Man Uses Google Maps to Track Thief : టెక్నాలజీ అభివృద్ధి చెందాక మన జీవితంలో అనేక మార్పులు జరుగుతున్నాయి. నిత్య జీవితంలో చాలా పనులు సులభంగా మారిపోయాయి. ఎంతో విలువైన సమయం, వనరులు కోల్పోకుండా ఈజీగా పనులన్నీ జరిగిపోతున్నాయి. అంతకుముందు ఫోన్ చోరీ అయితే, దానిపైన ఆశలు వదుకునేవాళ్లం. కానీ ఇప్పుడు అదే టెక్నాలజీ సాయంతో అతి తక్కువ సమయంలోనే పట్టుకుంటున్నాం. ఇలాంటి ఘటనే తమిళనాడులోని నాగర్కొయిల్లో జరిగింది. గూగుల్ మ్యాప్స్ సహాయంతో దొంగిలించిన ఫోన్, బ్యాగ్ను పట్టుకున్నాడు ఓ వ్యక్తి. ఈ విషయాన్ని అతడు సోషల్ మీడియాలో పోస్ట్ చేయగా, ఇప్పుడు వైరల్గా మారింది.
ఇదీ జరిగింది
నాగర్కొయిల్కు చెందిన ఓ వ్యక్తి తిరుచ్చి వెళ్లేందుకు నాగర్కొయిల్-కాచిగూడ ఎక్స్ప్రెస్ రైలు ఎక్కాడు. నాగర్కొయిల్లో ఆదివారం తెల్లవారుజామున 1.43గంటలకు స్లీపర్ క్లాస్లో పడుకున్నాడు. అయితే, రైలులో ఎవరూ లేని సమయం చూసిన ఓ దొంగ, అతడి బ్యాగుతో పాటు ఫోన్ను దొంగిలించి తిరునెల్వేలి జంక్షన్లో దిగిపోయాడు. ఆ తర్వాత దీనిని గమనించిన బాధిత వ్యక్తి, వెంటనే తన కుమారుడికి సమాచారం అందించాడు. అయితే, అదృష్టవశాత్తు దొంగిలించిన ఫోన్లో లొకేషన్ ఆన్ చేయడం వల్ల దానిని ట్రాక్ చేయడం సులభమైంది.
వెంటనే అప్రమత్తమైన అతడి కుమారుడు దానిని పరిశీలించాడు. ఆ ఫోన్ను దొంగిలించిన వ్యక్తి తిరిగి నాగర్కొయిల్కు వచ్చేందుకు తిరునెల్వెలి జంక్షన్లో మరో ట్రైన్ ఎక్కినట్లు గుర్తించాడు. అతడిని పట్టుకునేందుకు తన స్నేహితులు, రైల్వే పోలీసులతో కలిసి స్టేషన్కు వచ్చాడు. కానీ దొంగ వచ్చిన కన్యాకుమారి ఎక్స్ప్రెస్ రద్దీగా ఉండడం వల్ల అతడు తప్పించుకుని పారిపోయాడు. లొకేషన్ ఆన్లోనే ఉండడం వల్ల అతడిని అనుసరించారు. స్టేషన్ మెయిన్ గేట్ నుంచి బయటకు వెళ్లిన దొంగ, అన్న బస్ స్టాండ్కు వెళ్లాడు. వెంటనే అప్రమత్తమై, బైక్పై అతడిని ఫాలో చేసి పట్టుకున్నారు. స్థానికుల సహాయంతో దొంగ నుంచి బ్యాగ్తో పాటు ఫోన్ను స్వాధీనం చేసుకున్నారు. అనంతరం పోలీసులకు సమాచారం ఇచ్చి అతడిని వారికి అప్పగించారు. దీనిపై కేసు నమోదు చేసుకున్న పోలీసులు, నిందితుడిని అదుపులోకి తీసుకుని విచారించారు. అతడు ఇప్పటికే అనేక దొంగతనాలకు పాల్పడ్డాడని పోలీసుల విచారణలో తేలింది.
గూగుల్ మ్యాప్స్ 'ఫాస్టెస్ట్ రూట్'- మెట్లపైకి వెళ్లి ఇరుకున్న కారు!
గూగుల్ మ్యాప్స్లోనూ లైవ్ లొకేషన్ షేరింగ్- ఎలాగో తెలుసా?
