గుజరాత్ రాజధాని గాంధీనగర్లో జరిగిన ట్రావెల్ అండ్ టూరిజం ఫెయిర్లో హైదరాబాద్లోని ప్రఖ్యాత రామోజీ ఫిల్మ్ సిటీ (ఆర్ఎఫ్సీ) స్టాల్ సందడి చేసింది. ఈ ఫెయిర్లో గుజరాత్ పర్యాటక శాఖ మంత్రి ములుభాయ్ బేరా పాల్గొన్నారు. ఈ క్రమంలో ఆయన రామోజీ ఫిల్మ్ సిటీ స్టాల్ను సందర్శించారు. ఈ సందర్భంగా ఆర్ఎఫ్సీపై ప్రశంసలు కురిపించారు. గుజరాత్లో కూడా ఆర్ఎఫ్సీ తరహాలో ఫిల్మ్ సిటీని నిర్మించాలని రామోజీ గ్రూప్ను మంత్రి ములుభాయ్ బేరా కోరారు.
దేశ పర్యాటక రంగ వృద్ధికి ఊతం
ఆర్ఎఫ్సీలో ఆధునిక చిత్ర నిర్మాణ పద్ధతులు, మాస్ కమ్యూనికేషన్ టెక్నిక్స్ను ఉపయోగిస్తున్నారని మంత్రి బేరా వివరించారు. రామోజీ ఫిల్మ్ సిటీ భారతదేశ పర్యటక పరిశ్రమ వృద్ధికి ఊతమిస్తుందని కొనియాడారు. హైదరాబాద్లో ఉన్న రామోజీ ఫిల్మ్ సిటీని తాను చూశానని వెల్లడించారు. ఈ క్రమంలో రామోజీ ఫిల్మ్ సిటీ స్టాల్లో ఉన్న ఆర్ఎఫ్సీ అధికారులతో ఆయన మాట్లాడారు. భారతదేశంలో పర్యటక రంగాన్ని అభివృద్ధి చేయడంలో రామోజీ గ్రూప్ అందిస్తున్న సహకారాన్ని ఆయన అభినందించారు. ఈ ఫెయిర్ దేశ పర్యాటక రంగ అభివృద్ధికి దారితీస్తుందని అభిప్రాయపడ్డారు.
'మంచి స్పందన వస్తోంది'
ట్రావెల్ అండ్ టూరిజం ఫెయిర్లో రామోజీ ఫిల్మ్ సిటీ స్టాల్కు మంచి స్పందన వస్తోందని ఆ సంస్థ వెస్ట్రన్ రీజియన్ చీఫ్ మేనేజర్ సందీప్ వాగ్మారే తెలిపారు. 'దేశంలో టూరిజం రంగానికి గుజరాత్ పెద్ద మార్కెట్. గుజరాత్ నుంచి చాలా మంది టూర్లకు వెళ్తుంటారు. రామోజీ ఫిల్మ్ సిటీ ఎప్పుడూ గుజరాతీలకు సెంటర్ ఆఫ్ ఎట్రాక్షన్గా ఉంటుంది. రామోజీ ఫిల్మ్ సిటీలో టూర్ ప్యాకేజీలు, హోటళ్లు, కన్వెన్షన్ సెంటర్తో సహా పర్యటకుల కోసం వివిధ రకాల సౌకర్యాలు ఉన్నాయి' అని అన్నారు.
మరోవైపు, సందర్శకులు సైతం ఆర్ఎఫ్సీపై ప్రశంసలు కురిపించారు. తాము క్రమం తప్పకుండా ఫిల్మ్ సిటీకి వెళ్తుంటామని ఆకాశ్ పటేల్ తెలిపారు. మరికొద్ది రోజుల్లో అహ్మదాబాద్ నుంచి 18 మంది పర్యటకుల బృందం హైదరాబాద్లోని ఆర్ఎఫ్సీని సందర్శిస్తుందని పేర్కొన్నారు. రెండు రోజులు అక్కడే ఉంటారని ట్రావెల్ బిజినెస్ చేస్తున్న ఆకాశ్ పటేల్ వెల్లడించారు.
గాంధీనగర్లోని మహాత్మా మందిర్లో జరిగిన ట్రావెల్ అండ్ టూరిజం ఫెయిర్లో దేశంలోని పలు రాష్ట్రాలకు చెందిన స్టాల్స్ను ఏర్పాటు చేశారు. ఈ స్టాల్స్లో ఆ రాష్ట్రంలోని పర్యాటక ప్రదేశాలు, అక్కడ ఏర్పాటు చేసిన సౌకర్యాల గురించి టూరిస్ట్లకు అధికారులు వివరిస్తారు. ఈ ఫెయిర్లో వ్యాపారానికి సంబంధించిన సమావేశాలు జరుగుతాయి. ఈ సమావేశాల వల్ల ప్రయాణికులు తక్కువ ధరకే మంచి పర్యటక ప్యాకేజీలను పొందుతారు.
‘కడుపు నిండింది, మనసూ నిండింది'- వయనాడ్‌కు సాయంగా 'మోయి విరుంధు'! - Wayanad Landslides
