Bobby Deol Balakrishna NBK 109 : 'యానిమల్' సినిమాతో సౌత్ ఫిల్మ్ ఇండస్ట్రీలో మంచి గుర్తింపు తెచ్చుకున్న నటుడు బాలీవుడ్ స్టార్ యాక్టర్ బాబీ దేవోల్‌. ఆ చిత్రంలో హీరోకు దీటుగా పవర్ ఫుల్ విలన్గా నటించి సినీ ప్రియుల్ని బాగా ఆకట్టుకున్నారు. ఇక ఈ చిత్రం తర్వాత ఆయన వరుస అవకాశాలను అందుకుంటూ ఫుల్ బిజీగా మారారు. ప్రస్తుతం బాలీవుడ్, టాలీవుడ్‌, కోలీవుడ్లో ఆయన చేతిలో చాలా సినిమాలు ఉన్నాయి. అందులో 'కంగువా'(kanguva Release date) చిత్రం రిలీజ్కు రెడీగా ఉంది. ఇందులో ఆయన ప్రతినాయకుడిగా నటించారు. ఇక బాలకృష్ణ సినిమా 'NBK109'లోనూ బాబీ విలన్గా కనిపించనున్నారు. అయితే తాజాగా ఓ ఇంటర్వ్యూలో పాల్గొన్న ఆయన ఈ రెండు సినిమాలకు సంబంధించి పలు ఆసక్తికర విషయాలను తెలిపారు. అలాగే బాలకృష్ణపై పలు ఇంట్రెస్టింగ్ కామెంట్లను చేశారు.
"బాలకృష్ణతో వర్క్ చేయడం ఎప్పటికీ మర్చిపోలేని అనుభూతి. ఆయన సీనియరే అయినా చిన్న పిల్లాడి మనస్తత్వం. ఎంతో ఎనర్జిటిక్‌గా ఉంటారు. డైరెక్టర్ బాబీ కూడా ఎంతో మంచి వ్యక్తి. ఇలాంటి అద్భుతమైన వ్యక్తులతో కలిసి పని చేసే ఛాన్స్ రావడం సంతోషంగా ఉంది. ఇక శివ దర్శకత్వంలో సూర్య కథానాయకుడిగా తెరకెక్కుతున్న 'కంగువా'లోనూ నేను నటించాను. సూర్య చాలా గొప్ప యాక్టర్. అందరూ అనుకున్నట్లుగా యానిమల్ మూవీ రిలీజ్ అయిన తర్వాత నాకు కంగువా అవకాశం రాలేదు. దాని కన్నా ముందే కంగువాకు గ్రీన్ సిగ్నల్ ఇచ్చి సైన్ చేశాను. యానిమల్లో కన్నా ముందే కంగువాలో విలన్గా కొన్ని సీన్స్ కూడా చేశాను. కంగువాలో నా పాత్ర ఎంతో ప్రత్యేకంగా నిలుస్తుంది" అని చెప్పుకొచ్చారు.
'NBK109' సినిమా విషయానికొస్తే ప్రస్తుతం ఈ మూవీ షూటింగ్‌ శరవేగంగా జరుగుతోంది. ఈ సినిమాలో కీలక షెడ్యూల్‌ పూర్తైనట్లు బాబీ ఈ మధ్యే తెలిపారు. అయితే ఇప్పుడు ఈ సినిమాకు సంబంధించి ఓ వార్త సోషల్‌ మీడియాలో తెగ వైరల్‌ అవుతోంది. ఈ సినిమా టైటిల్‌ టీజర్‌ను బాలకృష్ణ 50 ఏళ్ల సినీ ప్రస్థానం వేడుకల్లో రిలీజ్ చేయనున్నట్లు సమాచారం అందుతోంది. త్వరలోనే దీనిపై అధికారిక ప్రకటన వచ్చే అవకాశముంది. ఇకపోతే సినిమాకు తమన్ సంగీతం అందిస్తున్నారు.
యూవీ బయోపిక్ అఫీషియల్ అనౌన్స్మెంట్ - హీరో ఎవరంటే? - Yuvaraj Singh Biopic
