Instant Personal Loan Approval Tips : ఆర్థిక అవసరాలు ఎప్పుడు, ఏ విధంగా వస్తాయో చెప్పలేము. ఇలాంటి పరిస్థితుల్లో అత్యవసరంగా డబ్బులు కావాల్సి ఉంటుంది. ఇళ్లు, పొలాలు, బంగారం లాంటివి తనఖా పెట్టి డబ్బులు తీసుకోవచ్చు. కానీ ఈ రుణాలు మంజూరు కావడానికి కాస్త సమయం పడుతుంది. ఒక వేళ ఇలాంటి స్థిరాస్తులు లేకపోతే రుణం పొందడం కష్టమవుతుంది. ప్రైవేట్ వడ్డీ వ్యాపారులు కూడా ఏదో ఒక హామీ లేకుండా అప్పు ఇవ్వరు. పైగా అధిక వడ్డీ వసూలు చేస్తారు.
ఇలాంటి పరిస్థితుల్లో అందరికీ గుర్తొచ్చేవి వ్యక్తిగత రుణాలు. వీటికి ఎలాంటి హామీ ఇవ్వాల్సిన అవసరం ఉండదు. పైగా ప్రైవేట్ వడ్డీ వ్యాపారులు విధించే వడ్డీ కంటే, బ్యాంకులు విధించే వడ్డీ చాలా తక్కువగా ఉంటుంది. అందుకే ఇన్స్టెంట్ పర్సనల్ తీసుకునేందుకు మొగ్గు చూపుతారు. అయితే ఇన్స్టెంట్ పర్సనల్ లోన్లు అసురక్షితమైనవి. తక్కువ డాక్యుమెంటేషన్తో ఈ లోన్లు నిమిషాలు లేదా గంటల వ్యవధిలోనే అప్రూవల్ అయిపోతాయి. దీంతో మీ అవసరం కోసం త్వరగా నిధులను పొందొచ్చు. ఈ క్రమంలో ఇన్స్టెంట్ పర్సనల్ లోన్ అప్రూవల్ ఈజీగా, వేగంగా పూర్తయ్యేందుకు పాటించాల్సిన చిట్కాలు ఏంటో తెలుసుకుందాం.
లోన్ అమౌంట్, కాల వ్యవధి
ఇన్స్టెంట్ పర్సనల్ లోన్ కోసం అప్లై చేసే ముందు మీకు అవసరమైన నగదు మొత్తాన్ని అంచనా వేసుకోండి. ఆ మొత్తం మీ ఆదాయం, తిరిగి చెల్లించే సామర్థ్యానికి అనుగుణంగా ఉందో లేదో సరిచూసుకోండి. అలాగే లోన్ కాలవ్యవధిని పరిశీలించాలి. ఎందుకంటే సుదీర్ఘ కాలవ్యవధికి లోన్ తీసుకుంటే నెలవారీ ఈఎంఐ భారం తగ్గినా, అసలుపై అధిక వడ్డీ పడిపోతుంది.
ఆదాయ వనరు
స్ధిరమైన ఆదాయం లేదా ఉపాధి ఉన్నవారికి ఇన్స్టెంట్ పర్సనల్ లోన్లు ఇచ్చేందుకు చాలా రుణ సంస్థలు మొగ్గు చూపుతాయి. లోన్ ఇచ్చే సంస్థలు రుణగ్రహీత ఉద్యోగి అయితే అతడి నెలవారీ ఆదాయాన్ని పరిశీలిస్తాయి. స్వయం ఉపాధి రుణగ్రహీతలకు ఐటీ రిటర్న్‌ల ద్వారా స్థిరమైన ఆదాయాల రుజువును అందించమని కోరవచ్చు.
క్రెడిట్ స్కోర్
తక్షణ పర్సనల్ లోన్ను అప్రూవల్ చేసేటప్పుడు రుణదాతలు ముఖ్యంగా రుణగ్రహీత క్రెడిట్ స్కోరును పరిశీలిస్తారు. క్రెడిట్ స్కోర్ను బట్టి మీరు తీసుకున్న రుణాన్ని సకాలంలో చెల్లించగలరా? లేదా? అనే విషయాన్ని తెలుసుకుంటారు. అందుకే మంచి క్రెడిట్ స్కోర్ను మెయింటెన్ చేయండి. అందుకు సకాలంలో బిల్లు చెల్లించడం, తక్కువ క్రెడిట్ వినియోగ నిష్పత్తి కలిగి ఉండడం వంటివాటిని పాటించండి.
తక్కువ డాక్యుమెంటేషన్
వ్యక్తిగత రుణంతో పోలిస్తే ఇన్స్టెంట్ పర్సనల్ లోన్ పొందడానికి ఎక్కువ డాక్యుమెంట్స్ అవసరం లేదు. అడ్రస్ ప్రూఫ్, ఆదాయ ధ్రువీకరణ పత్రం, ఐటెండెటీ ప్రూఫ్ మొదలైన నిర్దిష్ట పత్రాలను సిద్ధంగా ఉంటే చాలు. లోన్ ఆమోదంలో జాప్యాన్ని నివారించడానికి ఈ పత్రాలన్నింటినీ సిద్ధంగా ఉంచుకోవాలి.
ఈఎంఐ కాలిక్యులేటర్
చాలా మంది ఇన్స్టెంట్ పర్సనల్ లోన్ను ఈఎంఐ రూపంలో చెల్లిస్తుంటారు. అయితే లోన్ తీసుకునేందుకు ముందే మీరు నెలవారీ చెల్లించాల్సిన మొత్తం ఎంతో ఈఎంఐ కాలిక్యులేటర్ను ఉపయోగించి లెక్కించండి. దీంతో మీరు తీసుకునే లోన్ మొత్తానికి నెలకు ఎంత ఈఎంఐ కట్టాలో తెలిసిపోతుంది.
