వాలంటీర్ల రాజీనామాల పిటిషన్‌పై హైకోర్టులో విచారణ - కౌంటర్ దాఖలు చేయాలని ఈసీకి ఆదేశాలు - High Court on Volunteers

High Court Hearing on Petition Against Accepting Volunteers Resignations: వాలంటీర్ల రాజీనామాలపై దాఖలైన పిటీషన్​పై హైకోర్టులో విచారణ జరిగింది. వాలంటీర్లు రాజీనామాలు చేసి వైసీపీకి అనుకూలంగా వ్యవహరిస్తారని బీ. రామచంద్రయాదవ్ పిటీషన్ దాఖలు చేశారు. విచారణ జరిపిన న్యాయస్థానం కౌంటర్ దాఖలు చేయాలని ఈసీకి హైకోర్టు ఆదేశాలు జారీ చేసి తదుపరి విచారణను 2 వారాలకు వాయిదా వేసింది.

High Court Hearing on Petition Against Accepting Volunteers Resignations: ఎన్నికలు పూర్తయ్యే వరకు వాలంటీర్ల రాజీనామాలను ఆమోదించ కుండా ఉండేలా ప్రభుత్వానికి ఆదేశాలు ఇవ్వాలని బీసీవై పార్టీ అధ్యక్షులు బీ. రామచంద్రయాదవ్ దాఖలు చేసిన పిటీషన్​పై హైకోర్టు విచారణ జరిపింది. ఇప్పటి వరకు 62 వేల మంది వాలంటీర్లు రాజీనామా చేశారని ఎన్నికల కమిషన్ తరపు సీనియర్ న్యాయవాది అవినాష్ దేశాయ్ కోర్టుకు తెలిపారు. ఈ ఏడాది మార్చి నుంచి ఏప్రిల్​లోపే అధికంగా రాజీనామాలు చేశారన్నారు. 900 మందిపై చర్యలు తీసుకున్నామని కోర్టుకు తెలిపారు. వాలంటీర్లను ఎన్నికల విధులకు దూరంగా ఉంచుతూ ఆదేశాలు కూడా జారీ చేశామని ఈసీ న్యాయవాది కోర్టుకు తెలిపారు.

రాజీనామాలను ఆమోదిస్తే వైసీపీకి అనుకూలంగా వ్యవహరిస్తారని పిటీషనర్ న్యాయవాది ఉమేశ్ చంద్ర కోర్టుకు తెలిపారు. ఆర్టికల్ 324 ప్రకారం ఈసీకి విస్తృత అధికారాలు ఉన్నాయని పిటీషనర్ న్యాయవాది వాదనలు వినిపించారు. ఎన్నికలు నిష్పక్షపాతంగా జరిపేందుకు ఈసీ విస్తృత అధికారాలు వినియోగించవచ్చని పిటీషనర్ న్యాయవాది కోర్టుకు తెలిపారు. కౌంటర్ దాఖలు చేయాలని ఈసీకి హైకోర్టు ఆదేశాలు జారీ చేసింది. తదుపరి విచారణను హైకోర్టు 2 వారాలకు వాయిదా వేసింది.