Mahesh Babu Sri Krishna Role : సూపర్ స్టార్ మహేశ్ బాబు హీరోగా త్వరలోనే సెట్స్ పైకి వెళ్లనున్న మూవీ 'SSMB 29'. దర్శక ధీరుడు రాజమౌళి ఈ మూవీని తెరకెక్కించనున్నారు. త్వరలో ఈ సినిమా షూటింగ్ ప్రారంభం కానుంది. అయితే ఇప్పుడు మహేశ్ గురించి సోషల్ మీడియా ఓ క్రేజీ న్యూస్ చక్కర్లు కొడుతోంది. అదేంటంటే?
అతిథి పాత్ర!
మహేశ్- రాజమౌళి కాంబోలో తెరకెక్కుతున్న మూవీ విడుదల కావాలంటే కనీసం మరో 2- 3 ఏళ్లు ఆగాల్సిందే. అంతవరకు తమ అభిమాన హీరో మహేశ్ను బిగ్ స్క్రీన్పై చూడకుండా అభిమానులు ఉండలేరు. చిన్న క్యామియో రోల్లోనై కనిపించాలని కోరుకుంటారు. ఇప్పుడు అచ్చం అలాంటి వార్తే నెట్టింట వైరల్ అవుతోంది.
శ్రీకృష్ణుడిగా మహేశ్!
మహేశ్ మేనల్లుడు అశోక్ గల్లా హీరోగా నటిస్తున్న సరికొత్త చిత్రం 'దేవకీ నందన వాసుదేవ'. ఈ సినిమాలో మహేశ్ బాబు అతిథి పాత్రలో కనిపించనున్నారని తెలుస్తోంది. క్లైమాక్స్లో శ్రీ కృష్ణుడికి సంబంధించిన కొన్ని సన్నివేశాలు ఉంటాయని, అందులో మహేశ్ నటిస్తే బాగుంటుందని చిత్రబృందం భావించినట్లు సమాచారం.
ఈ మేరకు చిత్రబృందం మహేశ్ను ఒప్పించి షూట్‌ చేశారని టాక్‌ నడుస్తోంది. సినిమా క్లైమాక్స్లో మహేశ్ కృష్ణుడి అవతారంలో దర్శనమివ్వనున్నట్లు వార్తలు వస్తున్నాయి. అయితే దీనిపై ఎలాంటి అధికారిక ప్రకటన వెలువడలేదు. ప్రస్తుతం సోషల్ మీడియాలో ఈ వార్త హల్ చల్ చేస్తోంది. తమ అభిమాన హీరోగా శ్రీకృష్ణుడిగా చూడొచ్చని అభిమానులు సంబరపడిపోతున్నారు.
ప్రశాంత్ వర్మ కథ
అర్జున్‌ జంధ్యాల దర్శకత్వంతో 'దేవకీ నందన వాసుదేవ' మూవీ తెరకెక్కుతోంది. ఈ మూవీలో మహేశ్ బాబు మేనల్లుడు అశోక్ గల్లా హీరో కాగా, మానస వారణాసి కథానాయికగా నటిస్తున్నారు. నవంబరు 14న ఈ సినిమా యాక్షన్‌ ఎంటర్‌టైనర్‌ గా ప్రేక్షకుల ముందుకు రానుంది. అలాగే ఈ సినిమాకు 'హనుమాన్‌' ఫేమ్‌ ప్రశాంత్ వర్మ కథ అందించారు. లలితాంబిక ప్రొడక్షన్స్ బ్యానర్‌ పై సోమినేని బాలకృష్ణ నిర్మించారు. భీమ్స్ సిసిరోలియో ఈ చిత్రానికి సంగీత దర్శకుడు.
మహేశ్, రాజమౌళి మూవీ అప్డేట్- SSMB29 ఒకటి కాదు రెండు పార్ట్లుగా?
SSMB 29 షూటింగ్ ప్రారంభం అప్పుడే - అప్డేట్ ఇచ్చిన విజయేంద్ర ప్రసాద్‌
