விருதுநகர் மாவட்டம் ஞானசம்பந்தபுரம் பகுதியைச் சேர்ந்தவர் வேல்முருகன். இவர், விருதுநகர் மாவட்ட திமுக மாணவரணி அமைப்பாளராக உள்ளார். அப்பகுதியில் சொந்தமாக ஃபர்னிச்சர் கடை நடத்தி வரும் இவரது வீட்டில் இன்று மாலை திடீரென மின்கசிவு ஏற்பட்டது.
தீயை அணைக்கும் பணியில் ஈடுபட்ட தீயணைப்புத் துறையினர்.
மின்கசிவால் மளமளவென வீட்டின் கூரைப் பகுதி வரை தீப்பற்றியது. இந்த விபத்தில் வீட்டிலிருந்த தொலைக்காட்சி, குளிர்சாதனப்பெட்டி போன்ற மின்சாதன கருவிகள் வெடித்து சிதறின. விபத்து குறித்து தகவலறிந்த இராஜபாளையம் தீயணைப்புதுறையினர், சுமார் ஒரு மணி நேரத்துக்கும் மேலாக போராடி தீயை அணைத்தனர்.
