சென்னை: தற்போது உள்ள காலக்கட்டத்தில் பெரும்பாலான நபர்கள் சந்திக்கக்கூடிய பிரச்சினையாக உடல் பருமன் உள்ளது. இதை சரி செய்வதற்கு பலரும் டயட்டில் ஈடுபட்டுள்ளனர். டயட் காரணமாக காலை உணவை சாப்பிடாமல் வெறும் வயிற்றில் பழங்களை மட்டும் சாப்பிட்டு வருகின்றனர்.
ஆனால் வெறும் வயிற்றில் எல்லா பழங்களையும் சாப்பிடுவது உடல் ஆரோக்கியத்திற்கு நல்லதல்ல என்று மருத்துவர்கள் கூறுகின்றனர். ஆனால் சில பழங்களை வெறும் வயிற்றில் சாப்பிடலாம் என்று நிபுணர்கள் கூறுகின்றனர். அப்படியாக என்னென்ன பழங்களை, வெறும் வயிற்றில் சாப்பிடலாம், அதனால் என்ன பலன் என்பதையும் பார்க்கலாம்.
வெறும் வயிற்றில் என்னென்ன பழங்கள் சாப்பிடலாம்: தர்பூசணி பழம், பப்பாளி பழம், அன்னாசி பழம், ஆப்பிள், கிவி, பேரிக்காய் உள்ளிட்ட ஆறு பழங்களை காலையில் வெறும் வயிற்றில் சாப்பிடலாம். இந்த பழங்களை வெறும் வயிற்றில் சாப்பிடுவதால் உடலுக்கு பல நன்மைகள் கிடைக்கின்றன.
தர்பூசணி பழம் (Watermelon): சாறு நிறைந்த தர்பூசணி, உடலை குளிர்விக்கவும், புத்துணர்ச்சியாக்கிறது. தர்பூசணி பழத்தில் உள்ள 92 சதவீத நீர், உடலுக்கு ஈரப்பதத்தை அளிக்கிறது. தர்பூசணியில் உள்ள லைகோபீன் இதயம் மற்றும் சருமத்தை பாதுகாக்க உதவுகிறது. இதில் எலட்ரோலைட் இருப்பதால், உடலில் நீரிழப்பு ஏற்படாமல் பாதுகாக்கிறது.
பப்பாளி (Papaya): உடல் எடையை குறைக்கப்பதற்கு உதவும் பப்பாளியில், விட்டமின் ஏ, விட்டமின் சி, விட்டமின் ஈ உள்ளன. பப்பாளியில் உள்ள பப்பெய்ன் மற்றும் சைமோபபைன் நொதிகள், உணவு செரிமானத்திற்கும்,மலச்சிக்கலை தடுக்கவும் உதவுகின்றன.
அன்னாசி பழம் (PineApple): ஊட்டச்சத்துக்கள் நிறைந்த அன்னாசி பழம், உடலின் நோய் எதிர்ப்பு சக்தியை அதிகரிக்கவும், எலும்புகளை வலுப்படுத்தவும் உதவுகிறது.
ஆப்பிள் (Apple): தினமும் ஒரு ஆப்பிள் என்பது, மருத்துவரை அணுகுவதை விலக்கி வைக்கிறது. ஆப்பிளில் உள்ள பெக்டின்கள் செரிமானத்திற்கு உதவுகின்றன. மேலும் பசியை கட்டுப்படுத்துக்கின்றன. ஆப்பிளில் உள்ள குவெர்செடின் ஆன்டிஆக்ஸிடன்கள் மூளை செயல்பாட்டிற்கு உதவுகின்றன.
கிவி (Kiwi): விட்டமின்கள், தாதுக்கள், என்சைம்கள் நிறைந்த கிவி, செரிமானம் மற்றும் சரும பராமரிப்புக்கு உதவுகிறது. மேலும் உடலிற்கு தேவையான நோய் எதிர்ப்பு சக்தியை வழங்குகிறது.
பேரிக்காய் (Pear): பேரிக்காயில் உள்ள விட்டமின் சி, விட்டமின் கே, பொட்டாசியம் மற்றும் தாமிரம் போன்றவை சிறுநீரகங்கள், குடல் மற்றும் இதயம் செயல்பாட்டை மேம்படுத்துகின்றன. மேலும் செரிமானத்தை மேம்படுத்துகின்றன.
இதையும் படிங்க: பழங்களில் ஃபேஸ் பேக் ட்ரை பண்ணி பாருங்க..உங்க முகம் தங்கம் மாதிரி சும்மா தகதகன்னு மின்னும்!
