Sharwanand Manamey Teaser : టాలీవుడ్ యంగ్ హీరో శర్వానంద్, కృతిశెట్టి లీడ్ రోల్స్లో రూపొందుతున్న లేటెస్ట్ మూవీ 'మనమే'. 'ఒకే ఒక జీవితం' తర్వాత కొంచెం గ్యాప్ తీసుకొన్న ఈ స్టార్ హీరో ఇప్పుడు ఈ సినిమాతో ప్రేక్షకులను పలకరించన్నారు. తాజాగా ఈ సినిమాకు సంబంధించిన టీజర్ను మేకర్స్ విడుదల చేశారు. ఆద్యంతం ఆసక్తికరంగా ఉన్న ఆ వీడియో ప్రస్తుతం నెట్టింట తెగ ట్రెండ్ అవుతోంది.
లండన్, యూరప్ బ్యాక్డ్రాప్పై ఈ కథ సాగుతున్నట్లు టీజర్ ద్వారా తెలుస్తోంది. హీరో మంచివాడిగా కనిపించే బ్యాడ్ బాయ్ అంటూ చెప్పుకుంటుంటారు. అనుకోకుండా ఆయనకు హీరోయిన్ పరిచయమవుతుంది. అయితే వారి జీవితంలోకి ఓ బాబు వచ్చాక ఆ ఇద్దరి లైఫ్ ఎలా సాగిందన్న విషయంపై మూవీ రూపొందుతున్నట్లు తెలుస్తోంది. ఈ చిత్రంలో చిన్నారి నేపథ్యంలో సాగే సన్నివేశాలు హైలైట్‌ కానున్నట్లు సమాచారం. ఫస్ట్‌లుక్‌ పోస్టర్‌లోనూ బాబుతో శర్వానంద్ నిల్చున్నట్లు చూపించారు. ఆ బాబు శ్రీరామ్ ఆదిత్య కుమారుడని కూడా టాక్ వినిపిస్తోంది.
హీరోయిన్ కృతి శెట్టి ఈ గ్లింప్స్లో డిఫరెంట్ లుక్స్లో కనిపించి ఆకట్టుకున్నారు. హీరో కూడా చాలా స్టైలిష్గా కనిపించారు. ఇప్పటికే మేకర్ ఈ సినిమా నుంచి ఫస్ట్ సింగిల్ రిలీజ్ చేయగా, దానికి నెట్టింట విశేష స్పందన లభించింది. ఇప్పుడు ఈ టీజర్ కూడా మూవీ లవర్స్ను ఆకట్టుకుంటోంది.
- " class="align-text-top noRightClick twitterSection" data="">
శర్వా 35గా రూపొందుతున్న ఈ సినిమాలో శర్వానంద్, కృతి శెట్టితో పాటు సీరత్ కపూర్, ఆయేషా ఖాన్, వెన్నెల కిశోర్, రాహుల్ రవీంద్రన్, రాహుల్ రామకృష్ణ, శివ కందుకూరి, సుదర్శన్ తదితరులు కీలక పాత్ర పోషిస్తున్నారు. పీపుల్ మీడియా ఫ్యాక్టరీ బ్యానర్పై టీజీ విశ్వప్రసాద్ ఈ సినిమాను నిర్మిస్తుండగా, డైరెక్టర్ శ్రీ రామ్ ఆదిత్య తెరకెక్కిస్తున్నారు. 'ఖుషి' ఫేమ్ హేషమ్ అబ్దుల్ వహబ్ ఈ సినిమాకు సంగీతాన్ని అందిస్తున్నారు.
మరోవైపు శర్వానంద్ 36వ సినిమాకు సంబంధించిన అప్డేట్ కూడా నెట్టింట ట్రెండ్ అవుతోంది. #Sharwa36 పేరుతో ఇది ప్రచారంలో ఉంది. దీని ఫస్ట్‌లుక్‌ పోస్టర్‌ను పంచుకున్న శర్వానంద్ సాహసం చేసేందుకు సిద్ధంగా ఉండండి అంటూ క్యాప్షన్‌ పెట్టారు. దీన్ని డైరెక్టర్ అభిలాష్‌ రెడ్డి తెరకెక్కించనున్నారు . యూవీ క్రియేషన్స్‌ బ్యానర్పై ఈ సినిమా రానుంది. రేసింగ్‌ ఆధారంగా రూపొందించనున్న ఈ సినిమాలో శర్వా ఓ బైక్‌ రైడర్‌గా కనిపించనున్నట్లు తెలుస్తోంది.
శర్వా బర్త్డే సర్ప్రైజ్- కుమార్తెను పరిచయం చేసిన హీరో- పేరేంటో తెలుసా?
