Sitara Ghattamaneni Birthday : టాలీవుడ్ స్టార్ హీరో మహేశ్‌బాబు కుమార్తె సితార బర్త్డే సందర్బంగా ఆమె తండ్రి మహేశ్ బాబు సోషల్ మీడియా వేదికగా విష్ చేశారు. సితార లేటెస్ట్ ఫొటో షేర్ చేసి 'హ్యాపీ 12 మై సన్షైన్' అని పేర్కొన్నారు.
ఇక సితార తల్లి నమ్రత శిరోద్కర్ కూడా ఇన్‌స్టా వేదికగా ఓ స్పెషల్ వీడియోను షేర్ చేశారు. సితార చిన్నప్పటి ఫొటోలతో పాటు కొన్ని స్పెషల్ వీడియోలతో ఆ వీడియోను ఎంతో క్రియేటివ్గా ఎడిట్ చేశారు. "నా చిట్టి ట్రావెల్ పార్ట్నర్కి జన్మదిన శుభాకాంక్షలు. వివిధ దేశాలు, లెక్కలేనన్ని జ్ఞాపకాలు నువ్వు ఎప్పుడూ నాకు ఓ ట్రావెల్ గైడ్‌లా ఉంటూ ప్రతి ప్రయాణాన్ని ప్రత్యేకం చేశావు. ఈ క్షణాలు, జ్ఞాపకాలను నేను సెలబ్రేట్‌ చేసుకుంటున్నా. ఐ లవ్‌ యూ మై స్వీట్‌హార్ట్‌" అని నమ్రత తన కుమార్తె కోసం ఓ క్యాప్షన్‌ రాసుకొచ్చారు.
ఈ రెండూ పోస్ట్లు ప్రస్తుతం సోషల్ మీడియాలో తెగ ట్రెండ్ అవ్వగా, మహేశ్ అభిమానులు, నెటిజన్లు సితారు బర్త్డే విషెస్ తెలుపుతున్నారు. ఆ పోస్ట్లను మరింత వైరల్ చేస్తున్నారు.
ఇక సితార విషయానికి వస్తే, మహేశ్ బాబు గారాలపట్టి అయిన ఈ చిన్నారి తరచూ సేవా కార్యక్రమాల్లో పాల్గొంటుంటుంది. ఇటీవల ఓ నగల దుకాణానికి బ్రాండ్‌ అంబాసిడర్‌గా వ్యవహరించగా, ఆ యాడ్ ద్వారా తనకు వచ్చిన పారితోషకాన్ని సామాజిక సేవల కోసం ఉపయోగించింది.
అయితే తనకు నటి కావాలని ఉందని, అవకాశం వస్తే ఫ్యూచర్లో తప్పకుండా నటన వైపు వస్తానంటూ అప్పట్లో ఓ సారి తెలిపింది. సోషల్ మీడియాలో యాక్టివ్గా ఉంటూ డ్యాన్స్ రీల్స్ అలాగే స్పెషల్ ఫొటోస్ను షేర్ చేస్తుంటుంది. ఈ క్రమంలోనే డ్యాన్స్‌లోనూ శిక్షణ కూడా తీసుకుంటోంది. మహేశ్ బాబు నటించిన సూపర్ హిట్ మూవీ 'సర్కారు వారి పాట' సినిమాలో పైసా అంటూ సాగే సాంగ్ ద్వారా స్క్రీన్పై మెరిసింది. అందులో తన ఎనర్జిటిక్ స్టెప్పులకుగానూ ప్రశంసలు అందుకుంది.
మహేశ్ కుమార్తె మంచి మనసు - అనాథలతో 'గుంటూరు కారం' చూసిన సితార
