காவல்துறையினரின் கலவர தடுப்பு ஒத்திகை நிகழ்ச்சி - பொதுமக்கள் அச்சம்

காஞ்சிபுரம்: வாலாஜாபாத்தில் நடைபெற்ற காவல்துறையினரின் கலவர தடுப்பு ஒத்திகை நிகழ்ச்சியில், கண்ணீர் புகை குண்டு வீசி, தண்ணீரை பீய்ச்சி அடித்து காவலர்கள் கலவரத்தை கட்டுப்படுத்தியது பொதுமக்கள் மத்தியில் அச்சத்தை ஏற்படுத்தியது. வாலாஜாபாத் பேருந்து நிலையத்தில் திடீரென 300க்கும் மேற்பட்ட போராட்டக்காரர்கள் ஒன்று கூடி கலவரத்தில் ஈடுபட்டனர். அதன் பிறகு, காஞ்சிபுரம் மாவட்ட கண்காணிப்பாளர் சண்முகப்பிரியா தலைமையில் ஏராளமான காவல்துறையினர் குவிந்து, கண்ணீர் புகை குண்டு வீசியும், தண்ணீரை பீய்ச்சி அடித்தும் போராட்டக்காரர்களை கட்டுப்படுத்தினர். இந்த ஒத்திகை நிகழ்ச்சியில் எதிர்பாராத விதமாக படுகாயமடைந்த காவலர்கள் இருவர், போராட்டக்காரர்ரகள் நான்கு பேர் மருத்துவமனைக்கு அனுப்பி வைக்கப்பட்டனர்.