థియేటర్​లో బ్లాక్​బస్టర్​ - ఓటీటీలోనూ టాపే! ఈ 5 రొమాంటిక్ మూవీస్​ను చూశారా? - Top 5 Telugu Romantic Movies In OTT

థియేటర్​లో బ్లాక్​బస్టర్ హిట్​గా నిలిచి ఓటీటీలో ట్రెండ్ అవుతున్న​ 5 తెలుగు రొమాంటిక్ సినిమాలు ఉన్నాయి. అవేంటి? ఏ ఓటీటీ ప్లాట్ ఫామ్ లో స్ట్రీమింగ్ అవుతున్నాయో ఈ స్టోరీలో చూద్దాం.

Telugu Romantic Movies In OTT : ఒకప్పుడు ఏదైనా సినిమా రిలీజ్ అయిదంటే కచ్చితంగా థియేటర్​కు వెళ్లి చూడాల్సి వచ్చేది. అయిన ప్రస్తుత రోజుల్లో ఇంటిల్లపాది ఇంట్లోనే కూర్చొని సినిమాను ఎంజాయ్ చేస్తున్నారు. ఓటీటీల పుణ్యమా అని అంతలా పరిస్థితులు మారిపోయాయి. అయితే వీకెండ్​లో మీకు ఇష్టమైన వారితో వీక్షించేందుకు ఐదు తెలుగు రొమాంటిక్ సినిమాలు ఓటీటీలో స్ట్రీమింగ్ అవుతున్నాయి. అవేంటి? ఏ ఓటీటీ ఫ్లాట్ ఫామ్​లో స్ట్రీమింగ్ అవుతున్నాయో? తెలుసుకుందాం పదండి.

హాయ్ నాన్న
శౌర్యువ్ దర్శకత్వంలో నేచురల్ స్టార్ నాని హీరోగా తెరకెక్కిన సినిమా 'హాయ్ నాన్న'. ఈ మూవీలో మృణాల్ ఠాకూర్ హీరోయిన్​గా నటించారు. 2023 డిసెంబరులో విడుదలైన ఈ మూవీ మంచి విజయం సాధించింది. తండ్రి, ఆరేళ్ల కూతురు చుట్టూ ఈ మూవీ స్టోరీ తిరుగుతుంది. అలాగే నాటకీయ మలుపులతో ఆద్యంతం ఉత్కంఠగా తెరకెక్కించారు దర్శకుడు. నాని, మృణాల్ మధ్య ఉన్న సాగిన లవ్ సీన్స్ కూడా కూడా సినిమాకు హైలెట్​గా నిలిచాయి. ఈ మూవీ నెట్ ఫ్లిక్స్​లో స్క్రీనింగ్ అవుతోంది. రొమాంటిక్, ఎమోషనల్ డ్రామాను ఇష్టపడేవారు ఓసారి చూసేయండి మరి.

గీతా గోవిందం
పరశురామ్​ దర్శకత్వంలో తెరకెక్కిన సినిమా 'గీతా గోవిందం'. ఈ మూవీలో విజయ్ దేవరకొండ, రష్మిక మంధన హీరో, హీరోయిన్లుగా నటించారు. ఈ మూవీలో వీరిద్దరి మధ్య సాగే రొమాంటిక్ సీన్స్ సినిమాకే హైలెట్​గా నిలిచాయి. అందుకే ఈ మూవీ తెలుగులో అత్యుత్తమ రొమాంటిక్ చిత్రాలలో ఒకటిగా నిలిచింది. అలాగే విజయ్, రష్మిక గొడవ పడే సన్నివేశాలు ప్రేక్షకుల్ని అలరించాయి. ఫ్యామిలీ ఎమోషన్​ను 'గీతా గోవిందం'లో ఇనుమడింపజేశారు దర్శకుడు పరశురామ్​. ఈ మూవీ జీ5లో స్ట్రీమింగ్ అవుతోంది.

సీతారామం
హను రాఘవపూడి దర్శకత్వంలో తెరకెక్కిన మరో క్లాసిక్ చిత్రం 'సీతారామం'. ఇందులో దుల్కర్ సల్మాన్, మృణాల్ ఠాకూర్ హీరోహీరోయిన్లుగా నటించారు. 2022లో పీరియాడికల్ రొమాంటిక్ డ్రామాగా విడుదలైన ఈ మూవీ బ్లాక్ బస్టర్ అయ్యింది. సీతారామం మూవీ హాట్ స్టార్​లో స్ట్రీమింగ్ అవుతోంది.

మజిలీ
శివ నిర్వాణ దర్శకత్వంలో నాగ చైతన్య, సమంత కీలక పాత్రల్లో తెరకెక్కిన మూవీ 'మజిలీ'. 2019లో థియేటర్లలో విడుదలైన ఈ సినిమా భారీ విజయాన్ని సాధించింది. పూర్ణ పాత్రలో నాగచైతన్య, శ్రావణి క్యారెక్టర్​లో సమంత ఒదిగిపోయారు. వీరిద్దరి మధ్య జరిగే సన్నివేశాలు, రొమాన్స్ ప్రేక్షకులను కళ్లలో నీరు తెప్పిస్తాయి. అయితే క్లాసిక్ మూవీని సోనీ లివ్​లో చూడొచ్చు.

అర్జున్ రెడ్డి
విజయ్ దేవరకొండను ఓవర్ నైట్ స్టార్​ను చేసిన మూవీ 'అర్జున్ రెడ్డి'. ఈ రొమాంటిక్ మూవీని సందీప్ రెడ్డి వంగా తెరకెక్కించారు. ఇందులో విజయ్, షాలినీ మధ్య జరిగే రొమాంటిక్ సన్నివేశాలు ప్రేక్షకుల్ని కట్టిపడేశాయి. ఈ మూవీ అమెజాన్ ప్రైమ్ వీడియాలో స్ట్రీమింగ్ అవుతోంది.