Squid Game 2 Trailer Released : ప్రపంచ వ్యాప్తంగా విశేష ప్రేక్షకాదరణను దక్కించుకున్న కొరియన్‌ వెబ్‌ సిరీస్ స్క్విడ్‌ గేమ్. ప్రముఖ ఓటీటీ సంస్థ నెట్‌ఫ్లిక్స్‌ వేదికగా 2021లో విడుదలై సినీ ప్రియులను విపరీతంగా ఆకట్టుకుంది. ఇప్పుడు ఈ సిరీస్‌కు కొనసాగింపుగా 'స్క్విడ్‌ గేమ్ 2' రెడీ అవుతోంది. డిసెంబర్‌ 26 నుంచి నెట్ఫ్లిక్స్లో ఇది స్ట్రీమింగ్‌కు అందుబాటులోకి రానుంది. ఈ క్రమంలోనే తాజాగా మేకర్స్ ఈ సీక్వెల్కు సంబంధించిన ట్రైలర్ను విడుదల చేశారు.
తొలి సీజన్ తరహాలోనే రెండో సీజన్లోనూ ఆర్థికంగా ఇబ్బందులు పడే కొంత మంది, డబ్బు సంపాదించడం కోసం ఈ గేమ్‌లో భాగం అవుతారు. అయితే గత సీజన్‌లో ఈ డేంజరస్ గేమ్ నుంచి బయటపడిన 456వ పోటీ దారుడు సియోంగ్ గి-హున్ ఇందులో మళ్లీ పాల్గొంటాడు. ఈ గేమ్ చాలా డేంజరస్ అని తోటి పోటీ దారులకు హెచ్చరిస్తాడు. ఎలాగైనా ఈ గేమ్ను ఆపాలని ప్రయత్నిస్తుంటాడు. అసలు ఈ గేమ్ను ప్రవేశపెట్టిన వారికి అంతమొందించాలనుకుంటాడు. మరి ఇంతకీ అతడు ఈ గేమ్ను ఆపగలిగాడా లేదా అన్నదే కథ.
ఇంతకీ ఈ 'స్క్విడ్‌ గేమ్' స్టోరీ ఏంటంటే?
జీవితంలో సర్వస్వం కోల్పోయి, అప్పులపాలైన ఓ 456 మందిని రహస్య దీవికి తీసుకెళ్తారు. అక్కడ రెడ్‌లైట్‌, గ్రీన్‌లైట్‌, టగ్ ఆఫ్‌ వార్‌ వంటి ఆటల పోటీలను నిర్వహిస్తారు. మొత్తం ఆరు గేమ్స్ ఉంటాయి. చివరగా వచ్చేదే 'స్క్విడ్‌ గేమ్'. ఈ ఆరు ఆటల్లో విజేతలుగా నిలిచినవారు మాత్రమే భారీ మొత్తంలో డబ్బు గెలుచుకోవచ్చు. కానీ, ఈ గేమ్స్లో ఓడిపోయిన వారిని ఎలిమినేషన్‌ అనే పేరుతో చంపేస్తుంటారు.
సర్వైవల్‌ థ్రిల్లర్‌గా రూపొందిన ఈ సిరీస్ కొరియాలోనే కాకుండా ప్రపంచవ్యాప్తంగా మంచి ఆదరణ పొందింది. చేసుకుంది. రిలీజైన కొద్ది రోజుల్లోనే సుమారు 111 మిలియన్ల వ్యూస్‌తో తెగ ట్రెండ్ అయ్యింది. ఈ క్రమంలో ఈ సిరీస్ డైరెక్టర్ హ్వాంగ్ డాంగ్ హ్యూక్(Squid Game Director) హర్షం వ్యక్తం చేశారు.
ఆగని 'బుజ్జి తల్లి' సాంగ్ జోరు - యూట్యూబ్, ఇన్స్టాలో సెన్సేషన్ రికార్డ్
