10 Wickets In An Innings : క్రికెట్ హిస్టరీలో ఒక ఇన్నింగ్స్లో బౌలర్ 10 వికెట్లు దక్కించుకున్న సందర్భాలు చాలా అరుదు. గతంలో జిమ్ లేకర్ (ఇంగ్లాండ్), అనిల్ కుంబ్లే (భారత్), అజాజ్ పటేల్ (న్యూజిలాండ్) ఈ ముగ్గురు క్రికెటర్లు టెస్టు మ్యాచ్ ఒకే ఇన్నింగ్స్లో 10 వికెట్లు దక్కించుకున్నారు. తాజాగా ఈ ఫీట్ మరోసారి నమోదైంది. మరి అది ఎక్కడంటే?
ముంబయి డొమెస్టిక్ టోర్నమెంట్ కంగా లీగ్ (Kanga League)లో ఈ ఫీట్ రిపీట్ అయ్యింది. టోర్నీలో గౌడ్ సరస్వత్ సీసీ (Gaud Saraswat CC) జట్టుకు ప్రాతినిధ్యం వహిస్తున్న లెఫ్ట్ ఆర్మ్ స్పిన్నర్ షోయబ్ ఖాన్ ఈ అరుదైన ఘనత సాధించాడు. లీగ్లో భాగంగా రీసెంట్గా జాలీ క్రికెటర్స్ (Jolly Cricketer's) జట్టుతో జరిగిన మ్యాచ్లో షోయబ్ ఒకే ఇన్నింగ్స్లో 10 వికెట్లు దక్కించుకున్నాడు. ఈ మ్యాచ్ఫస్ట్ ఇన్నింగ్స్లో 17.4 ఓవర్లు బౌలింగ్ చేసిన షోయబ్ ప్రత్యర్థి జట్టును 67 పరుగులకు ఆలౌట్ చేశాడు. దీంతో ఈ అరుదైన ఘనత సాధించిన బౌలర్గా నిలిచాడు. ఇది చూసిన నెటిజన్లు భారత్కు మరో అనిల్ కుంబ్లే దొరికేశాడంటూ కామెంట్లు పెడుతున్నారు.
A performance for the ages from the Mumbai lad! 🙌#MCA #Mumbai #Cricket #Wankhede #BCCI pic.twitter.com/YDt36LBrdb
— Mumbai Cricket Association (MCA) (@MumbaiCricAssoc) September 23, 2024
అసలేంటీ కంగా లీగ్
ఇది ముంబయి డొమెస్టిక్ క్రికెట్ లీగ్ల్లో ఒకటి. ముంబయికి చెందిన మాజీ క్రికెటర్ హోర్ముజీ కంగా జ్ఞాపకార్థం ఈ టోర్నీ నిర్వహిస్తున్నారు. ఫస్ట్ క్లాస్ క్రికెట్లో కంగా 1905 పరుగులు, 33 వికెట్లు పడగొట్టాడు. అతడు అప్పట్లో ముంబయిలోని శివాజీ పార్క్, క్రాస్ మైదాన్, అజాద్ మైదాన్ లాంటి ప్రతిష్ఠాత్మక గ్రౌండ్స్లో ఆడాడు. కాగా, క్రికెట్ దిగ్గజం సచిన్ తెందూల్కర్ సైతం ఈ టోర్నీలో ఆడాడు. సచిన్ 11ఏళ్ల వయసులో 1984లో తొలిసారి కంగా లీగ్ టోర్నీలో పాల్గొన్నాడు. ఇక సచిన్ తనయుడు అర్జున్ తెందూల్కర్ కూడా 2013లో ఈ టోర్నీలో ఆడాడు.
గతంలో సింగిల్ ఇన్నింగ్స్లో అన్ని వికెట్లు (10) పడగొట్టింది వీళ్లే
- జిమ్ లేకర్ (ఇంగ్లాండ్) vs ఆస్ట్రేలియా - 10/53 (1956)
- అనిల్ కుంబ్లే (భారత్) vs పాకిస్థాన్ - 10/74 (1999)
- అజాజ్ పటేల్ (న్యూజిలాండ్) vs భారత్ - 10/119 (2021)
10 పరుగులకే ఆలౌట్- T20 హిస్టరీలో అత్యల్ప స్కోర్ - T20 Lowest Score
