Five Heros Dance in One Song from Vajrakaya Movie: సినిమాకు కథ ఎంత ఇంపార్టెంటో.. పాటలు కూడా అంతే. కేవలం పాటలతో సూపర్ హిట్ అందుకున్న చిత్రాలు కూడా ఎన్నో ఉన్నాయి. అయితే.. హీరో ఇంట్రడక్షన్ సాంగ్లో.. ఆ చిత్రంలో నటిస్తున్న హీరో మాత్రమే కనిపిస్తారు. కానీ.. చాలా అరుదుగా మాత్రమే ఇతర హీరోలు క్యామియో రోల్ ప్లే చేస్తుంటారు. అలాంటి ఓ సాంగ్లో ఏకంగా ఐదుగురు హీరోలు కనిపించారు. తమ డ్యాన్స్తో దుమ్ములేపారు. మరి.. ఆ మూవీ ఏది? ఆ హీరోలు ఎవరు? అన్నది ఇప్పుడు చూద్దాం.
కన్నడ సూపర్ స్టార్ శివ రాజ్కుమార్ హీరోగా తెరకెక్కిన చిత్రం "వజ్రకాయ". ఈ సినిమా బాక్సాఫీస్ వద్ద సూపర్ హిట్గా నిలిచింది. కొరియోగ్రాఫర్ నుంచి దర్శకుడిగా మారిన హర్ష ఈ సినిమాకు దర్శకత్వం వహించారు. ఈ సినిమాలో శివరాజ్కుమార్తో పాటు నభా నటేష్, శుభ్ర అయ్యప్ప, గోపి, కారుణ్య రామ్, అవినాష్, రవి కాలే, మధు గురుస్వామి తదితరులు ప్రధాన పాత్రలు పోషించారు. ఈ సినిమాకు అర్జున్ జన్య మ్యూజిక్ అందించారు. ఈ సినిమాలో పాటలు అన్ని హిట్ అయ్యాయి. అంతేకాకుండా ఈ సినిమాలో ధనుష్ ఓ పాట పాడడం విశేషం.
'మిస్టర్ బచ్చన్' షో రీల్ ఔట్- రవితేజ మాస్ జాతర- ఫ్యాన్స్కు పూనకాలే - Mr Bachan Glimps
ఇక.. ఈ సినిమాలోని "వజ్రకాయ.. ఆంజనేయా" అంటూ సాగిపోయే టైటిల్ ట్రాక్లో శివరాజ్ కుమార్తోపాటు ఇతర భాషలకు చెందిన నలుగురు స్టార్ హీరోలు గెస్ట్ అప్పియరెన్స్ ఇచ్చారు. ఇలా.. మొత్తం ఐదుగురు హీరోలు దుమ్ము లేపారు. వీరిలో టాలీవుడ్ స్టార్ కూడా ఉన్నారు. ఆయన ఎవరో కాదు.. మాస్ మహరాజ్ రవితేజ. ఈ పాటలో.. రవితేజతో పాటు తమిళ నటుడు శివ కార్తికేయన్, మలయాళ నటుడు దిలీప్, కన్నడ క్రేజీ స్టార్ వి.రవిచంద్రన్.. శివ రాజ్ కుమార్తో కలిసి స్టెప్పులు వేశారు.
టాలీవుడ్ స్టార్ రవితేజ సినిమాలు కన్నడలో చాలా రీమేక్ అయ్యాయి. కానీ.. కన్నడ తెరపై రవితేజ కనిపించటం మాత్రం ఇదే తొలిసారి. పలు రవితేజ చిత్రాల రీమేక్ వెర్షన్లలో శివరాజ్ కుమార్ నటించారు. అలా.. వీరి మధ్య అనుబంధం బలపడింది. ఇలా.. వజ్రకాయ సాంగ్లో మెరిశారు. మరి మీరు కూడా ఈ పాటపై ఓ లుక్ వేయండి..
