Allu Arjun Movie Atlee Remunaration : ఐకాన్స్టార్ అల్లు అర్జున్- స్టార్ డైరెక్టర్ అట్లీ కాంబోలో ఓ సినిమా తెరకెక్కనుందనని ఇదివరకే కొన్ని కథనాలు వెలువడ్డాయి. తాజాగా ఈ ప్రాజెక్ట్ గురించి మరో వార్త హాట్ టాపిక్గా మారింది. ఈ సినిమా కోసం దర్శకుడు రికార్డు స్థాయిలో రెమ్యునరేషన్ వసూలు చేయబోతున్నట్లు ప్రచారం సాగుతోంది. తన గురువు, ప్రముఖ దర్శకుడు శంకర్ కన్నా అట్లీ ఎక్కువ మొత్తం తీసుకుంటున్నారట. ఈ పాన్ ఇండియా సినిమా కోసం అట్లీ దాదాపు రూ.60 కోట్ల పారితోషికం అందుకోనున్నట్లు తెలుస్తోంది. అయితే శంకర్ ఒక సినిమాకు రూ.25 నుంచి 30 కోట్ల వరకు తీసుకుంటారని టాక్ ఉంది. దీంతో తన గురువు రికార్డ్ను అట్లీ అధిగమించినట్లు అవుతుంది.
ఇదిలా ఉండగా బాలీవుడ్ బాద్షా షారుక్ ఖాన్తో అట్లీ 'జవాన్' తెరకెక్కించారు. ఈ సినిమా ప్రపంచవ్యాప్తంగా రికార్డు కలెక్షన్లు సాధించి బ్లాక్బస్టర్గా నిలిచింది. దీంతో అట్లీకి డిమాండ్ పెరిగింది. ఈ కారణంగా ఆయన కోరినంత మొత్తాన్ని ఇవ్వడానికి నిర్మాతలు కూడా వెనకాడటం లేదని వార్తలు వినిపిస్తున్నాయి. ఒకవేళ ఇదే మొత్తంలో రెమ్యునరేషన్ తీసుకుంటే, కోలీవుడ్లో అత్యధిక పారితోషికం తీసుకున్న డైరెక్టర్ల జాబితాలో అట్లీ చేరనున్నారు.
ఇక ఈ సినిమా విషయానికొస్తే, ఇందులో బన్నీ కంప్లీట్ డిఫరెంట్ లుక్లో కనిపించనున్నారట. ఇది పక్కా కమర్షియల్‌ ఎంటర్‌టైనర్‌గా తెరకెక్కనున్నట్లు సమాచారం. ఈ ఏడాదే షూటింగ్ ప్రారంభించాలని అట్లీ భావిస్తున్నట్లు తెలిసింది. ఇప్పటికైతే దీనిపై చర్చలు జరుగుతున్నాయని, త్వరలోనే ప్రాజెక్ట్ పూర్తి వివరాలు అధికారికంగా అనౌన్స్ చేస్తారని టాక్.
మ్యూజిక్ డైరెక్టర్ ఫిక్స్!
షారుక్ ఖాన్- అట్లీ కాంబోలో తెరకెక్కిన 'జవాన్' వరల్డ్వైడ్గా ఈ సినిమా రూ.1000 కోట్లు వసూల్ చేసింది. ఇక ఈ సినిమా సక్సెస్పై అప్పట్లో అల్లు అర్జున్ మూవీటీమ్కు ట్విట్టర్లో శుభాకాంక్షలు తెలిపారు. అయితే బన్నీ ఈ ట్వీట్ పోస్ట్ చేసిన కొంతసేపటి తర్వాత మ్యూజిక్ డైరెక్టర్ అనిరుధ్ 'థాంక్యూ మై బ్రో' అంటూ రిప్లై ఇచ్చాడు. దానికి బన్నీ 'థాంక్యూ సరిపోదు నాకు మంచి పాటలు కావాలి' అంటూ అనిరుధ్ ట్వీట్కు రిప్లై ఇచ్చారు. దీంతో అట్లీ-అర్జున్-అనిరుధ్(AAA) కాంబోలో త్వరలోనే ఓ ప్రాజెక్ట్ తెరకెక్కనుందంటూ అప్పటి నుంచే సామాజిక మాధ్యమాల్లో వార్తలు ట్రెండ్ అవుతున్నాయి. అయితే ఈ సినిమాను సన్ పిక్చర్స్ సంస్థ నిర్మించబోతున్నట్లు సమాచారం. ఈ మూవీలో సీనియర్ హీరోయిన్ త్రిష కీలక పాత్రలో కనిపించబోతున్నట్లు తెలుస్తోంది.
బంపర్ ఆఫర్ కొట్టేసిన మృణాల్ ఠాకూర్! పాన్ ఇండియా స్టార్తో సినిమా?
వచ్చే ఏడాదే స్టార్ హీరోయిన్తో టిల్లుగాడి పెళ్లి!- క్లారిటీ ఇచ్చిన చైతన్య జొన్నలగడ్డ
