பொள்ளாச்சி ஆஞ்சநேயர் கோயிலில் பாலாலயம் செய்து சிறப்புப்பூஜை

பொள்ளாச்சி அருகே உள்ள பாலாற்றங்கரை ஆஞ்சநேயர் கோயிலில் 12 ஆண்டுகளுக்குப் பிறகு கும்பாபிஷேகம் நடைபெற உள்ளது. இதையடுத்து பாலாலயம் செய்து சிறப்புப்பூஜைகள் செய்யப்பட்டன. பின், வேத மந்திரங்கள் முழங்க சிறப்பு யாகமும் பூஜைகளும் நடைபெற்றன. குருக்கள் சாமியின் உருவத்தைக் கண்ணாடியில் ஏற்றி வேதங்கள் படித்து வழிபட்டனர். பக்தர்களுக்கு அன்னதானமும் வழங்கப்பட்டது. இதில் பொள்ளாச்சி சட்டப்பேரவை உறுப்பினர் பொள்ளாச்சி ஜெயராமன், வால்பாறை சட்டப்பேரவை உறுப்பினர் அமுல் கந்தசாமி மற்றும் பலர் கலந்துகொண்டனர்.