Pushpa 2 Update: ఐకాన్ స్టార్ అల్లు అర్జున్- సుకుమార్ కాంబోలో అత్యంత ప్రతిష్ఠాత్మకంగా తెరకెక్కుతున్న పుష్ప-2 సినిమాపై రోజురోజుకు అంచనాలు పెరిగిపోతున్నాయి. ఆ సినిమా గురించి ఏ చిన్న వార్త వచ్చినా నిమిషాల్లోనే సోషల్ మీడియాలో ట్రెండింగ్గా మారిపోతోంది. రీసెంట్గా బన్నీ బర్త్డే సందర్భంగా మేకర్స్ వదిలిన టీజర్కు భారీ రెస్పాన్స్ వచ్చింది.
ఈ టీజర్ యూట్యూబ్ను సైతం షేక్ చేసింది. టీజర్లో బన్నీని అమ్మోరు గెటప్లో చూసిన ఆయన ఫ్యాన్స్ పూనకాలతో ఊగిపోయారు. టీజర్ చివర్లో ఫైట్ సీన్తో ఎలివేషన్ ఇచ్చారు. అయితే టీజర్లో అల్లు అర్జున్ నుంచి ఆయన ఫ్యాన్స్ కనీసం ఓ డైలాగ్ ఎక్స్పెక్ట్ చేశారు. కానీ, సుక్కు టీజర్లో డైలాగ్స్ చేర్చలేదు. దీంతో బన్నీ ఫ్యాన్స్ కాస్త నిరాశకు గురయ్యారు!
అయితే ఫ్యాన్స్లో జోష్ పెంచేందుకు మూవీటీమ్ మరో ప్లాన్ చేస్తోంది. సినిమా నుంచి మరో టీజర్ రిలీజ్ చేసేందుకు రెడీ అయ్యిందని టాక్. అందులో పలు డైలాగ్స్తోపాటు, మరో యాక్షన్ సీన్ ఉండేలా టీజర్ను డిజైన్ చేస్తున్నట్లు తెలుస్తోంది. దీని తర్వాత ఓ పాటను సైతం విడుదల చేయాలని మేకర్స్ భావిస్తున్నట్లు సమాచారం. ఇక దీనిపై అధికారిక ప్రకటన రావాల్సి ఉంది. ఒకవేళ ఇది నిజమైతే వరుస అప్డేట్లతో అటు ఫ్యాన్స్తోపాటు మూవీ లవర్స్కూ పండగే.
ఇక సినిమాలో నేషనల్ క్రష్ రష్మిక మంధాన హీరోయిన్గా నటిస్తోంది. రీసెంట్గా రష్మిక పుట్టినరోజు ఆమె పోస్టర్ రిలీజైంది. ఇందులో ఆమె లుక్ ప్రేక్షకులను ఆకట్టుకుంది. బంగారు వేసుకుని గ్రాండ్ లుక్లో ధగధగ మెరిసిపోతూ కనిపించింది. దీంతో తొలి భాగంలో మధ్య తరగతి కుటుంబానికి చెందిన అమ్మాయిలా ఉన్న రష్మిక సీక్వెల్లో మాత్రం బాగా డబ్బున్న మహిళగా కనిపించనుందని అర్థమౌతోంది. ఇక ఈ సినిమాకు రాక్స్టార్ దేవి శ్రీ ప్రసాద్ సంగీతం అందిస్తున్నారు. మైత్రి మూవీస్ బ్యానర్పై నవీన్ యర్నేనీ, రవి శంకర్ సంయుక్తంగా నిర్మిస్తున్నారు. ఈ సినిమా 2024 ఆగస్టు 15న వరల్డ్వైడ్గా రిలీజ్ కానుంది.
- " class="align-text-top noRightClick twitterSection" data="">
గంగమ్మ జాతర ఫైటింగ్ సీక్వెన్స్ - వామ్మో అన్ని కోట్లు ఖర్చు చేశారా? - Pushpa 2 Teaser
