IRCTC Divya Dakshin Yatra with Jyotirlinga Package: మరికొన్ని రోజుల్లో కార్తిక మాసం రానుంది. ఈ మాసంలో చాలా మంది దేశంలోని ప్రముఖ పుణ్యక్షేత్రాలను దర్శించుకోవాలనుకుంటారు. మరి మీరు కూడా ఆ లిస్ట్లో ఉన్నారా? అయితే మీకో గుడ్న్యూస్. ఇండియన్ రైల్వే క్యాటరింగ్ అండ్ టూరిజం కార్పొరేషన్ (IRCTC) అద్దిరిపోయే ప్యాకేజీ తీసుకొచ్చింది. అతి తక్కువ ధరకే ప్రముఖ దేవాలయాలను దర్శించుకునేందుకు వీలుగా ఓ అవకాశం కల్పిస్తోంది. మరి, ఈ ప్యాకేజీకి సంబంధించిన పూర్తి వివరాలు ఈ స్టోరీలో తెలుసుకుందాం..
భారత్ గౌరవ్ టూరిస్ట్ ట్రైన్ ద్వారా కార్తిక మాసం స్పెషల్గా ఐఆర్సీటీసీ "దివ్య దక్షిణ యాత్ర విత్ జ్యోతిర్లింగ" పేరుతో ఈ ప్యాకేజీ తీసుకొచ్చింది. రెండు తెలుగు రాష్ట్రాల నుంచి కూడా ఈ రైలు ప్రయాణిస్తుంది. ఈ టూర్ మొత్తం 8 రాత్రులు, 9 పగళ్లు ఉంటుంది. హైదరాబాద్ నుంచి ప్రయాణం స్టార్ట్ అవుతుంది. మరి ప్రయాణ వివరాలు చూస్తే..
- మొదటి రోజు మధ్యాహ్నం 12 గంటలకు సికింద్రాబాద్ నుంచి భారత్ గౌరవ్ టూరిస్ట్ ట్రైన్ స్టార్ట్ అవుతుంది. భువనగిరి, జనగాం, కాజీపేట, వరంగల్, మహబూబాబాద్, డోర్నకల్, ఖమ్మం, మధిర, విజయవాడ, తెనాలి, చీరాల, ఒంగోలు, కావలి, నెల్లూరు, గూడూరు, రేణిగుంట మీదుగా రెండో రోజు ఉదయం 8 గంటలకు తిరువణ్ణామలై రైల్వేస్టేషన్కు చేరుకుంటారు. అక్కడి నుంచి ముందుగానే బుక్ చేసిన హోటల్కు తీసుకెళ్తారు. అక్కడ ప్రెషప్ అయ్యి.. అరుణాచలం ఆలయాన్ని దర్శించుకుంటారు. ఆ తర్వాత రైల్వే స్టేషన్కు వచ్చి కుదాల్నగర్ స్టార్ట్ అవుతారు.
- మూడో రోజు ఉదయం కుదాల్నగర్ చేరుకుంటారు. అక్కడి నుంచి రోడ్డు మార్గం ద్వారా రామేశ్వరం చేరుకుంటారు. అక్కడ హోటల్లో చెకిన్ అవుతారు. తర్వాత ఫ్రెష్ అయ్యి స్థానికంగా ఉన్న దేవాలయాలను దర్శించుకుంటారు. సాయంత్రం తిరిగి హోటల్కు చేరుకుని ఆ రాత్రి అక్కడే భోజనం చేసి స్టే చేస్తారు.
- నాలుగోరోజు మధ్యాహ్నం భోజనం తర్వాత రామేశ్వరం నుంచి బస్సు ప్రయాణం ద్వారా మధురై స్టార్ట్ అవుతారు. సాయంత్రం మీనాక్షి అమ్మన్ ఆలయాన్ని దర్శించుకుంటారు. ఆ తర్వాత సమయాన్ని బట్టి షాపింగ్ చేసుకోవచ్చు. అనంతరం కుదాల్నగర్ రైల్వేస్టేషన్కు చేరుకుంటారు. అక్కడి నుంచి కన్యాకుమారికి ట్రైన్ జర్నీ స్టార్ట్ అవుతుంది.
