Sonakshi Sinha Marriage Rumors : ప్రముఖ బాలీవుడ్ నటి సోనాక్షి సిన్హా కొద్ది రోజుల్లో పెళ్లి పీటలు ఎక్కనున్నారని సోషల్ మీడియా కోడై కూస్తోంది. తనకన్నా వయసులో రెండేళ్లు చిన్నవాడైన నటుడు జహీర్ ఇక్బాల్‌ను వివాహాం చేసుకోనుందంటూ వార్తలు తెగ వైరల్ అవుతున్నాయి. అయితే ఈ రూమర్స్పై సోనాక్షి సిన్హా తండ్రి, ప్రముఖ నటుడు శతృఘ్న సిన్హా తాజాగా ఓ ఇంటర్వ్యూలో స్పందించారు. ఈ పెళ్లి గురించి తనకు ఎలాంటి సమాచారం లేదని అన్నారు.
'బారాత్లో డాన్స్ చేయడానికి రెడీగా ఉన్నా'
'సోనాక్షి వివాహం చేసుకోనుందని సోషల్ మీడియాలో ప్రచారం జరుగుతోంది. కానీ, ఆ విషయం గురించి నా దగ్గర ఎలాంటి సమాచారం లేదు. ఈ విషయం మీడియాకు కూడా తెలుసని, మీ కూతురి వివాహం గురించి మీకు తెలియదా అని చాలామంది నన్ను అడిగారు. నాకు తెలికుండా మీడియాకు ఈ విషయాలు ఎలా తెలుస్తున్నాయని ప్రశ్నించుకుంటాను. నిజంగా నాకు ఈ విషయం గురించి తెలియదు. ఎందుకంటే నా సోనాక్షి ఇప్పటివరకు నాకేమీ చెప్పలేదు. ఒకవేళ నా కూతురి వివాహం జరిగితే, బారాత్లో డాన్స్ చేయడానికి రెడీగా ఉన్నా. మొత్తంగా నేను చెప్పేది ఒక్కటే ఈ రోజుల్లో పిల్లలు తల్లిదండ్రుల అనుమతి కోరడం లేదు. కేవలం సమాచారం ఇస్తున్నారు అంతే. ఆ సమయం కోసం వేచి చూస్తున్నాం. సోనాక్షి నిర్ణయంపై నాకు పూర్తి విశ్వాసం ఉంది. అదే నిజమైతే ఆ జంటను ఆశీర్వదించడానికి సిద్ధంగా ఉన్నా' అని శతృఘ్న సిన్హా తెలిపారు.
జూన్ 23న పెళ్లి?
అయితే 2020 నుంచి సోనాక్షి, జహీర్ కొన్నేళ్ల నుంచి డేటింగ్‌లో ఉంటున్నారని వదంతులు వచ్చాయి. జూన్ 23న వీరిద్దరూ పెళ్లి అని, అది కూడా దగ్గరి, ఇరు కుటుంబాల సమక్షంలో జరుగుతుందని వార్తలు వచ్చాయి. ముంబయిలో జరగనున్న ఈ వివాహానికి ఇప్పటికే హీరామండి చిత్ర బృందం సహా పలువురు సన్నిహితులు, ప్రముఖులకు ఆహ్వానం అందినట్లు సమాచారం. ఈ నేపథ్యంలోనే శతృఘ్న సిన్హా తాజాగా స్పందించారు.
'ఆత్మవిశ్వాసం కలిగిన మహిళగా కనిపిస్తా - నా కెరీర్లో ఇదే బెస్ట్ మూవీ' - INDIAN 2
