Apple Benefits In Telugu : 'An Apple A Day Keeps The Doctor Away' అని ఇంగ్లీష్లో ఒక సామెత ఉంది. అది నిజమే మరి. ఎందుకంటే యాపిల్ మన ఆరోగ్యానికి ఎంతో మేలు చేస్తోంది. అందుకే రోజూ ఒక యాపిల్ తినాలని నిపుణులు చెబుతున్నారు. కాలంతో సంబంధం లేకుండా సంవత్సరం మొత్తం దొరికే పండ్లలో ఇది ఒకటి. రోజూ యాపిల్ను తినడం వల్ల చాలా ప్రయోజనాలు ఉన్నాయని వైద్యులు వివరిస్తున్నారు. అవేంటో ఓసారి తెలుసుకుందాం.
గుండె సమస్యలకు చెక్
యాపిల్స్లో పాలీఫెనాల్స్, ఫ్లేవనాయిడ్స్ ఉంటాయి. వీటికి యాంటీ ఆక్సిడెంట్లు పుష్కలంగా ఉంటాయి. ఇవి మన గుండెను ఆరోగ్యంగా ఉండేందుకు సహాయపడతాయి. రోజూ ఒకటి లేదా రెండు యాపిల్స్ తినడం వల్ల గుండెపోటు వచ్చే అవకాశం కూడా చాలా వరకు తగ్గుతుంది.
కొలెస్ట్రాల్ తగ్గిస్తుంది
శరీర బరువును తగ్గించడంలో, చెడు కొలెస్ట్రాల్ను తగ్గించడంలో యాపిల్ చాలా ముఖ్యమైన పాత్రను పోషిస్తుంది. యాపిల్స్లో రెండు రకాల ఫైబర్స్ ఉంటాయి. అందులో ఒకటి కొలెస్ట్రాల్ను తగ్గిస్తుంది. మరొకటి పెద్ద పేగులోని ప్రోబియెటిక్ బ్యాక్టీరియాకు ఆహారంగా పని చేస్తుంది. తద్వారా గుండె సంబంధిత సమస్యలు దారి చేరకుండా కాపాడుతుంది.
ఇతర ప్రయోజనాలు
అయితే యాపిల్ను పైన తొక్కు తీయకుండా తినాలని నిపుణులు అంటున్నారు. అలా తిన్నపుడు మాత్రమే మన శరీరానికి యాపిల్లోని పోషకాలు సరిగ్గా అందుతాయని అంటున్నారు. రోజూ యాపిల్ తినడం వల్ల గుండెకు మాత్రమే కాకుండా చిరాకు, డిప్రెషన్ లాంటి వాటికి దూరంగా ఉండొచ్చు. అలానే బరువును కూడా నియంత్రణలో ఉంచేందుకు సహాయపడుతుంది. ఫలితంగా మధుమేహం, బీపీ లాంటి వ్యాధుల బారిన పడే అవకాశాన్ని తగ్గిస్తుంది. అలానే చాలా రకాల క్యాన్సర్లను రాకుండా చేస్తుంది. ఇన్ని ప్రయోజనాలు ఉన్నాయని రోజూ ఒక యాపిల్ను తినాలని వైద్యులు సలహ ఇస్తున్నారు.
- " class="align-text-top noRightClick twitterSection" data="">
ముఖ్య గమనిక : ఈ వెబ్సైట్లో మీకు అందించిన ఆరోగ్య సమాచారం, వైద్య చిట్కాలు, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
పరగడుపున కరివేపాకు నీళ్లను తాగేయండి- అధిక బరువు, షుగర్ సమస్యకు చెక్!
కాఫీ Vs టీ- రెండిట్లో ఏది బెస్ట్? మార్నింగ్ లేవగానే తాగితే ఆరోగ్యానికి ప్రమాదమా?
