RRR Documentary : స్టార్ డైరెక్టర్ రాజమౌళి ప్రతిష్టాత్మకంగా తెరకెక్కించిన 'ఆర్ఆర్ఆర్' మూవీ తాజాగా మరోసారి ప్రేక్షకులను అలరించేందుకు సిద్ధమైంది. ఈ సినిమాపై 'ఆర్ఆర్ఆర్: బిహైండ్ అండ్‌ బియాండ్‌' అనే పేరుతో ఓ డాక్యుమెంటరీని రెడీ చేసినట్లు మేకర్స్ తాజాగా వెల్లడించారు. అయితే డిసెంబర్‌లో ఇది విడుదల చేయనున్నట్లు ప్రకటించారు.
'ఆర్ఆర్ఆర్ కీర్తిని ప్రపంచం మొత్తం చూసింది. అయితే ఇప్పుడు దీని కథకు ప్రపంచం సాక్ష్యంగా నిలవనుంది' అంటూ ఈ ప్రాజెక్ట్‌ గురించి మూవీ టీమ్ వెల్లడించింది. ఇందులో మూవీకి సంబంధించిన బిహైండ్ ద సీన్స్ అలాగే ఈ సినిమాను ఎలా రూపొందించారో చూపించనున్నట్లు తెలుస్తోంది. అయితే దీన్ని ఎప్పుడు ఎక్కడ రిలీజ్ చేస్తారన్న విషయాన్ని మేకర్స్ ఇంకా వెల్లడించలేదు.
The world saw the glory.
— RRR Movie (@RRRMovie) December 9, 2024
Now witness the story!
𝐑𝐑𝐑: 𝐁𝐞𝐡𝐢𝐧𝐝 & 𝐁𝐞𝐲𝐨𝐧𝐝
Documentary film coming this December 🔥🌊 #RRRBehindAndBeyond #RRRMovie pic.twitter.com/HNadZg2kem
ఇక 'ఆర్ఆర్ఆర్' సినిమా విషయానికి వస్తే, రామ్ చరణ్, జూనియర్ ఎన్టీఆర్ లీడ్ రోల్స్లో రూపొందిన ఈ సినిమా తెలుగులోనే కాకుండా రిలీజైన అన్ని భాషల్లోనూ సెన్సేషన్ క్రియేట్ చేసింది. ముఖ్యంగా ఇందులోని యాక్షన్ సీన్స్ ఆడియెన్స్ను తెగ ఆకట్టుకున్నాయి. అయితే వరల్డ్వైడ్గా ఈ చిత్రం సుమారు రూ.1200 కోట్లకు పైగా వసూళ్లు సాధించి రికార్డుకెక్కింది.
మరోవైపు ఓటీటీలోనూ ఈ చిత్రం హవా చూపింది. దీన్ని పలు భాషల్లో డబ్‌ చేయగా అక్కడ కూడా రికార్డు స్థాయిలో వసూలు చేసింది. జపాన్‌లో అత్యధిక కలెక్షన్లు సాధించి ఏకంగా 300 మిలియన్ జపాన్‌ యెన్‌ల (రూ.18 కోట్లు) క్లబ్‌లో చేరింది. అంతేకాకుండా ఈ క్లబ్‌లోకి చేరిన తొలి భారతీయ సినిమాగా 'ఆర్ఆర్ఆర్' ఓ అరుదైన ఘనత సాధించింది.
ఇక జక్కన్న ప్రస్తుతం మహేశ్‌తో తీయనున్న సినిమాతో బిజీగా ఉన్నారు. 'SSMB 29' అనే వర్కింగ్ టైటిల్తో ఈ సినిమా తెరకెక్కుతోంది. ప్రస్తుతం ప్రీ ప్రొడక్షన్‌ వర్క్ చివరి దశకు చేరుకున్నట్లు తెలుస్తోంది. ఇప్పటికే స్క్రిప్ట్‌ పనులు కంప్లీట్ కాగా, లొకేషన్ల ఎంపికపై మేకర్స్ కసరత్తులు మొదలుపెట్టారు. గ్లోబ్‌ ట్రాకింగ్‌ అడ్వెంచర్‌ థ్రిల్లర్‌గా తీర్చిదిద్దుతున్న ఈ సినిమా అంతర్జాతీయ ప్రమాణాలతో రూపొందనున్నట్లు తెలుస్తోంది. జనవరిలో ఈ సినిమా చిత్రీకరణను ప్రారంభించనున్నట్లు సినీ వర్గాల సమాచారం.
రామ్ చరణ్ అరుదైన ఘనత - అమితాబ్‌, షారుక్ సరసన చోటు
ఎన్టీఆర్, రామ్చరణ్తో నటించాలని ఉంది : హాలీవుడ్ స్టార్ నటి - Anne Hathway RRR Movie
