Sharukh Khan Dunki OTT : మరో రోజులో వీకెండ్ వచ్చేస్తుంది. ఎప్పటిలాగే ఈ వారం కూడా ఓటీటీలో పలు హిట్ సినిమా, సిరీస్లు స్ట్రీమింగ్కు రెడీగా ఉన్నాయి. అలాగే థియేటర్లలో కాకుండా డెరెక్ట్గా కూడా కొన్ని వస్తున్నాయి. అలా ఈ వీకెండ్లో ఈ సారి ఏకంగా రూ.470కోట్ల సినిమా మెసేజ్ ఓరియెంటెడ్ ఎమోషనల్ డ్రామా మిమ్మల్ని అలరించేందుకు వచ్చేసింది. ఇంతకీ ఆ చిత్రం ఎక్కడ, ఎందులో స్ట్రీమింగ్ అవుతుందో తెలుసుకుందాం.
దాదాపు మూడున్నర దశాబ్దాలుగా తన చిత్రాలతో అలరిస్తూ ప్రపంచవ్యాప్తంగా కోట్లాది మంది అభిమానులను సొంతం చేసుకున్నారు బాలీవుడ్ బాద్ షా షారుక్. తన రొమాంటిక్, కామెడీ అండ్ యాక్షన్ యాక్టింగ్తో ఓ ప్రత్యేకమైన ఇమేజ్‌ను సొంతం చేసుకున్నారు. కానీ ఆ మధ్య సరైన హిట్లు లేక దాదాపు ఐదేళ్ల పాటు సినిమాలకు దూరంగా ఉన్నారు.
అయితే 2023లో హ్యాట్రిక్ హిట్స్తో తన ఆకలిని తీర్చుకున్నారు షారుక్. గతేడాది 'పఠాన్' వంటి రూ.1000 కోట్ల బ్లాక్ బస్టర్తో మొదలై ఆ తర్వాత 'జవాన్'తో మరో రూ.1000కోట్ల బ్లాక్ బస్టర్ సక్సెస్ను ఖాతాలో వేసుకున్నారు. ఇక గతేడాది చివర్లో 'డంకీ' అనే చిత్రంతో ప్రేక్షకుల ముందుకు వచ్చి సందడి చేశారు. ప్రముఖ దర్శకుడు రాజ్‌కుమార్ హిరాణీ తెరకెక్కించిన ఈ సినిమా ఫుల్ లెంగ్త్ ఎమోషనల్ కంటెంట్‌తో ప్రేక్షకుల్ని అలరించింది.
ప్రీమియర్స్ నుంచే మంచి టాక్ తెచ్చుకున్న ఈ చిత్రం ఫుల్ రన్ టైమ్లో మంచి వసూళ్లనే సాధించింది. రూ. 230 కోట్లు వరకూ నెట్ వసూళ్లతో పాటు రూ. 470 కోట్లు వరకూ గ్రాస్ కలెక్షన్లను సాధించింది. ఫైనల్గా లాభాలను అందుకుని క్లీన్ హిట్ టాక్గా నిలిచింది. దీని డిజిటల్ స్ట్రీమింగ్ హక్కులకు ఓటీటీ దిగ్గజం నెట్ఫ్లిక్స్ సంస్థ రూ. 180 కోట్ల రేటుకు దక్కించంది. తాజాగా ఈ 'డంకీ' చిత్రాన్ని నెట్ఫ్లిక్స్ అందుబాటులోకి తీసుకు వచ్చింది. ఎలాంటి అనౌన్స్ మెంట్ లేకుండానే స్ట్రీమింగ్కు తీసుకొచ్చి అభిమానులను సర్ప్రైజ్ చేసేసింది. అదనపు సన్నివేశాలను కూడా జోడించినట్లు తెలిసింది.
- " class="align-text-top noRightClick twitterSection" data="">
హృతిక్ రోషన్కు తీవ్ర గాయాలు - ఎన్టీఆర్ వార్ 2 షూటింగ్కు బ్రేక్
