Food Poisoning Preventing Tips : వర్షాకాలంలో మనల్ని తరచూ పట్టి పీడించే సమస్య ఫుడ్ పాయిజనింగ్. తేమతో కూడిన వాతావరణం ఆహార పదార్థాల్లో బ్యాక్టీరియా పెరిగేందుకు చక్కగా అనుకూలిస్తుంది. అలాగే మనం తీసుకునే ఆహారం శుభ్రంగా లేకపోయినా, అపరిశుభ్రవాతావరణంలో తయారు చేసిందైనా లేక ఎక్కువ కాలం పాటు నిల్వ చేసింది అయినా అది మన ఆరోగ్యానికి హాని తలబెడుతుంది. పొరపాటుగా వీటిని మనం తీసుకోవడం వల్ల ఫుడ్ పాయిజనింగ్కు గురయ్యే ప్రమాదముంటుంది. ఈజీగా తీసుకుంటాం కానీ నిజానికి ఇది పెద్ద సమస్యే.
ఫుడ్ పాయింజనింగ్ అయితే సిస్టమ్ అంతా దెబ్బతిన్నట్లే. దీని ప్రభావం జీర్ణవ్యవస్థపై కొద్ది రోజుల పాటు ఉంటుంది. కాబట్టి బడా సెలబ్రిటీలు సైతం ఈ సమస్య వచ్చిందంటే హాస్పిటల్ చుట్టూ తిరగాల్సిందే. ఆహారం విషయంలో చాలా జాగ్రత్తలు తీసుకోవాల్సిందే. అయితే ఫుడ్ పాయిజనింగ్ అయినప్పు భయపడకుండా తినగలిగే ఆహరాలు, అస్సలు తినకూడని కొన్ని ఆహారాలు ఉంటాయని నిపుణులు చెబుతున్నారు.
ఫుడ్ పాయిజనింగ్ జరిగిందని గుర్తించడమెలా
సాధారణంగా మన తిన్న ఆహారం ఆరోగ్యకరమైనది కానప్పుడు కడుపులో నొప్పి, వికారం, పుల్లటి తేనుపులు, జ్వరం, వాంతులు వంటి సమస్యలు వస్తుంటాయి. నీరసంగా ఉండటంతో పాటు డీహైడ్రేట్‌గా అనిపిస్తుంటుంది. ఇలా జరిగినప్పుడు కొన్ని ఆహరాలను తీసుకోవడం వల్ల త్వరగా రికవరీ అవచ్చట. అవేంటంటే..
ఇంట్లో వండిన ఆహారాలు
ఫుడ్ పాయిజనింగ్ అయినప్పడు తీసుకునే ఆహారంలో విషయంలో చాలా జాగ్రత్తలు పాటించాల్సి ఉంటుంది. ముఖ్యంగా ఇంట్లో చేసుకున్నదే తీసుకోవాలని నిపుణులు చెబుతున్నారు. ఖిచ్డీ లాంటి లైట్ ఫుడ్, చికెన్ సూప్, నట్స్, విత్తనాలు వంటి ప్రొటీన్లు కలిగిని ఆహారాలను తీసుకోవడం వల్ల ఫుడ్ పాయిజనింగ్ సమస్య నుంచి త్వరగా కోలుకోవచ్చ.
హర్బల్ టీలు
కడుపు బాగాలేనప్పుడు మొదటగా చేయాల్సిన పనేంటంటే.. ఏదైనా హెర్బల్ టీ తాగడం. ఇవి ఫుడ్ పాయిజనింగ్ నుంచి త్వరగా కోలుకునేలా చేస్తాయి. ముఖ్యంగా ఒరెగానో, తులసి వంటి ఆకులతో తయారు చేసిన టీ తాగడం వల్ల జీర్ణవ్యవస్థ శుభ్రమవడమే కాకుండా రోగనిరోధక శక్తి పెరుగుతుంది.
సూప్స్
ఫుడ్ పాయిజనింగ్ తో ఇబ్బంది పడుతున్నప్పడు సూప్స్ చాలా బాగా సహాయపడతాయి. ఇవి జీర్ణవ్యవస్థకు ఇబ్బంది కలిగించకుండా చేసి తర్వగా కోలుకునేలా చేస్తాయి. తాజా కూరగయాలు, సుగంధ ద్రవ్యాలు, మూలికలు వంటి సులభంగా జీర్ణమయ్యే పదార్థాలతో సూప్ చేసుకని తాగడం వల్ల చక్కటి ఉపశమనం కలుగుతుంది.
బోన్ సూప్
ఎముకలతో తయారు చేసే రసంలో ప్రొటీన్లు ఎక్కువగా ఉంటాయి. కోడి, గొర్రె, చేప వంటి వాటి ఎముకలను ఉడకబెట్టి వాటి ద్వారా వచ్చే రసాన్ని తాగడం వల్ల జీర్ణాశయానికి మేలు కలుగుతుందని పోషకాహార నిపుణులు చెబుతున్నారు. వీటితో కాసిన్ని మిరియాలు జోడించారంటే ఫుడ్ పాయిజనింగ్ సమస్యకు త్వరగా ఫుల్ స్టాప్ పెట్టచ్చు.
ఈ ఆహారం తీసుకోకూడదు
అలాగే ఫుడ్ పాయిజనింగ్ సమయంలో చేపలకు, చాట్ మసాలా వంటి మసాలాతో కూడిన ఆహరాలను దూరంగా ఉండాలట. పండ్ల రసాలు, నిల్వ చేసిన కూరలు, పచ్చళ్లు వంటి వాటిని ఈ సమయంలో అస్సలు తీసుకోకూడదని పోషకాహార నిపుణులు సూచిస్తున్నారు.
ముఖ్య గమనిక : ఈ వెబ్ సైట్ లో మీకు అందించిన ఆరోగ్య సమాచారం, వైద్య చిట్కాలు, సూచనలు అన్నీ మీ అవగాహన కోసం మాత్రమే. శాస్త్ర పరిశోధనలు, అధ్యయనాలు, వైద్య, ఆరోగ్య నిపుణుల సూచనల ప్రకారమే మేము ఈ సమాచారాన్ని అందిస్తున్నాం. కానీ వీటిని పాటించే ముందు కచ్చితంగా మీ వ్యక్తిగత వైద్యుల సలహాలు తీసుకోవడమే మంచిది.
ఫుడ్ పాయిజన్ కాకుండా ఉండాలా? - ఈ జాగ్రత్తలు మీ మైండ్లో ఉండాల్సిందే!
