Best Tips for Removal Dry Hair : అందంగా కనిపించాలంటే చర్మ సౌందర్యంతోపాటు జుట్టు సంరక్షణ కూడా చాలా ముఖ్యం. అందుకే.. చాలా మంది ఒత్తైన, పొడవాటి కురులు సొంతం చేసుకోవాలని ఆరాటపడుతుంటారు. ఇందుకోసం రకరకాల నూనెలు, క్రీమ్లు, షాంపూలు, కండిషనర్లు వాడుతుంటారు. అయితే.. కొందరు జుట్టు సంరక్షణ కోసం ఎంత నూనె పెట్టినా పొడిబారుతుంది. దాంతో గడ్డిలా మారి చూడటానికి అసహ్యంగా కనిపిస్తుంది. ఇంకొందరిలో జుట్టు(Hair) పొడిగా మారి విపరీతంగా ఊడిపోతుంది. మీరు ఇలాంటి సమస్యతో బాధపడుతున్నారా? ఏ విధంగా ఉపశమనం పొందాలనేది ఈ స్టోరీలో తెలుసుకుందాం..
ఈరోజుల్లో చాలా మంది జుట్టు తేమను కోల్పోవడం వల్ల రకరకాల హెయిర్ ప్రాబ్లమ్స్తో బాధపడుతున్నారు. అందులో జుట్టు పొడిబారే సమస్య కూడా ఒకటి. అయితే.. ఎంత నూనె పెట్టినా కూడా ఈ సమస్య తగ్గకపోవడానికి కొన్ని కారణాలున్నాయి. అవేంటంటే.. మనం చర్మంపై సహజంగానే నూనె గ్రంథులు ఉంటాయి. అందులో.. మాడుపై ఉన్నవి తగినంత నూనెల్ని విడుదల చేయనప్పుడు హెయిర్ గడ్డిలా తయారవుతుందంటున్నారు నిపుణులు. అయితే వయసు పెరిగేకొద్దీ చర్మంలో నూనెల విడుదల తగ్గుతుంది. ఇంకా... మెనోపాజ్‌, హార్మోనుల్లో అసమతుల్యత, హైపోథైరాయిడిజం వంటివీ ఈ సమస్యకు కారణమవొచ్చంటున్నారు సౌందర్య నిపుణులు.
జుట్టు భారీగా ఊడిపోతోందా? - ఇంట్లో దొరికే హెయిర్ మాస్క్లతో రిజల్ట్ పక్కా!
ఇవేకాకుండా తరచూ తలస్నానాలు చేయడం, డ్రయ్యర్లతో జుట్టును ఆరబెట్టడం, ఐరనింగ్‌, స్ట్రెయిట్‌నర్లు, ఆల్కహాల్‌ ఆధారిత స్టైలింగ్‌ ఉత్పత్తులు అతిగా వాడినా ఈ సమస్య ఎదురవుతుందని అంటున్నారు. అంతెందుకు... అతిగా ఎండలో తిరగడం, వాహనాలపై ప్రయాణిస్తూ జుట్టును వదిలేసినా కూడా ఇలా కురులు పొడిబారతాయని నిపుణులు సూచిస్తున్నారు. అయితే మీరూ ఇలాంటి ప్రాబ్లమ్తో ఇబ్బంది పడుతున్నారా? అయితే డోంట్ వర్రీ.. మేము చెప్పే ఈ టిప్స్ పాటించారంటే చాలు. ఈ సమస్య నుంచి ఈజీగా బయటపడొచ్చంటున్నారు నిపుణులు. అవేంటంటే..
- ముందుగా మీరు ఈ సమస్యకు గల కారణమేంటో కనుక్కోవాలి. ఒకవేళ అనారోగ్యమైతే సంబంధిత మందులు వాడాలని చెబుతున్నారు నిపుణులు. ఆ తర్వాత కొన్ని జాగ్రత్తలు పాటిస్తే సరిపోతుందంటున్నారు.
- తలస్నానం వారానికి మూడుసార్లకు మించకుండా చూసుకోవాలి. అదేవిధంగా రసాయనాల్లేని ముఖ్యంగా సల్ఫేట్లు, సిలికాన్‌ లేనివి, పీహెచ్‌ 5.5 ఉన్న షాంపూలకే ఇంపార్టెన్స్ ఇవ్వాలంటున్నారు నిపుణులు.
- హెయిర్ స్టైలింగ్‌ ఉత్పత్తులు వాడాల్సి వస్తే ఆల్కహాల్‌ లేని రకాలను ఎంచుకోవాలి. ఒకవేళ వేడుకల కోసం ఉపయోగించినా వెంటనే తలస్నానం తప్పక చేయాలనే విషయాన్ని గుర్తుంచుకోవాలి.
- అదేవిధంగా కండిషనర్‌ వాడుతూ, వారానికి రెండుసార్లు అరటిపండు, పెరుగు, తేనె వంటివి కలిపి హెయిర్ ప్యాక్‌లు వేసుకున్నా మంచి ప్రయోజనం ఉంటుందంటున్నారు నిపుణులు.
- ఇంకా కొబ్బరి, జొజొబా, బాదం నూనెల్లో నచ్చిన దాన్ని గోరువెచ్చగా చేసుకొని, తలకు పట్టించి.. మృదువుగా మర్దనా చేసి, రాత్రంతా వదిలేయాలి. మరుసటిరోజు తలస్నానం చేయడం అలవాటుగా చేసుకోండి. ఈ జాగ్రత్తలతో జుట్టు పొడిబారే లేదా గడ్డిలా మారే సమస్య చాలా వరకు అదుపులోకి వస్తుందని చెబుతున్నారు.
మీ జుట్టు అందంగా, ఆరోగ్యంగా ఉండాలా? ఈ ఫ్రూట్స్ తీసుకుంటే చాలు
