விழுப்புரம் மாவட்டம் மதுவிலக்கு அமலாக்கப் பிரிவு சிறப்பு உதவி ஆய்வாளர் அரிவிநாயகமூர்த்தி, காவலர் பாண்டியன் ஆகியோர் நேற்று மாலை கெங்கராம்பாளையம் சோதனைச்சாவடியில் தீவிர வாகன சோதனையில் ஈடுபட்டிருந்தனர்.
அப்போது அந்த வழியில் அதிவேகமாக வந்த நான்கு சக்கர வாகனத்தை நிறுத்தி சோதனை செய்தபோது, அதில் சட்ட விரோதமாக கொண்டு வரப்பட்ட 240 மதுபானங்கள் கடத்தி வரப்பட்டது தெரிய வந்தது.
இதையடுத்து அவற்றை பறிமுதல் செய்த போலீசார் உடுமலைப்பேட்டையைச் சேர்ந்த ராஜேஷ் என்பவரை கைது செய்து விசாரித்து வருகின்றனர். மேலும் கடத்தலுக்கு பயன்படுத்தப்பட்ட நான்கு சக்கர வாகனத்தையும் போலீசார் பறிமுதல் செய்துள்ளனர்.
