Indian Movie Releases In Japan : ఇండియన్ సినిమాలకు జపాన్‌లో మంచి క్రేజ్ ఉంటుందన్న సంగతి తెలిసిందే. మరీ ముఖ్యంగా సూపర్ స్టార్ రజనీకాంత్, రెబల్ స్టార్ ప్రభాస్ సినిమాలకు మంచి గిరాకీ ఉంటుంది. అయితే ఇప్పుడు మరోసారి ప్రభాస్ సినిమా ఒకటి రిలీజ్కు రెడీ అయింది. ప్రభాస్తో పాటు బాలీవుడ్ బాద్ షా షారుక్ సినిమా కూడా విడుదలకు సిద్ధమైంది. ఇంతకీ ఆ చిత్రాలేంటంటే? ప్రశాంత్‌ నీల్ - ప్రభాస్ కాంబో సలార్, షారుక్ ఖాన్‌ - అట్లీ కాంబో జవాన్‌ అక్కడ రిలీజ్ డేట్‌ను ఖరారు చేసుకుంది.
Salaar Japan Release : ప్రశాంత్‌ నీల్ డైరెక్షన్లో పాన్ ఇండియా స్టార్ ప్రభాస్కు చాలా కాలం తర్వాత దక్కిన హిట్ సలార్. బాక్సాఫీసు దగ్గర ఈ చిత్రం మంచి విజయాన్ని అందుకుంది. రూ.270 కోట్లతో తెరకెక్కిన ఈ చిత్రం సుమారు రూ.715 కోట్ల వరకు కలెక్ట్ చేసింది. ఇప్పుడీ చిత్రం జులై 5న జపాన్‌లో రిలీజ్ కానుంది. గతంలో ప్రభాస్ నటించిన పలు చిత్రాలు అక్కడి మంచి రెస్పాన్స్ను అందుకున్నాయి. అలానే మంచి కలెక్షన్స్‌ కూడా దక్కించుకున్నాయి. ఇప్పడు సలార్ కోసం అక్కడి ప్రేక్షకులు ఎంతో ఆసక్తిగా ఎదురుచూస్తున్నారు. రీసెంట్గా రిలీజైన జపాన్‌ సలార్ రిలీజ్ ట్రైలర్‌కు మంచి స్పందన వచ్చింది.
Sharukh Jawaan Japan Release : ఇక అక్కడ షారుక్ ఖాన్‌ అట్లీ దర్శకత్వంలో నటించిన జవాన్‌ కూడా నవంబర్ 29న రిలీజ్కు రెడీ అవుతోంది. గతేడాది సెప్టెంబర్‌ 7న ఇండియాలో రిలీజైన ఈ చిత్రం రూ.1043 కోట్ల వరకు వసూలు చేసింది. బాలీవుడ్లో అత్యధిక వసూళ్లు సాధించిన సినిమాగా రికార్డు సాధించింది. ఇందులో నయనతార, ప్రియమణి కీలక పాత్రల్లో నటించారు. ఇప్పుడు జపాన్‌లోనూ ఈ చిత్రం సెన్సేషనల్ క్రియేట్ చేసేందుకు సిద్ధమైంది. జులై 5న అడ్వాన్స్ బుకింగ్స్‌ ఓపెన్‌ అయ్యాయి. చూడాలి మరి ఈ సినిమాలు అక్కడ ఎలాంటి ఫలితాన్ని అందుకుంటాయో.
2025 కల్లా 'కల్కి 2' రిలీజ్- షూటింగ్ ఎప్పుడంటే? - Kalki 2898 AD Sequel
వరు వెడ్స్ నికోలాయ్ - గ్రాండ్ రిసెప్షన్లో సినీ తారల సందడి - Varalakshmi Sarathkumar Reception
