War 2 Hrithik Roshan NTR : ఇండియన్ ఫిల్మ్ ఇండస్ట్రీలో తెరకెక్కబోయే మోస్ట్ అవైటెడ్ చిత్రాల్లో వార్ 2 కూడా ఒకటి. నిజానికి మొదట ఈ సీక్వెల్ను అనౌన్స్ చేసినప్పుడు ఇది ఒక బాలీవుడ్ సినిమా మాత్రమే. కానీ ఎప్పుడైతే ఈ రెండో భాగంలో యంగ్ టైగర్ ఎన్టీఆర్ ఎంటర్ అయ్యారో అప్పటినుంచి సినిమాపై భారీ రేంజ్లో హైప్ క్రియేట్ అయింది. పైగా హృతిక్ రోషన్తో కలిసి ఎన్టీఆర్ నటిస్తున్నారు అనగానే అంచనాలు తారా స్థాయికి వెళ్లిపోయాయి. తాజాగా ఈ సినిమాకు సంబంధించి ఓ షాకింగ్ వార్త బయటకు వచ్చింది.
ఇంతకీ అదేంటంటే ? భారీ పాన్ ఇండియా మూవీగా రూపొందుతున్న ఈ వార్ 2 షూటింగ్ మొదలైపోయిన సంగతి తెలిసిందే. కానీ షూటింగ్ సెట్లో ఇప్పటి వరకు హృతిక్ రోషన్, ఎన్టీఆర్ అడుగు పెట్టలేదు. మొదట హృతిక్ ఆ తర్వాత తారక్ సెట్స్లోకి వెళ్తారని ఆ మధ్య ప్రచారం సాగింది. అయితే తాజాగా అందిన సమాచారం ప్రకారం ఈ చిత్రం కోసం ఇద్దరు హీరోలు కూడా భారీగా బల్క్ డేట్స్ ఇచ్చినట్లు తెలిసింది. ఎన్టీఆర్ 100 రోజుల కాల్ షీట్స్, హృతిక్ రోషన్ కూడా 100 రోజుల డేట్స్ ఇచ్చారట. ఇక ఈ ఇద్దరు హీరోలకు సమంగా వర్కింగ్ డేస్ ఉండటం వల్ల రెండు పాత్రలకు సమానమైన ప్రాధాన్యత ఉంటుందని అంతా భావిస్తున్నారు.
100 కోట్లు రెమ్యునరేషన్ : ఈ వార్ 2 సినిమాలో హృతిక్ రోషన్ - ఎన్టీఆర్ ప్రధాన పాత్రల్లో నటిస్తున్నారు. తారక్ రా ఏజెంట్గా కనిపిస్తారని తెలుస్తోంది. అయితే వీరిద్దరు రూ.100 కోట్ల వరకు పారితోషికం తీసుకోకునున్నారని బయట టాక్ నడుస్తుంది. ఈ లెక్కన సినిమా బడ్జెట్ రూ. 500 కోట్ల వరకు ఉంటుందని అంటున్నారు. మరి ఇందులో నిజమెంతో తెలీదు కానీ అంతా దీని గురించే మాట్లాడుకుంటున్నారు.
ఇకపోతే రీసెంట్గానే హృతిక్ రోషన్ ఫైటర్ చిత్రంతో ప్రేక్షకుల ముందుకు వచ్చారు. ఈ చిత్రం బాక్సాఫీస్ ముందు భారీగానే వసూలు చేసింది. హిట్ టాక్ తెచ్చుకుంది. ఇక ఎన్టీఆర్ కొరటాల శివ దర్శకత్వంలో దేవర సినిమా చేస్తున్నారు. మరో వారంలో గోవాలో కొత్త షెడ్యూల్ షూటింగ్ ప్రారంభం కానుందని తెలుస్తోంది. ఈ షెడ్యూల్ పూర్తి కాగానే వార్ 2 సెట్స్లో ఎన్టీఆర్ అడుగుపెడతారని సమాచారం అందింది.
'అసూయ, బాధతో చెబుతున్నా' - ఆ కొత్త హీరోయిన్కు ఫిదా అయిపోయిన జక్కన్న!
హనీమూన్ రోజే స్టార్ హీరోయిన్ను వేలం వేసిన భర్త - చిత్రహింసలు పెడుతూ నరకం!
