార్! - ICC Chairman Indians
