Ratan Tata Animal Hospital : టాటా గ్రూప్ ఛైర్మన్ రతన్ టాటా గురించి తెలియనివారు ఎవరూ ఉండరు. భారత్లోనే కాదు ప్రపంచంలోనే అత్యంత ప్రముఖ వ్యాపారవేత్తగా ఆయనకు పేరుంది. పారిశ్రామికవేత్తగానే కాకుండా మంచి వ్యక్తిత్వం కలిగిన వ్యక్తిగా రతన్ టాటాను అందరూ గౌరవిస్తారు. సామాజిక సేవా కార్యక్రమాల్లో ఎక్కువగా పాల్గొనే రతన్ టాటా తన కంపెనీల తరపున పేదలను ఆదుకుంటూ ఉంటారు. అలానే మూగ జీవాలంటే ఎంతో ప్రేమ ఉంది. వాటి కోసం ఓ ప్రాజెక్టు తలపెట్టారు. అది వచ్చే నెలలో ప్రారంభం కానుంది.
ముంబయిలో జంతువుల కోసం రతన్ టాటా అత్యాధునిక సౌకర్యాలతో 'టాటా ట్రస్ట్స్ స్మాల్ యానిమల్ హస్పిటల్' అనే పేరుతో ఆస్పత్రిని ఏర్పాటు చేస్తున్నారు. దీనిని సుమారు 2.2 ఎకరాల విస్తీర్ణంలో రూ.165 కోట్లతో నిర్మిస్తున్నారు. ఇది భారతదేశంలోనే అతి పెద్ద జంతు వైద్యశాలగా మార్చి నెలలో ప్రారంభం కానుంది. ఈ ఆస్పత్రి కుక్కులు, పిల్లులు, కుందేళ్లు వంటి ఇతర చిన్న జంతువులకు 24*7 వైద్య సేవలను అందించనుంది.
"పెంపుడు జంతువులను కుటుంబ సభ్యులుగా భావిస్తాను. నా జీవితం అనేక పెంపుడు జంతువుల మధ్య సాగింది. ఒక సంరక్షకుడిగా వాటికి ఆస్పత్రి అవసరం అని గుర్తించాను. అందుకే ఈ వైద్యశాలను నిర్మిస్తున్నా."
- రతన్ టాటా, టాటా గ్రూప్ ఛైర్మన్
జంతువుల కోసం ఏర్పాటు చేస్తున్న ఈ ఆస్పత్రి శిక్షణ కోసం లండన్లోని రాయల్ వెటర్నరీ కాలేజ్, 5 యూకే వెటర్నరీ స్కూల్స్తో భాగస్వామ్యం కలిగి ఉంది. ఈ ఆస్పత్రిలో సర్జీకల్, డయాగ్నోస్టిక్, ఫార్మసీ వంటి సేవలను అందిస్తారు. ఒకేసారి 200 జంతువులకు వైద్యం అందించేలా నాలుగు అంతస్తుల్లో నిర్మించారు. దీనిని బ్రిటన్కు చెందిన వెటర్నరీ డాక్టర్ థామస్ హీత్కోట్ చూసుకుంటారు.
రతన్ టాటాకు గ్యాంగ్స్టర్ నుంచి బెదిరింపులు
ఒకానొక సమయంలో రతన్ టాటాపై ఓ గ్యాంగ్స్టర్ బెదిరింపులకు పాల్పడ్డాడు. కానీ రతన్టాటా చాలా ధైర్యంగా అతని ఎదుర్కొని, జైలు కూడా పంపించారు. అప్పుడు ఏం జరిగిందో తెలుసుకోవాలంటే ఈ లింక్పై క్లిక్ చేయండి
మూగజీవాలపై ప్రేమ.. 40 పిల్లులను పెంచుతున్న 'అమిత్ షా'.. నెలకు రూ.40 వేలు ఖర్చు!
