Director Atlee About Jawan 2 : బాలీవుడ్ బాద్షా షారుక్ ఖాన్, లేడీ సూపర్ స్టార్ నయనతార ప్రధాన పాత్రల్లో వచ్చిన సెన్సేషనల్ మూవీ 'జవాన్'. తమిళ డైరెక్టర్ అట్లీ రూపొందించిన ఈ సినిమా బాక్సాఫీస్ వద్ద భారీ సక్సెస్ సాధించింది. భారీ అంచనాలతో వచ్చి వాటికి మించిన రెస్పాన్స్ అందుకుని దూసుకెళ్లింది. అయితే తాజాగా ఈ సినిమా సీక్వెల్ గురించి డైరెక్టర్ అట్లీ ఓ ఇంటర్వ్యూలో మాట్లాడారు.
"దీని గురించి నేను ఇప్పుడు చెప్పలేను. కానీ కచ్చితంగా ఓ సర్ప్రైజ్తో వస్తాను అని చెప్తున్నా. ప్రతి సినిమా సీక్వెల్ అయ్యే అవాకాశం ఉన్నప్పుడు నేను అనూహ్యమైన కంటెంట్తో ఆశ్చర్యపరిచాను. ఈ సారి కూడా ఏదో ఒక సర్ప్రైజ్ తెస్తాను. " అంటూ హింట్ ఇచ్చారు. అంతే కాకుండా షారుక్తో కలిసి పనిచేసిన అనుభవం గురించి కూడా చెప్పారు. "షారుక్తో పని చేయడం చాలా బాగుంది. ఆయన చాలా సరదాగా ఉండే వ్యక్తి. తన పనిలో చాలా సమయపాలనతో ఉంటారు. షారుక్ నాకు ఓ సినిమా బైబిల్ లాంటి వారు. భవిష్యత్తులో ఆయనతో కచ్చితంగా పని చేస్తాను. అయితే ఎప్పుడు, ఎలా చేస్తాం అనేది షారుక్ సర్ చేతిలో ఉంది." అని అన్నారు.
ఇక అట్లీ గురించి ప్రత్యేకించి చెప్పాల్సిన అవసరం లేదు. వరుసగా హిట్ మూవీస్తో వావ్ అనిపిస్తున్నారు ఈ కుర్ర దర్శకుడు. 'రాజా రాణి', 'తెరి', 'మెర్సల్', 'జవాన్' లాంటి సినిమాలతో వచ్చి బంపర్ హిట్స్ అందుకున్నారు. షారుక్ ఖాన్తో కలిసి చేసిన 'జవాన్' సినిమా అట్లీకి మంచి పేరు తెచ్చిపెట్టింది. ఆ సినిమా ఎంతటి రికార్డులు బద్దలుకొట్టిందో అందరికీ తెలిసిందే. ఈ మూవీతోనే బాలీవుడ్లోనూ అట్లీ డైరెక్టర్గా మంచి గుర్తింపును తెచ్చుకున్నారు.
మరోవైపు అట్లీ ప్రస్తుతం వరుణ్ ధావన్‌తో 'వీడీ 18' సినిమా చేస్తున్నాడు. మురాద్ ఖేతానీ సహకారంతో అట్లీ ఈ చిత్రాన్ని రూపొందిస్తున్నారు. అట్లీతో వరుణ్‌కి ఇదే తొలి సినిమా కావడం గమనార్హం. కీర్తి సురేశ్ ఈ చిత్రంతో బాలీవుడ్‌లోకి అడుగుపెడుతుండగా, వామికా గబ్బి కూడా ఈ చిత్రంలో కీలక పాత్ర పోషిస్తున్నారు.
Sharukh Khan Dupe : 15 ఏళ్లుగా షారుక్కు డూప్.. 'జవాన్'లో కూడా.. ఆయన రెమ్యునరేషన్ తెలిస్తే షాకే!
