NTR Devara Movie : గత కొద్ది రోజులుగా గ్యాప్ లేకుండా యంగ్ టైగర్ ఎన్టీఆర్ నటించిన దేవర సోషల్‌ మీడియాలో తెగ ట్రెండింగ్ అవుతోంది. సినిమా విడుదల తేదీ దగ్గర పడడంతో మూవీ లవర్స్, ఎన్టీఆర్ ఫ్యాన్స్ ఈ సినిమాను తెగ ట్రెండ్ చేస్తున్నారు. ముఖ్యంగా ఇప్పటి వరకు విడుదలైన దేవరలోని పాటలు తెగ ట్రెండ్ అవుతున్నాయి. తాజాగా ఇప్పుడు దేవర ట్రైలర్ రిలీజ్ అప్డేట్ రావడంతో, ఎన్టీఆర్ ప్రమోషన్స్ కోసం ముంబయి వెళ్లి దర్శకుడు సందీప్‌రెడ్డి వంగాను కలవడంతో ఎన్టీఆర్, సందీప్ వంగా, దేవర పేర్లు నెట్టింట్లో బాగా వైరల్ అవుతున్నాయి. నెటిజన్లు, తారక్ ఫ్యాన్స్ ఈ పేర్లతో హ్యాష్ ట్యాగ్లను బాగా వైరల్ చేస్తున్నారు.
ట్రైలర్ ఎప్పుడంటే(NTR Devara Trailer) - దేవర సినిమా పక్కా యాక్షన్‌ డ్రామాగా ముస్తాబవుతోంది. అయితే ఈ మూవీ ట్రైలర్ను రేపు(సెప్టెంబర్ 10) రిలీజ్ చేయనున్నట్లు మూవీ టీమ్ అఫీషియల్గా అనౌన్స్ చేసింది. సెప్టెంబర్ 10 సాయంత్రం 5.04 గంటలకు ట్రైలర్ను విడుదల చేయనున్నట్లు ప్రకటించింది. ఓ స్పెషల్ పోస్టర్ను కూడా రిలీజ్ చేసింది. ఇందులో తారక్ పవర్‌ ఫుల్గా కనిపిస్తున్నారు. కత్తి పట్టుకొని సముద్రంలో నడుస్తున్నట్లు కనిపించారు. దీంతో ఎన్టీఆర్ ఫ్యాన్స్ తెగ సంతోషం వ్యక్తం చేస్తున్నారు.
సందీప్‌రెడ్డి వంగాను కలిసిన తారక్(NTR Devara Sandeep vanga) - దేవర సినిమా ప్రమోషన్స్లో భాగంగా ముంబయి వెళ్లారు ఎన్టీఆర్. అక్కడ ఆయన ప్రముఖ దర్శకుడు సందీప్ వంగాను కలిసి ముచ్చటించారు. ఈ ఫొటో ప్రస్తుతం నెట్టింట్లో బయటకు వచ్చింది. దీంతో ఫ్యాన్స్, సినీ ప్రియుల్లో రకరకాల చర్చలు మొదలయ్యాయి. అయితే ప్రస్తుతం సందీప్ వంగా ప్రభాస్ స్పిరిట్‌ కోసం రెడీ అవుతున్నారు. దీని తర్వాత ఎన్టీఆర్‌తో సినిమా చేసే అవకాశముందని కొంతమంది అనుకుంటున్నారు. మరికొందరు దేవర ప్రమోషన్‌ భాగంగా సందీప్ వంగా ఈ టీమ్‌ను ఇంటర్వ్యూ చేస్తుందని భావిస్తున్నారు.
Man Of Masses NTR with VanGOD🥵❤️#Devara #DevaraOnSept27th #JrNTR #SandeepReddyVanga pic.twitter.com/32tpe3QyLY
— Bhargav.NTR Abhimani ❤️🔥 (@Bhargavaram__) September 9, 2024
వన్‌ మిలియన్‌ టికెట్స్(NTR Devara Pre Sales) - దేవర సినిమా సెప్టెంబర్ 27న విడుదల కానుంది. రీసెంట్గా ఓవర్సీస్లో ఈ మూవీ ప్రీసేల్‌ బుకింగ్స్ ఓపెన్‌ అయ్యాయి. దీంతో టికెట్స్ హాట్‌ కేకుల్లా అమ్ముడు పోతున్నాయి. కొన్ని గంటల్లోనే 8 లక్షలకు పైగా టికెట్స్ అమ్ముడుపోయాయట. ట్రైలర్ రిలీజ్ కన్నా ముందే ఈ స్థాయిలో సేల్ అవ్వడం విశేషం. టికెట్ సేల్స్ సంఖ్య మరింత పెరిగే అవకాశముంది. దీంతో ట్రైలర్ విడుదల కాన్నా సేల్స్లో వన్‌ మిలియన్‌ మార్క్‌ చేరుకుంటుందని అంతా అనుకుంటున్నారు.
యూట్యూబ్ టాప్లో దావూదీ(NTR Devara Daavudi song) - దేవర సినిమా నుంచి రీసెంట్గా రిలీజైన దావూదీ సాంగ్ యూట్యూబ్లో ఫుల్ ట్రెండింగ్ అవుతోంది. టాప్లో కొనసాగుతోంది. ఈ సాంగ్ను రామజోగయ్య శాస్త్రి రచించారు. అనిరుధ్‌ రవిచందర్‌ స్వరాలు సమకూర్చారు. ఇందులో ఎన్టీఆర్ డ్యాన్స్, జాన్వీ కపూర్‌ అందం, ఈ ఇద్దరి కెమిస్ట్రీ మంచి రెస్పాన్స్ వస్తోంది.
ఇకపోతే దేవర సినిమాను కొరటాల శివ తెరకెక్కిస్తున్నారు. జనతా గ్యారేజ్‌ తర్వాత ఎన్టీఆర్ - కొరటాల శివ కాంబోలో రూపొందుతున్న చిత్రమిది. జాన్వీ కపూర్‌ హీరోయిన్. ఈ చిత్రంతోనే టాలీవుడ్ ఎంట్రీ ఇస్తోంది. సైఫ్‌ అలీఖాన్‌ విలన్‌గా నటించారు. రెండు భాగాలుగా ఈ చిత్రం రానుంది.
ఓవర్సీస్లో 'దేవర' మేనియా- 6 నిమిషాల్లోనే ప్రీ బుకింగ్స్ సోల్డ్ ఔట్! - Devara Overseas Pre Sales
