ఊర మాస్‌ అవతారంలో అల్లరి నరేశ్ - ​ 'బచ్చల మల్లి' ట్రైలర్ చూశారా?

అల్లరి నరేశ్​ 'బచ్చల మల్లి' ట్రైలర్ చూశారా?

Allari Naresh Bachhala Malli Trailer : టాలీవుడ్ స్టార్ హీరో అల్లరి నరేశ్‌ లీడ్​ రోల్​లో తెరకెక్కుతోన్న లేటెస్ట్ మూవీ 'బచ్చల మల్లి'. యాక్షన్, ఎమోషనల్ ఎలిమెంట్స్​ కలగలిసిన ఈ సినిమా ప్రస్తుతం డిసెంబర్ 20న థియేటర్లలోకి వచ్చేందుకు సిద్ధమవుతోంది. ఈ క్రమంలో మేకర్స్ తాజాగా ఈ సినిమాకు సంబంధించిన సాలిడ్ ట్రైలర్​ను విడుదల చేసింది. ఇందులో అల్లరి నరేశ్ మాస్ లుక్​లో కనిపించి ఆకట్టుకున్నారు. ప్రతి విషయంలో గొడవపడే వ్యక్తి ప్రేమలో పడటం, ఆ తర్వాత అతడికి ఎదురైన సంఘటనలేమిటి? అనే అంశాలతో ఆసక్తికరంగా ఈ ట్రైలర్‌ సాగింది.

కథ విషయానికి వస్తే
ఆంధ్రప్రదేశ్‌లోని తుని ప్రాంతంలో జరిగిన కొన్ని వాస్తవ ఘటనల ఆధారంగా సినిమాను తెరకెక్కించనున్నట్లు సమాచారం. డైరెక్టర్ సుబ్బు ఈ సినిమాను భారీ అంచనాలతో తెరకెక్కిస్తున్నారు. అంతేకాకుండా ఈ మూవీ రైటర్ కూడా ఆయనే. హాస్య మూవీస్ బ్యానర్​ పై రాజేశ్ దండ, బాలాజీ గుత్తా ఈ చిత్రాన్ని సంయుక్తంగా నిర్మిస్తున్నారు.

ఇందులో అల్లరి నరేశ్ సరసన అమృత అయ్యర్ ఫీమేల్​ లీడ్​గా కనిపిస్తుండగా, ఇతర కీలక పాత్రల్లో రావు రమేశ్, రోహిణీ అచ్చుత్ కుమార్, బలగం జయరాం, హరి తేజ, వైవా హర్ష ప్రవీణ్ కనిపించనున్నారు. విశాల్ చంద్రశేఖర్ ఈ సినిమాకు సంగీతం సమకూరుస్తున్నారు. ఫుల్ మాస్ స్టోరీతో అలరించేందుకు రెడీ అవుతోన్న డిసెంబర్​ 20న రిలీజ్ కానుంది.

ఇంట్రెస్టింగ్​గా ఫస్ట్ లుక్​ పోస్టర్
పేరు: మళ్ళీ, ఇంటిపేరు : బచ్చల, చేసేది : ట్రాక్టర్ డ్రైవెర్. "ఈ బచ్చల మల్లి ఖచ్చితంగా మీకు చాలా రోజులు గుర్తుండిపోతారు". అంటూ హీరో ఫస్ట్ లుక్​ పోస్టర్​ను గతంలో రివీల్ చేశారు మేకర్స్. దాన్ని చూస్తే నరేశ్ ఈ చిత్రంలో ఒక లోకల్ రౌడీ పాత్ర పోషించనున్నట్లు తెలుస్తోంది. అందుకోసమే ఆయన ఈ కథకు తగ్గట్టుగా గడ్డం పెంచుకుని, మెడలో తాయెత్తు, చేతికి కాశీ దారం ఇలా ఫుల్​ మాస్ లుక్​లో కనిపించారు. అంతేకాకుండా ఓ రిక్షా మీద కూర్చొని బీడీ తాగుతున్నట్లు కూడా ఆ పోస్టర్​లో చూడొచ్చు. ఇలా పలు మాస్ ఎలిమెంట్స్​తో ఉన్న ఈ ఫొటో ప్రస్తుతం మూవీ లవర్స్​ను తెగ ఆకట్టుకుంటోంది.