Celebrity Cricket League 2024 : మరోసారి సినీ ప్రేక్షకులను అలరించేందుకు రెడీ అవుతోంది సినీ సెలబ్రిటీ క్రికెట్ లీగ్ 2024. థియేటర్లలో సినిమాలతో సందడి చేసిన మన హీరోలు ఇప్పుడు బ్యాట్ పట్టి మైదానంలో అలరించేందుకు సిద్ధం అవుతున్నారు. తాజాగా సీసీఎల్ పదో సీజన్ ప్రోమోను గ్రాండ్గా లాంచ్ చేశారు.
వివరాళ్లోకి వెళితే. సినీ ప్రేక్షకులకు తమ హీరోలంటే చెప్పలేనంత అభిమానం ఉంటుంది. అందుకే వారు నటించే ప్రతి సినిమాను థియేటర్కు వెళ్లి చూస్తూ ఎంజాయ్ చేస్తుంటారు. ఇక హీరోలు కూడా తమ యాక్షన్, డైలాగ్స్, ఫైట్స్, డ్యాన్స్‌లతో అలరిస్తుంటారు. అలా థియేటర్, ఓటీటీలతో పాటు ఏడాదికి ఓ సారి క్రికెట్ మైదానంలో అభిమానులను అలరిస్తుంటారు మన కథానాయకులు. బ్యాటింగ్, బౌలింగ్, ఫీల్డింగ్తో క్రికెట్ ఆడుతూ సందడి చేస్తుంటారు.
అలా ఎప్పటి లాగే ఈసారి కూడా సినీ క్రీడా వినోద సంరంభం సెలబ్రిటీ క్రికెట్ లీగ్ (సీసీఎల్) - 2024 ప్రారంభమయ్యేందుకు రెడీ అయింది. ఈ నెల 23 నుంచి గ్రాండ్గా మొదలు కానుంది. 8 భాషలకు చెందిన 200 మందికి పైగా సినీ తారలు ఇందులో పాల్గొననున్నారు. 8 జట్లుగా విడిపోయి క్రికెట్‌తో ప్రేక్షకుల్ని ఎంటర్టైన్ చేయనున్నారు. దీనికి సంబంధించిన ప్రోమో ఆవిష్కరణ వేడుక దుబాయ్‌లోని బుర్జ్‌ ఖలీఫా వేదికగా గ్రాండ్గా జరిగింది. పలువురు సినీ తారలు ఈ వేడుకలో పాల్గొని సందడి చేశారు. వీరిలో నటులు, జట్ల కెప్టెన్లు కిచ్చా సుదీప్‌, సోహైల్‌ఖాన్‌, జీవా, ఆర్య, సుధీర్‌బాబు, తమన్‌, బన్ను థిల్లాన్‌, జిస్సుసేన్‌ గుప్తా, ఇంద్రజిత్‌ సుకుమారన్‌, సోనూ సూద్‌, ఉన్ని ముకుందన్‌ తదితరులు ఉన్నారు.
మొత్తం 40 సినిమాలు - ఈ ఏడాదే 15 రిలీజ్లు - మూవీ లవర్స్కు పండగే!
రెండో సారి తల్లిదండ్రులు కానున్న విరుష్క జంట - ఏబీడీ క్లారిటీ
