ఇట్స్​ అఫీషియల్- నాగచైతన్య, శోభిత పెళ్లి కన్ఫామ్​ చేసిన నాగార్జున - Shobita Naga Chaitanya Engagement

Shobita Naga Chaitanya Engagement : టాలీవుడ్‌ స్టార్ హీరో నాగచైతన్య, నటి శోభిత ధూళిపాళ ఎంగేజ్​మెంట్ గురువారం జరిగింది. ఇరు కుటుంబాలు సమక్షంలో ఈ వేడుక చాలా సింపుల్​గా జరిగినట్లు తెలుస్తోంది.

Shobita Naga Chaitanya Engagement : అక్కినేని నాగచైతన్య రెండో వివాహం చేసుకుంటున్నారు. ప్రముఖ నటి శోభిత ధూళిపాళతో ఈ ఉదయం 9.42 గంటలకు నాగార్జున నివాసంలో ఈ జంటకు సింపుల్​గా ఎంగేజ్​మెంట్ జరిగింది. ఈ విషయాన్ని చైతూ తండ్రి, హీరో అక్కినేని నాగార్జున ధ్రువీకరిస్తూ, శోభితను ఎంతో సంతోషంగా తమ కుటుంబంలోకి ఆహ్వానిస్తున్నట్లు ప్రకటించారు. "చైతన్య, శోభితలను దేవుడు ఆశీర్వదిస్తాడు. ఈ రోజు అనంతమైన ప్రేమకు ఆరంభం" అంటూ చైతన్య, శోభిత నిశ్చితార్థం ఫొటోలను ఎక్స్ లో పంచుకున్న నాగార్జున వారిద్దరు జీవితాంతం ప్రేమగా, సంతోషంగా కలకాలం ఉండాలని కోరుకుంటున్నట్లు తెలిపారు.

" we are delighted to announce the engagement of our son, naga chaitanya, to sobhita dhulipala, which took place this morning at 9:42 a.m.!!
we are overjoyed to welcome her into our family.
congratulations to the happy couple!
wishing them a lifetime of love and happiness. 💐… pic.twitter.com/buiBGa52lD

— Nagarjuna Akkineni (@iamnagarjuna) August 8, 2024

ఇక శోభిత కెరీర్​ విషయానికి వస్తే, 2013లో ఫెమినా మిస్‌ ఇండియా టైటిల్‌ విన్నర్‌గా నిలిచిన ఈ ముద్దుగుమ్మ, ఆ తర్వాత 2016లో 'రామన్ రాఘవన్​' అనే తమిళ సినిమా ద్వారా ఇండస్ట్రీలోకి ఎంట్రీ ఇచ్చింది. ఆ తర్వాత పలు తెలుగు, హిందీ, మలయాళ, చిత్రల్లోనూ తన నటనతో ప్రేక్షకులను ఆకట్టుకుంది. ముఖ్యంగా 'పొన్నియిన్ సెల్వన్', 'మేజర్' సినిమల్లో సూపర్ పెర్ఫామెన్స్​తో విమర్శకుల ప్రశంసలు అందుకుంది. హాలీవుడ్​లోనూ ఇటీవలే ఆమె అడుగుపెట్టింది. దీంతో పాటు ప్రస్తుతం పలు ప్రాజెక్టులతో ఫుల్​ బిజీగా ఉంది.

ఇదిలా ఉండగా, నాగ చైతన్య కూడా 'తండేల్' షూటింగ్​లో బిజీగా ఉన్నారు. ప్రస్తుతం హైదరబాద్​లో శరవేగంగా ఈ సినిమా చిత్రీకరణ జరుపుకుంటోంది. ఇటీవలే సినిమాలోని కీలక సన్నివేశాలను షూట్ చేసినట్లు తెలుస్తోంది. ఇందులో చైతూతో పాటు సాయి పల్లవి నటిస్తోంది. చందూ ముందేటి ఈ చిత్రాన్ని ప్రతిష్టాత్మకంగా తెరకెక్కిస్తున్నారు. దేవి శ్రీ ప్రసాద్ ఈ మూవీకి సంగీతం అందిస్తున్నారు.

ఇప్పటికే విడుదలైన టీజర్, స్పెషల్ గ్లింప్స్ అభిమానులను తెగ ఆకట్టుకుంటోంది. ఇందులో చైతూ, సాయి పల్లవి క్యారెక్టర్స్​పై భారీ అంచనాలే ఉన్నాయి. ఒక మత్స్యకారుడి నిజ జీవితంలో జరిగిన ఘటనల ఆధారంగా ఇది తెరకెక్కుతోందని తెలుస్తోంది. ఈ కథంతా సముద్ర తీర ప్రాంతం చుట్టూనే తిరుగనుంది. శ్రీకాకుళంలో మొదలై పాకిస్థాన్ వరకూ చేరుకుంటుందట.