விழுப்புரம் மாவட்டம், திண்டிவனம் அருகே உள்ள பெரும்பாக்கம் சோதனை சாவடியில் இன்று மாலை தலைமைக் காவலர்கள் செல்வமணி, ராதாகிருஷ்ணன் ஆகியோர் வாகன சோதனையில் ஈடுபட்டிருந்தனர்.
அப்போது புதுச்சேரியில் இருந்து சென்னை நோக்கி சந்தேகத்திற்கிடமான வகையில் அதிவேகமாக வந்த TN-30-D-3537 பதிவு எண் கொண்ட மினி லாரியை நிறுத்தி சோதனை செய்தனர்.
சோதனையில், எவ்வித அனுமதியுமின்றி அவ்வாகனத்தில் நான்கு ஆயிரத்து 320 புதுச்சேரியிலிருந்து கொண்டுவரப்பட்ட மது பாட்டில்கள் இருப்பது தெரியவந்தது.
இதையடுத்து, அந்த மது பாட்டில்களை பறிமுதல் செய்த காவல் துறையினர், இதுதொடர்பாக விழுப்புரம் மாவட்டம் திண்டிவனம் அருகே உள்ள நெடிமொழியனூர் கிராமத்தைச் சேர்ந்த சண்முகம் என்பவரை கைது செய்து விசாரணை நடத்தி வருகின்றனர்.
இதையும் வாசிங்க : புதுச்சேரியில் ரவுடி ஓட ஓட வெட்டிக் கொலை
