విజయదుందుభి మోగించిన కూటమి - చంద్రబాబుకు శుభాకాంక్షల వెల్లువ - Congratulations to Chandrababu

Congratulations to Chandrababu: ఏపీలో కూటమి విజయదుందుభి మోగించింది. భారీ మెజార్టీతో ప్రభుత్వాన్ని ఏర్పాటు చేయనుంది. దీంతో తెలుగుదేశం అధినేత చంద్రబాబుకు అభినందనలు తెలుపుతున్నారు. చంద్రబాబు నాయకత్వంలో ఏపీ ప్రగతిపథంలో పయనించాలని ఆకాంక్షించారు. చరిత్రలో అరుదైన విజయాన్ని అందుకున్న చంద్రబాబుకు చిరంజీవి అభినందనలు తెలిపారు.

Congratulations to Chandrababu : ఎన్నికల్లో ఎన్డీఏ కూటమి ఏపీలో ఘన విజయం సాధించడంపై చంద్రబాబుకు అభినందనలు వెల్లువెత్తుతున్నాయి. తెలుగుదేశం అధినేత చంద్రబాబు నాయుడుకు తమిళనాడు సీఎం స్టాలిన్‌ శుభాకాంక్షలు తెలిపారు. ఆంధ్రప్రదేశ్‌లో అఖండ విజయం సాధించినందుకు స్టాలిన్‌ అభినందనలు తెలియజేశారు. చంద్రబాబు నాయకత్వంలో ఏపీ ప్రగతిపథంలో పయనించాలని, ప్రజల ఆకాంక్షలు నెరవేరాలని స్టాలిన్ కోరారు.