Raksha Bandhan Gifts 2024 : దేశవ్యాప్తంగా భాషా, బేధాలు లేకుండా జరుపుకునే అతి కొద్ది పండగల్లో ఒకటి.. రాఖీ పౌర్ణమి. సోదర సోదరీమణుల మధ్య ప్రేమానురాగాలకు ప్రతీక ఈ రక్షాబంధన్(Raksha Bandhan 2024). ఈ పండగ వేళ అక్కాచెల్లెళ్లు.. తమ అన్నదమ్ములకు "ప్రేమ" అనే రాఖీని చేతికి కడతారు. ఆప్యాయతానురాగాల తీపిని తినిపించి.. "నువ్వు నాకు రక్ష - నేను నీకు రక్ష" అనే జీవితపు హామీని తీసుకుంటారు. ఈ సందర్భంగా తమ సోదరి సంతోషం కోసం సోదరులు బహుమతి ఇస్తుంటారు. మరి, ఈసారి మీ సోదరికి ఎలాంటి గిఫ్ట్ ఇవ్వాలనుకుంటున్నారు? ఇంకా క్లారిటీ లేకపోతే.. మీకోసమే "ఈటీవీ-భారత్" కొన్ని గిఫ్ట్ ఐడియాస్ తీసుకొచ్చింది. మరి, వాటిపై ఓ లుక్కేయండి.
స్మార్ట్ వాచ్‌ : మీరు మీ లవ్లీ చెల్లికి గాడ్జెట్‌ను గిఫ్ట్‌గా ఇవ్వాలనుకుంటున్నారా? అయితే.. స్మార్ట్ వాచ్‌ను బహుమతిగా ఇవ్వండి. అందులో హెల్త్ ట్రాకర్‌తో సహా అనేక ఫీచర్స్ అందుబాటులో ఉంటాయి. వారు ఈ గిఫ్ట్ని చాలా ఇష్టపడతారు. ఇప్పుడు మార్కెట్లో రకరకాల స్మార్ట్‌వాచ్‌లు ఆన్‌లైన్‌, ఆఫ్‌లైన్‌లో అందుబాటులో ఉన్నాయి. లేదంటే మీ సోదరి ఫ్యూచర్కి ఉపయోగపడేలా ఏదైనా స్మార్ట్ఫోన్ లేదా ల్యాప్టాప్ లాంటివి ఇచ్చి తనకు ఆనందాన్ని పంచండి.
మొక్కలు : మీ చెల్లి లేదా అక్క ప్రకృతి ప్రేమికురాలు అయితే... ఓ ఇండోర్ ప్లాంట్ ఇచ్చి సర్‌ప్రైజ్ చేయండి. మీరు ఎలా అయితే సోదరికి తోడుగా, రక్షగా ఉంటారో.. మొక్కలు మనకు రక్షణగా ఉంటాయి. వాటిని ఇస్తే... పర్యావరణానికి మేలు చేసినట్లు అవుతుంది.
హ్యాండ్‌మేడ్ గ్రీటింగ్ కార్డ్ : చేతితో తయారు చేసిన ఈ గ్రీటింగ్ కార్డ్‌లో మాటల్లో చెప్పలేని భావాలను వ్యక్తీకరించే ఛాన్స్ ఉంది. కాబట్టి, రాఖీ సందర్భంగా ఈ గిఫ్ట్ ఇచ్చినా మీ సోదరి చాలా సంతోషిస్తారు.
ఫొటో ఫ్రేమ్ : ఈ రోజు మనం గడిపే క్షణాలు శాశ్వతం కాదు.. కానీ, వాటిని ఫొటో ద్వారా బంధించవచ్చు. ఎప్పటికీ ఆ మధుర క్షణాలను ఎదురుగా నిలుపుకోవచ్చు. అందుకే.. రక్షాబంధన్ వేళ ఈసారి అలాంటి గిఫ్ట్కి ప్లాన్ చేయండి. అందుకోసం.. చిన్నప్పుడు మీరిద్దరూ దిగిన ఫొటోలు ఉంటే.. అందులోంచి అద్భుతమైన దాన్ని ఎంచుకొని మంచి ఫొటో ఫ్రేమ్ రెడీ చేసి మీ సోదరికి ఇవ్వండి.
రాఖీ శుభ ముహూర్తం అప్పుడే! - ఈ సమయంలో రాఖీ కడితే కష్టాలు - ఈ సమయంలో కడితే విష్ణుమూర్తి అనుగ్రహం!
ఫిక్స్‌డ్ డిపాజిట్ : రాఖీ వేళ గిఫ్ట్లే కాకుండా మీ సోదరి భవిష్యత్తుకు ఆర్థిక భరోసా ఇచ్చేలా ఆమె పేరు మీద ఫిక్స్‌డ్ డిపాజిట్ చేయండి. ఆ మొత్తానికి వడ్డీ వస్తూ ఉంటుంది. అవసరాలకు ఉపయోగించుకునే ఛాన్స్ ఉంటుంది.
హెల్త్ ఇన్సూరెన్స్‌ : రక్షా బంధన్ రోజున హెల్త్ ఇన్సూరెన్స్‌ ప్లాన్‌ను కూడా కొనుగోలు చేయవచ్చు. వైద్యపరమైన అత్యవసర సమయాల్లో ఆర్థిక భద్రతను అందిస్తుంది. మెడికల్ బిల్లుల గురించి ఆలోచించకుండా సోదరికి వైద్య చికిత్స పొందడానికి హెల్త్ ఇన్సూరెన్స్‌ పాలసీ హెల్ప్ చేస్తుంది.
బంగారం : అమ్మాయిలకు బంగారం అంటే చాలా ఇష్టం. కాబట్టి.. రక్షా బంధన్ సందర్భంగా మీరు మీ సోదరికి ఇయర్‌ రింగ్స్, బ్రాస్‌లెట్‌, చైన్స్‌, రింగ్స్ లాంటివి గిఫ్ట్‌గా ఇచ్చి.. ఆమె ముఖంలో చిరునవ్వును చూడండి. అది వారికి ఎప్పటికీ గుర్తుంటుంది.
చాక్లెట్ లేదా స్వీట్లు : చివరగా.. మీ సోదరి ప్రాధాన్యతలు ఏమిటో మీకు కచ్చితంగా తెలియకపోతే.. ఎక్కువ ప్రయోగాలు చేయకూడదనుకుంటే.. రుచికరమైన స్వీట్లు, చాక్లెట్‌లు ఇచ్చి కూడా మీ సంతోషాన్ని పంచుకోవచ్చు.
పండుగ షాపింగ్ చేస్తున్నారా - ఈ మార్కెట్లో తక్కువ ధరకే బెస్ట్ రాఖీలు!
