How To Check Income Tax Refund Status Online : మీరు ఐటీఆర్ దాఖలు చేసి రీఫండ్ డబ్బు కోసం ఎదురు చూస్తున్నారా? మీ రీఫండ్ స్టేటస్ ఎలా చెక్ చేసుకోవాలో తెలియడం లేదా? అయితే ఇంకెందుకు ఆలస్యం, చాలా సులువుగా ఆన్లైన్లో మీ ఐటీఆర్ రీఫండ్ స్టేటస్ను ఇలా చెక్ చేసుకోవాలో ఇప్పుడు చూద్దాం.
ఆన్లైన్లో ఐటీ రీఫండ్ స్టేటస్ చెక్ చేసుకోండిలా!
- ముందుగా మీరు ఆదాయ పన్ను శాఖ అధికారిక వెబ్సైట్ https://www.incometax.gov.in/iec/foportal/ ఓపెన్ చేయాలి.
- మీ యూజర్ ఐడీ (పాన్ కార్డు నంబర్), పాస్వర్డ్, క్యాప్చా కోడ్ ఎంటర్ చేసి, లాగిన్ అవ్వాలి.
- ఆ తర్వాత 'వ్యూ రిటర్న్స్ అండ్ ఫార్మ్స్'పై క్లిక్ చేయాలి.
- డ్రాప్డౌన్ మెనూలోని 'ఇన్కమ్ ట్యాక్స్ రిటర్న్స్' ఆప్షన్ను సెలెక్ట్ చేసుకోవాలి.
- అనంతరం మీ ఐటీఆర్కు సంబంధించిన 'అసెస్మెంట్ ఇయర్'ను ఎంటర్ చేసి సబ్మిట్ బటన్ నొక్కాలి.
- తరువాత 'ITR Acknowledgment Number'పై క్లిక్ చేయాలి.
- ఇందులో మీ ఐటీఆర్ రీఫండ్ స్టేటస్కు సంబంధించిన పూర్తి వివరాలు ఉంటాయి. అంతే సింపుల్!
మీ ఐటీఆర్ను వెరిఫై చేయడం ఎలా?
మీరు దఖలు చేసిన ఐటీఆర్ను కచ్చితంగా వెరిఫై చేసుకోవాలి. లేదంటే మీ ఐటీఆర్ ఫైలింగ్ అసంపూర్తిగా ఉండిపోతుంది. దీని వల్ల మీ ఐటీఆర్ చెల్లకుండా పోతుంది.
ఐటీఆర్ ఈ-వెరిఫికేషన్ చేసుకోవడం ఎలా?
ITR E-Verification Process :
- ముందుగా ఆదాయపన్ను శాఖకు చెందిన e-filing పోర్టల్ను ఓపెన్ చేయాలి.
- పోర్టల్లో e-verify return లింక్పై క్లిక్ చేయాలి.
- పాన్ నంబర్, అసెస్మెంట్ ఇయర్ (2023-24), రసీదు సంఖ్యను నమోదు చేయాలి. లేదా
- దీనికి ప్రత్యామ్నాయంగా పోర్టల్లో మీ పాన్, పాస్వర్డ్తో లాగిన్ కావాలి.
- పోర్టల్లోని My Account సెక్షన్లోకి వెళ్లి, e-verify return ఆప్షన్పై క్లిక్ చేయాలి.
- దీనితో ఓ సరికొత్త వెరిఫికేషన్ పేజీ ఓపెన్ అవుతుంది.
- అప్పుడు మీరు ఆధార్ ఓటీపీ ఎంటర్ చేసి ఈ-వెరిఫికేషన్ పూర్తి చేయవలసి ఉంటుంది.
- ఇందు కోసం మీ రిజిస్టర్డ్ మొబైల్ నంబర్కు వచ్చిన ఓటీపీని ఎంటర్ చేసి, ఐటీఆర్ ఈ-వెరిఫికేషన్ పూర్తి చేయాలి.
- ఐటీఆర్ ఈ-వెరిఫికేషన్ పూర్తి చేసేందుకు మరో మార్గం కూడా ఉంది.
- మీరు నేరుగా నెట్ బ్యాంకింగ్ పోర్టల్కు వెళ్లి, ఐటీఆర్ సెగ్మెంట్లో ఈ-వెరిఫికేషన్ పూర్తి చేసుకోవచ్చు.
ఐటీఆర్ రీఫండ్ ఆలస్యం కావడానికి గల కారణాలను తెలుసుకోవడం ఎలా?
మీ ఐటీ రిఫండ్ ఆలస్యం కావడానికి పలు కారణాలు ఉండవచ్చు. ముఖ్యంగా మీరు ఫైల్ చేసిన ఐటీఆర్లో బ్యాంక్ అకౌంట్ వివరాలు లేదా ఇతర వివరాలు తప్పుగా లేదా అసంపూర్తిగా ఉంటే, రీఫండ్ రాకపోవచ్చు. అందుకే మీరు ఐటీఆర్ ఫైల్ చేసేటప్పుడు, మీ బ్యాంకు అకౌంట్ నంబరు, ఇతర వివరాలు సరిగ్గా ఉన్నాయో, లేదో చెక్ చేసుకోవాలి.
టీడీఎస్
ఫారమ్ 26ఏఎస్లో టీడీఎస్ క్లెయిమ్ వివరాల్లో ఎలాంటి తప్పులు లేకుండా చూసుకోవాలి. ఒకవేళ ఈ టీడీఎస్ వివరాల్లో తేడాలు ఉంటే, ఐటీ రీఫండ్ ఆలస్యం అవుతుంది. కొన్ని సందర్భాల్లో అదనపు డాక్యుమెంట్లు అవసరం అవుతాయి. ఈ పత్రాలు ఇవ్వకపోయినా ఐటీ రిఫండ్ ఆలస్యం కావొచ్చు.
ఒకవేళ మీ ఐటీ రీఫండ్ స్టేటస్లో 'నో రికార్డ్స్ ఫౌండ్' అని చూపిస్తే, మీ ఈ-ఫైలింగ్ ప్రాసెసింగ్ స్టేటస్ను చెక్ చేసుకోవాలి. ఇందుకోసం ఈ-ఫైల్ > ఇన్కమ్ ట్యాక్స్ రిటర్న్స్ > వ్యూ ఫైల్డ్ రిటర్న్స్ ఎంచుకోవాలి. మీ బ్యాంకు అకౌంట్ వివరాల్లో ఏమైనా తప్పులు ఉంటే, వాటిని సరిచేసుకోవాలి.
