Andhra Style Mulakkada Chicken Curry : నాన్వెజ్తో రకరకాల రెసిపీ ట్రై చేయాలంటే అది చికెన్తోనే సాధ్యం! చికెన్తో ఎన్ని కూరలు వండినా మరో కొత్త కర్రీ తప్పకుండా ఉంటుంది. అయితే, ఈ సండే రోజు ఎప్పుడు ఇంట్లో చికెన్ వండినట్లు కాకుండా ఓ సారి ఆంధ్ర స్టైల్లో మునక్కాడ చికెన్ కర్రీ ట్రై చేయండి. ఈ స్టోరీలో చెప్పిన విధంగా చికెన్ కర్రీ వండితే టేస్ట్ అద్భుతంగా ఉంటుంది. ఒక్కసారి ఈ క్రరీ ట్రై చేస్తే తప్పకుండా మళ్లీ మళ్లీ చేసుకుని తింటారు. మరి సింపుల్గా మునక్కాడ చికెన్ కర్రీ ఎలా చేయాలో ఓ లుక్కేయండి.
కావాల్సిన పదార్థాలు :
- చికెన్ - అరకిలో (మీడియం సైజ్లో కట్ చేసిన ముక్కలు)
- నూనె - 4 టేబుల్స్పూన్లు
- ఉల్లిపాయలు - 2
- టమాటాలు - 2
- అల్లం వెల్లుల్లి పేస్ట్- టేబుల్స్పూన్
- కారం - రుచికి తగినంత
- పసుపు - పావు టీస్పూన్
- ఉప్పు - రుచికి సరిపడా
- గరం మసాలా - 1 టీస్పూన్
- కరివేపాకు - 2 రెమ్మలు
- మునక్కాడలు - 3
- నిమ్మరసం - కొద్దిగా
మసాలా పేస్ట్ కోసం :
- ధనియాలు - 2 టేబుల్స్పూన్లు
- జీలకర్ర - టేబుల్స్పూన్
- దాల్చినచెక్క - చిన్నది
- యాలకలు - 4
- లవంగాలు - 8
- పచ్చి లేదా ఎండుకొబ్బరి ముక్కలు - పావు కప్పు
- గసగసాలు - టేబుల్స్పూన్
తయారీ విధానం :
- ముందుగా చికెన్ను శుభ్రంగా కడిగి ఒక గిన్నెలోకి తీసుకోండి. చికెన్ కర్రీలోకి కావాల్సిన టమాటా, ఉల్లిపాయ సన్నగా కట్ చేసుకోండి.
- అలాగే మునక్కాడలు పొట్టు తీసేసి ముక్కలుగా కట్ చేసుకోండి.
- అనంతరం స్టవ్ పై పాన్ పెట్టి ధనియాలు, జీలకర్ర, దాల్చినచెక్క, యాలకలు, లవంగాలు, పచ్చి లేదా ఎండుకొబ్బరి ముక్కలు ఒక్కోటి వేస్తూ కాసేపు వేపుకోండి. మసాలాలను సన్నని సెగ మీద వేపుకున్న తర్వాత ఇందులో గసగసాలు వేసి ఫ్రై చేసుకోండి.
- తర్వాత వీటిని మిక్సీ జార్లో వేసి కొన్ని నీళ్లు పోసి మెత్తగా పేస్టు చేసుకోండి.
- ఇప్పుడు స్టౌపై పాన్ పెట్టి నూనె పోసి వేడి చేయండి.
- వేడివేడి నూనెలో ఉల్లిపాయ తరుగు, కరివేపాకులు, రుచికి సరిపడా వేసి ఫ్రై చేయండి.
- ఉల్లిపాయలు లైట్ గోల్డెన్ బ్రౌన్ కలర్లోకి రాగానే అల్లం వెల్లుల్లి పేస్ట్ వేసి ఫ్రై చేయండి. తర్వాత పసుపు, కారం వేసి వేయించుకోవాలి. అనంతరం టమాట ముక్కలు వేసి మగ్గించాలి.
- ఇందులో కొన్ని నీళ్లు పోసి టమాటలు మెత్తగా మగ్గి నూనె పైకి తేలె వరకు ఉడికించుకోవాలి.
- తర్వాత చికెన్ ముక్కలు వేసి 5 నిమిషాలు మగ్గించుకున్న తర్వాత మునక్కాడ ముక్కలు, గ్రైండ్ చేసిన మసాలా పేస్ట్, 2 కప్పుల నీళ్లు పోసి మూత పెట్టి చికెన్ ఉడికించుకోవాలి.
- చికెన్, మునక్కాడ ముక్కలు బాగా ఉడికి కర్రీలో ఆయిల్ పైకి తేలిన తర్వాత గరం మసాలా, కాస్త కొత్తిమీర తరుగు, నిమ్మరసం వేసి మిక్స్ చేయండి.
- ఒక రెండు నిమిషాల తర్వాత స్టవ్ ఆఫ్ చేసి సర్వ్ చేసుకోండి.
- అంతే ఇలా సింపుల్గా చేసుకుంటే ఎంతో రుచికరమైన మునక్కాడ చికెన్ కర్రీ మీ ముందుంటుంది. ఈ కర్రీ వేడివేడి బగారా రైస్లోకి చాలా బాగుంటుంది! నచ్చితే ఇలా చికెన్ కర్రీ ఓ సారి ట్రై చేయండి.
అద్దిరిపోయే "రొయ్యల పులావ్" - ఇలా చేస్తే ఇంట్లో వాళ్లకి పండగే!
