Balakrishna Meera Jasmine: నందమూరి నటసింహం బాలకృష్ణ ఆరు పదుల వయసులోనూ కుర్ర హీరోలకు దీటుగా సినిమాలు చేస్తూ హ్యాట్రిక్ హిట్స్తో దూసుకెళ్తున్నారు. అఖండ, వీరసింహా రెడ్డి, భగవంత్ కేసరి వంటి చిత్రాలతో బ్లాక్ బస్టర్ హిట్స్ను అందుకుని కెరీర్లో పీక్ స్టేజ్లో ఉన్నారు. అయితే పుల్ ఫామ్లో ఉన్న బాలయ్య బాబు చిత్రంలో నటించేందుకు ఓ హీరోయిన్ నో చెప్పిందట. ప్రస్తుతం ఈ విషయం గురించి బయట వార్తలు కనిపిస్తున్నాయి. దీంతో బాలయ్యకే నో చెప్పిన ఆ భామ ఎవరబ్బా అంటూ తెలుసుకునేందుకు ఇంట్రెస్ట్ చూపిస్తున్నారు పలువురు అభిమానులు.
వివరాల్లోకి వెళితే. ఒకప్పుడు టాలీవుడ్లో స్టార్ హీరోలతో సినిమాలు చేసి హోమ్లీ బ్యూటీగా పేరు తెచ్చుకున్న భామ మీరా జాస్మిన్. అందం, అమాయకత్వంతో నటిస్తూ తెలుగు సినీ ప్రేక్షకులకు బాగా దగ్గరైంది. రవితేజ, పవన్ కళ్యాణ్, రాజశేఖర్ వంటి స్టార్ హీరోలతో కలిసి భద్ర, మహరధి, గోరింటాకు, గుడుంబా శంకర్ వంటి చిత్రాల్లోనూ నటించి తనకంటూ ఓ ప్రత్యేకమైన గుర్తింపు తెచ్చుకుంది. ఇతర భాషా చిత్రాల్లోనూ టాప్ హీరోయిన్గానే స్టేటస్ అందుకుంది.
ఆ తర్వాత కెరీర్ పీక్ స్టేజ్లో ఉన్నప్పుడు పెళ్లి చేసుకుని సినిమాలకు దూరమైంది. ఇప్పుడు రీఎంట్రీ కోసం సోషల్ మీడియాలో అందాలను ఆరబోస్తూ అవకాశాల కోసం ఎదురుచూస్తోంది. అయితే ఈ సెకండ్ ఇన్నింగ్స్ ప్రారంభిస్తున్న సమయంలో మీరా జాస్మిన్కు వెంకటేశ్తో కలిసి నారప్పలో నటించే అవకాశం వచ్చిందట. కానీ ఆ ఆఫర్కు నో చెప్పిందట. అనంతరం బాలయ్య వీర సింహా రెడ్డికి కూడా నో చెప్పిందట. ఈ రెండు సూపర్ హిట్లు సినిమాలే కావడం విశేషం. మరి ఆమె రిజెక్ట్ చేసినట్లు వచ్చిన ఈ వార్తల్లో ఎంతవరకు నిజం ఉందో తెలీదు కానీ ప్రస్తుతానికి ఈ విషయం చక్కర్లు కొడుతోంది. కాగా, అంతకుముందు బాలయ్యతో కలిసి ఆమె మహారథి సినిమా చేసింది.
ఇకపోతే ఇటీవలే మీరా జాస్మిన్ విమానం చిత్రంలో కీలక పాత్ర పోషించి ప్రేక్షకులను ఆకట్టుకుంది. దీంతో పాటే నయనతార, మాధవన్, సిద్ధార్థ్ ప్రధాన పాత్రల్లో నటిస్తున్న టెస్ట్ చిత్రంలోనూ నటిస్తోంది. నేడు ఆమె పుట్టినరోజు సందర్భంగా తన ఫస్ట్ లుక్ పోస్టర్ను కూడా విడుదల చేశారు మేకర్స్.
