సర్వీసింగ్ చేయించినా - బైక్ మైలేజ్ తగ్గుతోందా? - అయితే కారకులు మీరే! - Reasons for Bike Mileage Decrease

Bike Mileage Increase After Servicing Tips : కొనుగోలు చేసిన కొత్తలో మీ బైక్ మస్త్ మైలేజ్ ఇచ్చి.. కొన్ని సర్వీసింగ్​ల తర్వాత తగ్గుతోందా? అయితే.. దానికి కారణం మీరే అంటున్నారు నిపుణులు! అవును.. బైక్ మెయింటెనెన్స్ విషయంలో మీరు చేసే ఈ పొరపాట్లే ఇందుకు కారణం అంటున్నారు!

Tips to Bike Mileage Increasing after Servicing : ప్రస్తుతం మెజార్టీ పీపుల్ ఉపయోగించే రవాణా సాధనం బైక్. ఇది అవసరాల జాబితాలో ఎప్పుడో చేరిపోయింది. అందుకే.. ద్విచక్ర వాహనాల అమ్మకాలు మరింతగా పెరుగుతున్నాయి. అయితే.. భారీగా పెరిగిన పెట్రో ధరల నేపథ్యంలో.. మైలేజ్​ చాలా ముఖ్యంగా మారిపోయింది. కానీ.. మెయింటెనెన్స్​ విషయంలో చేసే కొన్ని పొరపాట్ల వల్ల మైలేజ్ తగ్గిపోతోందని నిపుణులు చెబుతున్నారు. ఈ పొరపాట్ల వల్లనే సర్వీసింగ్ చేయించిన తర్వాత కూడా మైలేజ్ పెరగకపోగా.. తగ్గుతుందని చెబుతున్నారు. మరి.. ఆ పొరపాట్లు ఏంటో ఇప్పుడు చూద్దాం.

• బైక్ నడిపే తీరు మైలేజ్​పై ప్రభావం చూపిస్తుందంటున్నారు నిపుణులు. ముఖ్యంగా అధిక వేగంతో డ్రైవింగ్ చేయడం, తరచుగా బ్రేక్ వేయడం.. వెంటనే ఎక్సలేటర్ ఉపయోగించడం వంటి అలవాట్లు మైలేజ్​ను తగ్గిస్తాయంటున్నారు.
• సర్వీసింగ్ తర్వాత బైక్ మైలేజ్ తగ్గడానికి సరైన ట్యూనింగ్ లేకపోవడం కూడా ప్రధాన కారణంగా చెబుతున్నారు నిపుణులు. సర్వీసింగ్ సమయంలో కార్బురేటర్ సరిగ్గా ట్యూన్ చేయకపోతే ఇంధన సామర్థ్యం తగ్గిపోతుందట.
• స్పార్క్ ప్లగ్ సరిగ్గా క్లీన్ చేయకపోతే కూడా ఇంధన సరఫరా సక్రమంగా జరగదట. ఫలితంగా మైలేజ్ తగ్గే ఛాన్స్ ఉందంటున్నారు నిపుణులు.
• అదేవిధంగా ఎయిర్ ఫిల్టర్ మురికిగా ఉంటే.. ఇంజిన్‌కు తగినంత గాలి సరఫరా కాకపోవచ్చు. ఇది కూడా మైలేజ్ తగ్గడానికి కారణమవుతుందంటున్నారు.

• పాత, పాడైపోయిన ద్విచక్రవాహన విడిభాగాలను సరైన సమయంలో మార్చకపోయినా కూడా.. అది మైలేజ్‌ను ప్రభావితం చేస్తుందని నిపుణులు చెబుతున్నారు.
• కాబట్టి.. ఎయిర్ ఫిల్టర్, ఆయిల్ ఫిల్టర్, స్పార్క్ ప్లగ్, టైర్లు వంటి భాగాలను క్రమం తప్పకుండా మార్చుతుండాలని సూచిస్తున్నారు.
• ఇవేకాకుండా.. నాణ్యతలేని పెట్రోలు వినియోగించడం ద్వారా కూడా బైక్ మైలేజ్ తగ్గిపోవడంతో పాటు ఇంజన్ పాడైపోతుందని సూచిస్తున్నారు.
• బైక్‌పై ప్రయాణించే వ్యక్తుల బరువు, రోడ్లు, టైర్లలో గాలి, ప్రయాణంలో వీస్తున్న గాలి వంటి అనేక అంశాలు మైలేజ్‌ను ప్రభావితం చేస్తాయంటున్నారు.
• ఇలాంటి టైమ్​లో​ బైక్ మైలేజ్ పెరగాలంటే.. మీ డ్రైవింగ్‌ విధానం పద్ధతిగా ఉండేలా చూసుకోవాలని చెబుతున్నారు.
• ఈ టిప్స్ పాటిస్తే సర్వీసింగ్‌ తర్వాత మైలేజీ తప్పకుండా పెరుగుతుందని సూచిస్తున్నారు.
• అలాగే.. బైక్ ట్యూనింగ్‌ చేసేటప్పుడు మెయిన్‌జెట్‌, ఐడ్లింగ్‌లను ఒకటికి రెండు సార్లు సరిచూడాల్సిందిగా మెకానిక్‌కు, సర్వీస్ ఇంజనీర్‌కు చెప్పాలని నిపుణులు సూచన చేస్తున్నారు.