- ఐదో రోజు ఉదయం కన్యాకుమారి రైల్వే స్టేషన్కు చేరుకుంటారు. హోటల్లో చెకిన్ అయ్యి ఫ్రెషప్ అనంతరం రాక్ మెమోరియల్, గాంధీ మండపం, సన్సెట్ సందర్శిస్తారు. తిరిగి హోటల్కు చేరుకుని భోజనం ముగించి ఆ రాత్రికి కన్యాకుమారిలో స్టే చేస్తారు.
- ఆరో రోజు ఉదయం బ్రేక్ఫాస్ట్ అనంతరం హోటల్ నుంచి చెక్ అవుట్ అయ్యి కన్యాకుమారి రైల్వే స్టేషన్కు చేరుకుని అక్కడి నుంచి కొచ్చువేలికి బయలుదేరుతారు. కొచ్చువేలి చేరుకున్న తర్వాత రోడ్డు మార్గం ద్వారా త్రివేండ్రం స్టార్ట్ అవుతారు. అక్కడికి చేరుకున్నాక పద్మనాభ స్వామి ఆలయం దర్శించుకుంటారు. ఆ తర్వాత కొద్దిసేపు కోవలం బీచ్లో ఎంజాయ్ చేస్తారు. అక్కడి నుంచి కొచ్చువేలి స్టేషన్కు చేరుకుని అక్కడి నుంచి తిరుచిరాపల్లి బయలుదేరుతారు.
- ఏడో రోజు ఉదయం తిరుచిరాపల్లి చేరుకుని హోటల్లో ఫ్రెషప్ అనంతరం శ్రీరంగం టెంపుల్ దర్శించుకుంటారు. మధ్యాహ్నం భోజనం తర్వాత తంజావూర్ స్టార్ట్ అవుతారు. అక్కడ బృహదీశ్వర ఆలయాన్ని దర్శించుకుని.. అక్కడి నుంచి తంజావూర్ రైల్వే స్టేషన్కు చేరుకుంటారు. అక్కడి నుంచి సికింద్రాబాద్కు స్టార్ట్ అవుతారు.
- 8వ రోజు రేణిగుంట, గూడూరు, నెల్లూరు, కావలి, ఒంగోలు, చీరాల, తెనాలి, విజయవాడ, మధిర, ఖమ్మం, డోర్నకల్, మహబూబాబాద్, వరంగల్, కాజీపేట, జనగాం, భువనగిరి మీదుగా 9వ రోజు ఉదయం 2.30 గంటలకు సికింద్రాబాద్ చేరుకోవడంతో దివ్య దర్శన యాత్ర పూర్తవుతుంది.
ప్యాకేజీ ధరలు చూస్తే..
- ఎకానమీ(SL): పెద్దలకు రూ.14,250, 5 నుంచి 11 సంవత్సరాల పిల్లలకు రూ.13,250గా నిర్ణయించారు.
- స్టాండర్డ్(3AC): పెద్దలకు రూ.21,900, 5 నుంచి 11 సంవత్సరాల పిల్లలకు రూ.20,700గా నిర్ణయించారు.
- కంఫర్ట్(2AC): పెద్దలకు రూ.28,450, 5 నుంచి 11 సంవత్సరాల పిల్లలకు రూ.27,010గా ధరలు నిర్ణయించారు.
ప్యాకేజీలో ఉండేవి ఇవే:
- ట్రైన్ టికెట్లు
- హోటల్ అకామిడేషన్
- ఉదయం టీ, టిఫిన్, మధ్యాహ్నం, రాత్రి భోజనం రైల్వే సిబ్బంది చూసుకుంటారు.
- ప్యాకేజ్ను బట్టి ప్రయాణానికి ఏసీ లేదా నాన్ ఏసీ వెహికిల్ సమకూరుస్తారు.
- టూరిస్టులకు ట్రావెల్ ఇన్సూరెన్స్ ఉంటుంది.
- ప్రస్తుతం ఈ టూర్ నవంబర్ 6వ తేదీన ప్రారంభం కానుంది.
- ఈ ప్యాకేజీకి సంబంధించి వివరాలు, టూర్ బుకింగ్ కోసం ఈ లింక్పై క్లిక్ చేయండి.
కాఫీ విత్ కర్ణాటక : హైదరాబాద్ నుంచి IRCTC సూపర్ ప్యాకేజీ! - తక్కువ ధరలోనే ఎంజాయ్ చేసిరావొచ్చు!
IRCTC "హ్యాపీ హిమాచల్ అండ్ పాపులర్ పంజాబ్" - అందుబాటు ధరలోనే 8 రోజుల టూర్!
