Actress Krithi Shetty Relationship : తొలి సినిమాతోనే హిట్ టాక్ అందుకుని టాలీవుడ్లో పాపులరైంది యంగ్ హీరోయిన్ కృతి శెట్టి. 'ఉప్పెన'లో బేబమ్మగా కనిపించి కుర్రకారును ఫిదా చేసిన ఈ చిన్నది, ఆ తర్వాత తెలుగులో మంచి ఆఫర్లు సొంతం చేసుకుని దూసుకెళ్లింది. అయితే అందులో పలు సినిమాలు యావరేజ్గా రన్ అవ్వడం వల్ల ఈ అమ్మడి క్రేజ్ కాస్త తగ్గింది. అయినప్పటికీ నిరాశ చెందకుండా తన ఛాన్స్ కోసం ఎదురుచూసింది. అలా ఎట్టకేలక 'మనమే' సినిమాలో ఛాన్స్ సంపాదించుకుంది. శర్వానంద్ లీడ్ రోల్లో తెరకెక్కుతున్న ఈ సినిమాపై ఇప్పటికే భారీ అంచనాలు నెలకొన్నాయి. ఇటీవలే విడుదలైన ట్రైలర్ ద్వారా ఈ మూవీలో కృతి రోల్ చాలా స్ట్రాంగ్గా ఉండనున్నట్లు తెలుస్తోంది.
ఇదిలా ఉండగా, ఈ సినిమా జూన్ 7న విడుదలవ్వనుంది. ఈ నేపథ్యంలో మూవీ టీమ్ మొత్తం ప్రమోషనల్ ఈవెంట్స్లో బిజి బిజీగా గడుపుతోంది. వీళ్లతో పాటు కృతి కూడా పలు ఇంటర్వ్యూల్లో పాల్గొని తన గురించి ఆసక్తికరమైన విషయాలు పంచుకుంటోంది.
ఈ క్రమంలో ఓ యాంకర్ 'మీరు సింగిలా? లేకుంటే రిలేషన్‌షిప్‌లో ఉన్నారా?' అంటూ అడగ్గా, దానికి ఆమె తెలివిగా సమాధానం చెప్పింది. " నా పనితోనే నేను రిలేషన్‌లో ఉన్నాను" అంటూ నవ్వింది. ఇది విన్న యాంకర్ ఒక్కసారిగా అవాకయ్యారు. నెటిజన్లు కూడా ఈ విషయం విని షాకయ్యారు.
ఇక ఇదే ఇంటర్వ్యూలో తన ఫేవరట్ హీరో గురించి ఓపెనప్ అయ్యారు. తనకు రామ్ చరణ్ అంటే ఎంతో ఇష్టమనిచెప్పుకొచ్చింది.
"గతంలో నేను కొన్ని తెలుగు సినిమాలు చూశాను. అయితే 'రంగస్థలం' సినిమాకు నేను బాగా కనెక్ట్ అయ్యాను. అందులో రామ్ చరణ్ యాక్టింగ్ నాకు చాలా నచ్చింది. అప్పట్నుంచి ఆయనకు నేను పెద్ద ఫ్యానైపోయాను. అంతే కాకుండా ఆయన గురించి నేను చాలా విన్నాను. పని చేస్తున్న సమయంలో ఎంతో డెడికేటెడ్గా ఉంటారు అని, అందరితో చాలా బాగా ఉంటారని, అందరికి మర్యాద ఇస్తారని విన్నాను. రామ్ చరణ్తో నటించే అవకాశం వస్తే నేను చాలా ఎగ్జైటడ్గా ఫీల్ అవుతాను. అలాగే ఆయనతో సినిమా ఛాన్స్ వస్తే ఆ మూవీ కోసం ఇంకా ఎక్కువ హార్డ్వర్క్ చేస్తాను" అంటూ కృతి తన మనసులో మాట బయటపెట్టింది.
అటు బాబు ఇటు కృతి -'ఇద్దరిలో ఒకరే ఏడవండి' అంటున్న శర్వా! - Sharwanand Manamey Teaser
